Chacaría 12:4 - Tupanaarü Ore

⁴ Natürü ngẽma ngunexü̃gu rü choma rü tá chayabuxmüxẽxẽ i norü uanügüarü cowarugü rü tá chanaxãũãẽxẽxẽ i ngẽma churaragü i nagu ĩxü̃. Rü Yudátanüxü̃ rü tá nüxna chadau. Rü guxü̃ma i ngẽma togü i nachixü̃anegüarü cowarugü rü tá chayangexetüxẽxẽ.

Chacaría 12:4 Referans Kwoze

Chacaría 12:3

Rü ngẽma ngunexü̃gu rü Yerucharéü̃ rü wüxi ya nuta ya yaxüchicüxü̃ tá chayanguxuchixẽxẽ na̱xcha̱xwa i ngẽma togü i nachixü̃anegü. Rü tü̱xchiama tá tayapi̱x ya texé ya nangenagüchaü̃xe. Rü guxü̃ma i ngẽma nachixü̃anegü rü tá nügü nanutaque̱xegü nax Yerucharéü̃maxã nügü nada̱i̱xü̃ca̱x.

Wenaxarü naxümatü ga Tupanaarü mugü 28:28

Rü naétü tá pexãũãẽgü, rü pengexetügü rü naguxü̃raü̃xü̃ i ĩnü i nagu ípetüexü̃ tá pexca̱x ínangu

Chacaría 12:6

Rü ngẽma ngunexü̃gu rü Yudátanüxü̃arü ãẽ̱xgacügü rü ñoma wüxi i üxü i ya̱u̱xraxü̃rüxü̃ tá nixĩgü. Rü ñoma üxü i triguchapa̱xawa iyaa̱u̱xraxü̃rüxü̃ tá nixĩgü. Rü tá nanadai i guxü̃ma i ngẽma nachixü̃anegü i norü tügünecüwawa nüxna ngaixcamagüxü̃ rü ngẽma to̱xwecüwawa ngaixcamagüxü̃. Natürü ngẽma Yerucharéü̃cüã̱xgü rü wena tá norü ĩaneca̱x nawoegu rü nawa tá namaxẽ.

Ngechuchuarü ngúexü̃gü ga yamugüxü̃arü puracüchiga 17:30

Rü nũxcüma ga duü̃xü̃gü rü naechitamare ínatüe, natürü nüma ga Tupana rü namaxã yáxna naxĩnü. Natürü i ñu̱xma ya Tupana rü nanamu i duü̃xü̃gü i guxü̃wama nax naxca̱x nadaugüxü̃. Rü nanamu nax nüxü̃ naxoexü̃ i nacüma i chixexü̃gü.

Chacaría 14:15

Rü ngẽma da̱xaweane i namaxã ida̱xawexü̃ i norü uanügü rü ngẽmatátama nixĩ i norü cowarugü namaxã ida̱xaweexü̃. Rü ngẽxgumarüxü̃ tá ta namaxã nida̱xawe i norü caméyugü rü norü mulagü rü norü búrugü rü guxü̃ma i ngẽma togü i naxü̃nagü i ngẽma ínapegüxü̃wa nüxü̃́ ngẽxmagüxü̃.

Chacaría 12:11

Rü ngẽma ngunexü̃gu rü ĩane ya Yerucharéü̃wa rü tá taxü̃ i ngechaü̃ ínangu yexguma Yudáanearü ãẽ̱xgacü ga Adáx-rimóü̃ ga Meguíduarü doxonexü̃gu yu̱xgurüxü̃.

Chacaría 10:5

Rü nümagü rü tá ñoma churaragü i ãcharaxü̃gu nügü da̱i̱xü̃rüxü̃ nixĩgü. Rü tá naporae, erü Cori ya Tupana rü natanüwa nangẽxma. Rü ngẽmaãcü tá nanaxãnexẽxẽ i norü uanügüarü churaragü i cowarugu ĩxü̃.

