Chacaría 12:1 - Tupanaarü Ore

¹ Ñaa nixĩ i Cori ya Tupanaarü ore nachiga i Iraétanüxü̃. Rü nüma ya Cori ya Tupana nixĩ i nango̱xