Chacaría 12:3 - Tupanaarü Ore

³ Rü ngẽma ngunexü̃gu rü Yerucharéü̃ rü wüxi ya nuta ya yaxüchicüxü̃ tá chayanguxuchixẽxẽ na̱xcha̱xwa i ngẽma togü i nachixü̃anegü. Rü tü̱xchiama tá tayapi̱x ya texé ya nangenagüchaü̃xe. Rü guxü̃ma i ngẽma nachixü̃anegü rü tá nügü nanutaque̱xegü nax Yerucharéü̃maxã nügü nada̱i̱xü̃ca̱x.

Chacaría 12:3 Referans Kwoze

Ore i mexü̃ ga Matéu ümatüxü̃ 21:44

Rü yimá nuta ega texé namaxã yarüñaxgu rü tá itapoü̃gü. Rü yíxema tümaétügu nanguxe ya yimá nuta, rü tá tüxü̃ niñaixmü —ñanagürü ga Ngechuchu.

Ore i mexü̃ ga Luca ümatüxü̃ 20:18

Rü ñanagürü ta ga Ngechuchu: —Texé ya yimá nutaétügu nguxe, rü tá itapoü̃gü. Rü yíxema tümaétügu nanguxe ya yimá nuta, rü tá tüxü̃ niñaĩxmü —ñanagürü ga Ngechuchu.

Chacaría 14:6

Rü ngẽma ngunexü̃gu rü taxũtáma nagáuane, rü taxũtáma nangẽxma i gáuxü̃te̱xe.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.

Chacaría 12:11

Rü ngẽma ngunexü̃gu rü ĩane ya Yerucharéü̃wa rü tá taxü̃ i ngechaü̃ ínangu yexguma Yudáanearü ãẽ̱xgacü ga Adáx-rimóü̃ ga Meguíduarü doxonexü̃gu yu̱xgurüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:14

Rü yema ngo̱xoãxẽgü nixĩ ga naxügüxü̃ ga taxü̃ ga cua̱xruü̃gü. Rü ínachoxü̃ nax nangutaque̱xexẽẽgüãxü̃ca̱x i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü nax Tupana ya Guxü̃étüwa Ngẽxmacümaxã nügü nada̱i̱xü̃ca̱x nagu i ngẽma ngunexü̃ ya Tupana nüxü̃ unetaxü̃.

Chacaría 14:13

Rü ngẽma ngunexü̃gu ya Cori ya Tupana rü tá nanamuü̃exẽxẽ i ngẽma togü i nachixü̃anecüã̱xgü. Rü wüxichigü rü tá namücüchacüüwa nichü̱xüx nax nügü nada̱i̱xü̃ca̱x.

Chacaría 12:6

Rü ngẽma ngunexü̃gu rü Yudátanüxü̃arü ãẽ̱xgacügü rü ñoma wüxi i üxü i ya̱u̱xraxü̃rüxü̃ tá nixĩgü. Rü ñoma üxü i triguchapa̱xawa iyaa̱u̱xraxü̃rüxü̃ tá nixĩgü. Rü tá nanadai i guxü̃ma i ngẽma nachixü̃anegü i norü tügünecüwawa nüxna ngaixcamagüxü̃ rü ngẽma to̱xwecüwawa ngaixcamagüxü̃. Natürü ngẽma Yerucharéü̃cüã̱xgü rü wena tá norü ĩaneca̱x nawoegu rü nawa tá namaxẽ.

Chacaría 12:4

Natürü ngẽma ngunexü̃gu rü choma rü tá chayabuxmüxẽxẽ i norü uanügüarü cowarugü rü tá chanaxãũãẽxẽxẽ i ngẽma churaragü i nagu ĩxü̃. Rü Yudátanüxü̃ rü tá nüxna chadau. Rü guxü̃ma i ngẽma togü i nachixü̃anegüarü cowarugü rü tá chayangexetüxẽxẽ.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.

Chofonía 3:19

Ngẽma ngunexü̃gu rü tá chanadai i guxü̃ma i ngẽma chixri pemaxã icua̱xgüxü̃. Rü tá pexü̃ charüngü̃xẽxẽxü̃ i pema nax pengearü poxü̃ruü̃ã́xü̃, ñoma wüxi i carnéru ibüyeparaxü̃ i ngearü poxü̃ã́xü̃rüxü̃. Rü pema nax pewoonexü̃ rü tá wena pexü̃ chanutaque̱xe. Rü ngẽma naanegü i ngextá duü̃xü̃gü pexü̃ ixoexü̃wa rü tá pexü̃ chatachigaxẽxẽ.

Abacú 2:17

Rü yema chixexü̃ ga Líbanuarü máxpü̱xanexü̃wa pexüxü̃ rü tá pegutátama nangu. Rü ngẽxgumarüxü̃ ta pegutátama nangu i ngẽma nax penadaixü̃ ga yema naeü̃gü ga yéma yexmagüxü̃. Rü ngẽma guxchaxü̃gü rü tá pegu nangu nagagu nax nagu pepogüexü̃ ga yema nachixü̃anearü ĩanegü rü penadaixü̃ ga norü duü̃xü̃gü.

Miquéa 5:15

Rü chorü numaxã tá chanapoxcue i ngẽma togü i nachixü̃anegüarü duü̃xü̃gü i tama chauga ĩnüechaü̃xü̃ —ñanagürü ya Cori ya Tupana.

Miquéa 5:8

Rü ngẽxguma i ngẽma Iraéanecüã̱xgü i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü tá ngẽma togü i nachixü̃anegüxü̃ narüporamae ñoma leóü̃ rü togü i naeü̃güxü̃ rüporamaexü̃rüxü̃. Rü ñoma leóü̃acü i carnérutanüwa ngẽxmaxü̃ rü carnérugüxü̃ íyauxü̃xü̃ rü taxúema tüxü̃ iñaxẽẽxü̃rüxü̃ tá nixĩgü i ngẽma Iraétanüxü̃.

Abdía 1:18

Rü ngẽma Acóbutaagü rü Yúchetaagü rü ñoma üxü rü üxüemarüxü̃ tá nixĩgü. Rü ngẽma Echaútaagü rü ñoma maxẽ ya pacürüxü̃ tá nixĩgü, rü tá ínanagu. Rü taxũtáma i Echaútaxa namaxü̃. Rü choma ya Cori ya Tupana rü marü ngẽmaãcü namaxã chanaxuegu —ñanagürü.

Ichaía 60:12

Rü guxü̃ma i ngẽma nachixü̃anegü i tama pexü̃ rüngü̃xẽẽxü̃ rü tá narüxogü.