Chacaría 9:8

Choma rü íchamemare nax íchanapoxü̃xü̃ i ngẽma chorü duü̃xü̃gü nape̱xewa i ngẽma norü uanügü. Rü ngẽma to i nachixü̃anearü ãẽ̱xgacü i noxri chixri namaxã icuáxü̃ rü tagutáma wena namaxã inacua̱x. Erü ñu̱xma rü chomaxü̃chima nüxna chadau i chorü duü̃xü̃gü —ñanagürü.

Danié 9:18

Pa Chorü Tupanax ¡choxü̃ naxĩnü i ñaa chorü yumüxẽ erü curü duü̃xü̃ chixĩ! ¡Rü mea nangugü nax ñuxãcü poraãcü nachixexü̃ ya yima ĩane ya Yerucharéü̃ ya nawa cuégagu cuxna taca̱xaxü̃ne! Rü tama ta̱xacürü mexü̃ i cupe̱xewa taxüxü̃gagu nixĩ i cuxü̃ taca̱xaxü̃xü̃, natürü cuxna taca erü cuma rü cuxü̃́ tangechaxü̃tümüü̃gü woo taxü̃ ga chixexü̃ nax taxügüchiréxü̃.

Echequié 39:20

Rü naxca̱x tá chanaxü i wüxi i õna i taxü̃ i cowarugümachi, rü churaragü i cowaruétügu ĩxü̃machi rü naguxü̃raü̃xü̃ i togü i churaragümachi nax ngẽma ngurucugü rü naeü̃gü nangõ̱xgüxü̃ca̱x ñu̱xmatata mea nangãxpütüwegü. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 38:4

Rü choma rü tá taxwa cua̱xwa chichocuchi rü ngẽmaãcü tá cuxü̃ íchatúxuchi cuchixü̃anewa nax daiwa cuxũxü̃ca̱x namaxã i guxü̃ma i curü churaragü i nacutügu ĩxü̃ rü curü churaragü i mea ãxchiruxü̃ i cowarugüétügu ĩxü̃. Rü nümagü rü namuxũchi rü meama taragümaxã nixãxne, rü meama nixãxchiru. Rü guxü̃raxü̃xü̃ i poxü̃ruü̃gü nüxü̃́ nangẽxma.

Yeremía 24:6

Rü ngẽma naanewa rü nüxna tá chadau rü ñaa nachixü̃aneca̱x tá chanawoeguxẽxẽ. Rü nua tá nüxü̃ charüngü̃xẽxẽxü̃ rü tagutáma wena chanadai. Rü ñoma wüxi i nanetü itoxü̃rüxü̃ nua tá chanangexmagüxẽxẽ rü tagutáma wena íchanawoxü̃.

Ichaía 37:17

¡Dücax, Pa Corix, rü choxü̃́ irüxĩnü! ¡Rü nüxü̃ naxĩnü i ngẽma ore i ngẽma ãẽ̱xgacü i Chenáqueri nua chauxü̃tawa muxü̃! Rü guxü̃ma i ngẽma norü oregüwa rü cumaxã naguxchiga, Pa Tupana ya Maxü̃cü.

Ichaía 24:21

Rü ngẽma ngunexü̃gu ya Cori ya Tupana rü tá nanapoxcue i ngẽma naãẽgü i chixexü̃ i dauxü̃wa ngẽxmagüxü̃ rü ñu̱xũchi ngẽma ñoma i naanewa ngẽxmagüxü̃ i ãẽ̱xgacügü i chixexü̃gü. Rü tá nanangutaque̱xexẽxẽ, rü wüxi i poxcuchicaxü̃gu tá nanawocu rü ngẽxma tá nanawãxtaxü̃. Rü ñu̱xũchi muxü̃tama i ngunexü̃güwena rü tá namaxã nanaxuegu i norü poxcu.

