Chacaría 12:5 - Tupanaarü Ore

⁵ Rü ngẽxguma ngẽmaxü̃ nadaugügu i Yudáanearü ãẽ̱xgacügü rü nügümaxã tá ñanagürügü: “Cori ya Guxãxétüwa Ngẽxmacü nixĩ i Yerucharéü̃cüã̱xgüarü Tupana, rü nüma nixĩ i pora nüxna naxãxü̃”, ñanagürügü.

Chacaría 12:5 Referans Kwoze

Chacaría 10:12

Rü choma rü tá pora nüxna chaxã rü chauégagu tá ínaxĩ. Rü choma ya Cori ya Tupana nixĩ i pexü̃ ngẽma ñachaxü̃ —ñanagürü.

Joel 3:16

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü ngẽma naga rü ñoma duruanexü̃rüxü̃ nixĩ. Rü ngẽxguma i ngẽma daxũguxü̃ i naane rü ñoma i naane rü nidu̱xru. Natürü i nüma ya Cori ya Tupana rü wüxi i poxü̃ruxü̃ nixĩ naxca̱x i Iraétanüxü̃ i norü duü̃xü̃gü ixĩgüxü̃.

Wiyaegü 18:32

Rü Tupana nixĩ ya yimá choxü̃ poraxẽẽcü. Rü yimá nixĩ i yanawe̱xãchixẽẽcü i chaucüma nax taxuwama nachixexü̃ca̱x i chorü maxü̃.

Wiyaegü 144:1

Namexẽchi ya Cori ya Tupana ya chorü poxü̃ruxü̃. Rü nüma nixĩ i choxü̃ nangu̱xẽẽxü̃ rü choxü̃ nüxü̃ nacua̱xẽẽxü̃ nax daiwa chaporaxü̃.

Wiyaegü 18:39

Rü cumax, Pa Tupanax, rü choxü̃ cuporaxẽxẽ ga daiwa, rü yemaca̱x ga yema chomaxã nuexü̃ rü cho̱xme̱xgu cunayixẽxẽ.

Ichaía 28:6

Rü nüma ya Tupana rü tá ngẽma guxchaxü̃güarü mexẽẽruü̃güna nanaxã i cua̱x nax tama chixri namexẽẽgüãxü̃ca̱x i duü̃xü̃güarü guxchaxü̃gü. Rü ngẽma churaragü ya ĩane ípoxü̃güxü̃, rü nüma ya Tupana rü tá nüxna nanaxã i pora nax tama namuü̃exü̃ca̱x.

Chacaría 12:6

Rü ngẽma ngunexü̃gu rü Yudátanüxü̃arü ãẽ̱xgacügü rü ñoma wüxi i üxü i ya̱u̱xraxü̃rüxü̃ tá nixĩgü. Rü ñoma üxü i triguchapa̱xawa iyaa̱u̱xraxü̃rüxü̃ tá nixĩgü. Rü tá nanadai i guxü̃ma i ngẽma nachixü̃anegü i norü tügünecüwawa nüxna ngaixcamagüxü̃ rü ngẽma to̱xwecüwawa ngaixcamagüxü̃. Natürü ngẽma Yerucharéü̃cüã̱xgü rü wena tá norü ĩaneca̱x nawoegu rü nawa tá namaxẽ.

Chacaría 10:6

Rü nüma ya Cori ya Tupana rü ñanagürü: —Choma rü tá chanaporaexẽxẽ i Yudátanüxü̃. Rü tá íchanapoxü̃ i Yúchetanüxü̃. Rü wenaxarü nachixü̃aneca̱x tá chanawoeguxẽxẽ erü choxü̃́ nangechaü̃tümüxü̃gü. Rü nümagü rü wenatáxarü ñoma taguma nüxü̃ chaxoxü̃rüxü̃ chomaxã nixĩgü. Erü choma rü norü Cori ya Tupana chixĩ, rü nüxü̃ chaxĩnü i norü yumüxẽgü.

Yeremía 33:26

Rü ngẽxgumarüxü̃ ta Acóbumaxã rü chorü duü̃ ya Dabímaxã ichaxuneta nax nataagü tá nixĩ i namaxã icua̱xgüxü̃ i Abraáü̃taagü rü Ichaátaagü rü Acóbutaagü. Rü taxũtáma nüxü̃ charüngüma i ngẽma chorü uneta, erü choxü̃́ nangechaü̃tümüxü̃gü i chorü duü̃xü̃gü rü tá nüxü̃ charüngü̃xẽxẽ nax wena nachixü̃aneca̱x nawoeguxü̃ca̱x” —ñachagürü.

