Chacaría 12:2 - Tupanaarü Ore

² —Choma rü tá chanaporaxẽxẽ ya Yerucharéü̃. Rü yima ĩane rü ñoma wüxi i axepáxü̃ i bínumaxã ããcuxü̃rüxü̃ tá nixĩ naxca̱x i guxü̃ma i ngẽma nachixü̃anegü i nüxna ngaicamagüxü̃. Erü ngẽma ngunexü̃ i nagu naxca̱x íyaxüãchixü̃ rü ñoma nangãxẽxü̃rüxü̃ tá naturae. Rü ngẽxguma Yerucharéü̃ca̱x íyaxüãchigu rü tá ta naxca̱x ínayaxüãchi ya yima náigü ya ĩanegü ya Yudáanewa ngẽxmagüne.

Chacaría 12:2 Referans Kwoze

Chacaría 14:14

Rü ngẽxguma i ngẽma Yudáanecüã̱xgü rü Yerucharéü̃wa tá naxĩ nax ngẽma nachixü̃anegü i Yerucharéü̃na ngaicamagüxü̃maxã nügü nada̱i̱xü̃ca̱x. Rü tá nüxna nanapuxü̃ i muxü̃ma i norü ngẽmaxü̃gü ngẽxgumarüxü̃ i norü diẽrumü rü norü úiru rü naxchirugü.

Wiyaegü 75:8

Rü nüma ya Cori ya Tupana rü naxme̱xwa nangẽxma i ngẽma copu i norü nu nawa ngẽxmaxü̃ ñoma wüxi ya bínu ya ngúchia̱xüchicürüxü̃. Rü ngẽxguma inabaãgu i ngẽma norü nu naétü i ngẽma duü̃xü̃gü i chixexü̃ ügüxü̃ rü guxü̃watáma nangu rü taxuxü̃táma niña.

Ichaía 51:17

¡Peba̱i̱xãchie Pa Yerucharéü̃cüã̱xgüx! ¡Peba̱i̱xãchie rü íperüdagü i pema nax Tupana pemaxã nuxü̃! Rü poraãcü ngúxü̃ pingexü̃ rü ñu̱xma rü pengearü poraã̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:6

Rü ngẽma nax poraãcü chixexü̃ togüca̱x naxügüxü̃rüxü̃, rü ngẽxgumarüxü̃ tá ta nixĩ nax chixexü̃maxã nüxü̃́ penaxütanüxü̃ i pemax. ¡Rü taxree̱xpü̱xcüna chixexü̃maxã tá nüxü̃́ penaxütanü naxca̱x i ngẽma chixexü̃ i togüca̱x naxügüxü̃! ¡Rü ngẽma chixexü̃ ga yema ĩanecüã̱x togüca̱x mexẽẽgüxü̃, rü pema rü taxree̱xpü̱xcüna tá naxca̱x penamexẽxẽ i ngẽma chixexü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 16:19

Rü guma ĩane ga taxü̃ne ga Babirónia, rü tomaepü̱xgu ningüxyeane. Rü guma ĩanegü ga ñoma ga naanewa yexmagüne rü niwa̱xgü ga norü ĩgü. Rü Tupana rü norü chixexü̃ca̱x nüxna nacua̱xãchi ga guma ĩane ga Babirónia. Rü yemaca̱x norü numaxã poraãcü nanapoxcu ga guma ĩane, yerü poraãcüxüchi namaxã nanu.

Abacú 2:16

Rü woo duü̃xü̃gü pexü̃ nicua̱xüü̃gü i ñu̱xmax, natürü nawa tá nangu nax taxü̃ i ãne tá pingegüxü̃. Erü nüma ya Cori ya Tupana rü tá duü̃xü̃güpe̱xewa pexü̃ naxãneexẽxẽ ñoma wüxi i duü̃xü̃ i ngexchiruãcüma ãne ingexü̃rüxü̃. Rü ngẽmaãcü perü taãxẽ rü ãnexü̃ tá pexü̃́ nananguxuchi.