Neemía 1:6

Rü ngẽmaca̱x i ñu̱xma rü cuxü̃ chaca̱a̱xü̃ nax choxü̃́ nüxü̃ cuxĩnüxü̃ i ñaa chorü yumüxẽ i chütacü rü ngunecü cumaxã nüxü̃ chixuxü̃ naxca̱x i ngẽma curü duü̃xü̃gü i Iraétanüxü̃. Rü nüxü̃ chacua̱x nax cupe̱xewa chixexü̃ taxüxü̃ i toma i Iraétanüxü̃, rü woo i choma rü chautanüxü̃ rü cupe̱xewa chixexü̃ taxügü.

Norü taxre ga to ga popera ga ãẽ̱xgacügüchiga ümatüxü̃ 7:15

Rü ñu̱xmacürüwa rü mea tá pexü̃́ nüxü̃ chaxĩnü i perü yumüxẽgü i daa chopatawa pexüxü̃.

Norü taxre ga to ga popera ga ãẽ̱xgacügüchiga ümatüxü̃ 6:40

¡Rü ñu̱xmax, Pa Chorü Tupanax, rü inadawenü rü írüxĩnü naxca̱x i guxü̃ma i ngẽma yumüxẽgü i cuxca̱x taxügüxü̃ i ñaa nachicawa!

Norü taxre ga to ga popera ga ãẽ̱xgacügüchiga ümatüxü̃ 6:20

¡Rü taxṹ i nüxü̃ curüchauxü̃ nax ngunecü rü chütacü nüxü̃ cudawenüxü̃ ya daa cupata ya taxü̃ne ya cuma nüxü̃ quixuxü̃ne nax nawa tá cungexmaxü̃! ¡Rü nüxü̃ naxĩnü i ñaa chorü yumüxẽ i nua cupata ya taxü̃newa cumaxã nüxü̃ chixuxü̃ i choma nax curü duü̃xü̃ chixĩxü̃!

Norü taxre ga popera ga ãẽ̱xgacügüchiga 6:18

Rü yexguma yema churaragü ga Chíriaanecüã̱x Erichéuca̱x ibuxmüchaü̃gu, rü nüma ga Erichéu rü Cori ya Tupanana naca rü ñanagürü: —Pa Tupanax, ẽcü ¡yangexetüxẽxẽ i ngẽma duü̃xü̃gü! —ñanagürü. Rü nüma ga Cori ya Tupana rü nayangexetüxẽxẽ yema Erichéu naxca̱x íca̱xaxü̃rüxü̃.

Norü taxre ga popera ga ãẽ̱xgacügüchiga 6:14

Rü yexguma ga nüma ga ãẽ̱xgacü rü yéma nanamugü ga wüxitücumü ga churaragü ga cowaruétügu ĩxü̃ rü totücumü ga carugü ga cowaru itúgünegu ĩxü̃ rü muxü̃ma ga churaragü ga nacutügumare ĩxü̃. Rü yema churaragü rü chütacü guma ĩane ga Dotáü̃wa nangugü rü nüxü̃ ínachomaeguãchi.

Nüxíraxü̃xü̃ ga popera ga ãẽ̱xgacügüchiga 8:29

¡Rü taxṹ i nüxü̃ curüchauxü̃ nax ngunecü rü chütacü nüxü̃ cudawenüxü̃ ya daa cupata ya taxü̃ne rü cuma tomaxã nüxü̃ quixu nax yimawa tá cungexmaxü̃! ¡Rü nüxü̃ naxĩnü i ñaa chorü yumüxẽ i cupata ya taxü̃newa cumaxã nüxü̃ chixuxü̃ i choma nax curü duü̃xü̃ chixĩxü̃!

Chacaría 12:5

Rü ngẽxguma ngẽmaxü̃ nadaugügu i Yudáanearü ãẽ̱xgacügü rü nügümaxã tá ñanagürügü: “Cori ya Guxãxétüwa Ngẽxmacü nixĩ i Yerucharéü̃cüã̱xgüarü Tupana, rü nüma nixĩ i pora nüxna naxãxü̃”, ñanagürügü.