Yeremía 30:21

Rü natanüwa tátama nango̱x i wüxi i namaxã icuáxü̃. Rü wüxi i Iraétanüxü̃xü̃ tá nixĩ i norü ãẽ̱xgacü ixĩxü̃. Rü choma rü tá chaugüna chanangaicamaxẽxẽ, rü nüma rü tá chaucüwawa nangẽxma. ¿Rü texé tapora nax tüechamatama choxna tangaicamaxü̃? Rü ngẽma Iraétanüxü̃ rü chorü duü̃xü̃gü tá nixĩgü, rü choma rü norü Tupana tá chixĩ. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 60:17

Rü choma ya perü Tupana, rü mexü̃wa rü taãẽwa tá pexü̃ chamaxẽxẽ. Rü choma rü bróũchechicüxü tá pexna chanaxã i úiru, rü fieruchicüü tá pexna chanaxã i diẽrumü, rü mürapewachicüü tá pexna chanaxã i bróũche rü nutagüchicüxü tá pexna chanaxã i fieru.

Ichaía 32:1

Rü tá nangẽxma ya wüxi ya ãẽ̱xgacü ya we̱xgu duü̃xü̃gümaxã icuácü, rü ãẽ̱xgacügü i mea duü̃xü̃gümaxã icua̱xgüxü̃.

Ichaía 29:10

Rü ngẽmaca̱x i nüma ya Cori ya Tupana rü yaxta i poraxü̃ pexca̱x ngéma namu. Rü ngẽma perü orearü uruü̃güchire̱x nixĩ i pemaxã icua̱xgüxü̃. Natürü tama aixcüma pemaxã nüxü̃ nixugüe i ngẽma tá pexü̃ ngupetüxü̃, erü nüma ya Cori ya Tupana rü düxwa nayatüxetü nax tama nüxü̃ nacua̱xgüxü̃ca̱x.

Ichaía 1:26

Rü choma rü tá chanaxü nax wena pexü̃́ nangẽxmaxü̃ca̱x i ãẽ̱xgacügü i mexü̃ rü ucu̱xẽruü̃gü i mexü̃ ga yema noxri pexü̃́ yexmagüxü̃rüxü̃. Rü nawena nax marü ngẽma pemaxã chaxüxü̃, rü ngẽxguma ya yima perü ĩane ya Yerucharéü̃ rü wenaxarü Ĩane ya mexü̃arü üruü̃maxã rü Ĩane ya Tupanaga ĩnünemaxã tá nanaxugü.

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Wiyaegü 46:1

Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.

Ãẽ̱xgacügü ga guxchaxü̃güarü mexẽxẽruü̃gü 5:9

Moxẽ pexna chaxã, Pa Iraéanearü Ãẽ̱xgacügü rü pema Pa Iraétanüxü̃ i pegü ixãgüxe nax daiwa pexĩxü̃. ¡Rü nüxü̃ picua̱xüü̃gü ya tórü Cori ya Tupana!

Chacaría 12:4

Natürü ngẽma ngunexü̃gu rü choma rü tá chayabuxmüxẽxẽ i norü uanügüarü cowarugü rü tá chanaxãũãẽxẽxẽ i ngẽma churaragü i nagu ĩxü̃. Rü Yudátanüxü̃ rü tá nüxna chadau. Rü guxü̃ma i ngẽma togü i nachixü̃anegüarü cowarugü rü tá chayangexetüxẽxẽ.

Chacaría 14:14

Rü ngẽxguma i ngẽma Yudáanecüã̱xgü rü Yerucharéü̃wa tá naxĩ nax ngẽma nachixü̃anegü i Yerucharéü̃na ngaicamagüxü̃maxã nügü nada̱i̱xü̃ca̱x. Rü tá nüxna nanapuxü̃ i muxü̃ma i norü ngẽmaxü̃gü ngẽxgumarüxü̃ i norü diẽrumü rü norü úiru rü naxchirugü.

Ichaía 28:5

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü, rü norü ãẽ̱xgacü ya mexẽchicü tá nixĩ naxca̱x i ngẽma norü duü̃xü̃gü i íyaxügüxü̃.

Ichaía 45:24

Rü ngẽxguma rü tá ñanagürügü: “Cori ya Tupanaxicatama nixĩ ya ixaixcümacü ya pora tüxna ãcü”, ñanagürügü tá. Rü guxü̃ma i ngẽma chauxchi aiexü̃ rü tá naxãnee.