Yeremía 51:57

Rü nüma ya Ãẽ̱xgacü ya Cori ya Tupana ya Guxãétüwa Ngẽxmacü rü ñanagürü: —Choma rü tá ñoma nangãxẽxü̃rüxü̃ chayaxĩgüxẽxẽ i ngẽma Babiróniaanearü ãẽ̱xgacügü, rü norü duü̃xü̃gü i cua̱x nüxü̃́ ngẽxmagüxü̃, rü norü ĩanegüarü ãẽ̱xgacügü, rü norü ngü̃xẽẽruü̃gü, rü norü churaragü. Rü guxü̃ma rü guxü̃gutáma napee rü tagutáma naba̱i̱xãchie.

Yeremía 51:7

Rü Babirónia rü cho̱xme̱xwa rü ñoma wüxi ga copu ga úirunaxca̱x ga bínumaxã ããcuxü̃rüxü̃ nixĩ. Rü Babirónia rü guxü̃ma ga yema togü ga nachixü̃anegüxü̃ narüporamae ñoma bínu i ngúxü̃maxã duü̃xü̃güxü̃ rüporamaexü̃rüxü̃. Rü guxü̃ma ga yema togü ga nachixü̃anegü rü Babiróniaanecüã̱xme̱xẽwa nügü nayexmagüxẽxẽ ñoma duü̃xü̃gü i ngãexü̃rüxü̃.

Yeremía 49:12

Erü choma ya Cori ya Tupana rü ñachagürü: “Nayexma ga duü̃xü̃gü ga tama poxcu namaxã chaxueguxü̃ natürü tá napoxcueama. ¿Rü ñuxãcü nagu perüxĩnüe nax ngẽma poxcuxcha̱xwa tá pibuxmüxü̃? Rü pemaxã nüxü̃ chixu rü aixcüma tá pepoxcue.

Yeremía 25:17

Rü choma rü Cori ya Tupaname̱xẽwa chanayaxu ga yema copu, rü ñu̱xũchi nawa chayaxaxexẽẽgü ga guxü̃ma ga yema nachixü̃anecüã̱xgü ga Tupana natanüwa choxü̃ muxü̃.

Yeremía 25:15

Rü Cori ya Iraétanüxü̃arü Tupana rü choxü̃ ñanagürü: —Pa Yeremíax, dücax i ñaa copu i changexü̃ i bínumaxã ããcuxü̃. Rü yima bínu rü chorü nuchiga nixĩ. ¡Rü choxna nayaxu i ñaa copu i bínumaxã ããcuxü̃ rü yimá bínuwa yaxaxegüxẽxẽ i guxü̃ma i ngẽma nachixü̃anegü i natanüwa cuxü̃ chamuxü̃!

Yeremía 8:14

Rü ngẽma duü̃xü̃gü rü ñanagürügü tá: —¿Rü ta̱xacüca̱x nuatama tangexmagü? ¡Ngĩxã rü yima ĩanegü ya ípoxegugünewa taxĩ i guxãma i yixema nax ngẽxma wüxicana tüxü̃ nada̱i̱xü̃ca̱x! Rü nüma ya Cori ya tórü Tupana rü dexá i üxü̃chiüxü̃wa tá tüxü̃ nixaxexẽẽgü, rü ngẽmaãcü tá tüxü̃ nadai, erü nape̱xewa chixexü̃ taxügü.

Chacaría 14:2

¡Rü dücax! Pa Yerucharéü̃cüã̱xgüx, rü ngẽma ngunexü̃gu rü nüma ya Cori ya Tupana rü tá guxü̃ i nachixü̃anecüã̱xgüxü̃ nangutaque̱xexẽxẽ nax pemaxã nügü nada̱i̱xü̃ca̱x. Rü nagu tá nachocu ya yima perü ĩane, rü wüxichigü ya ĩpatagü rü tá nanadeãcu. Rü ngea̱xgü rü tá tüxü̃ ínayauxü̃ rü tá tümamaxã namaxẽ. Rü ngãxü̃ i petanüxü̃ rü tá nayagagü. Rü ngẽma norü to i ngãxü̃xica tá ngéma nayaxügü.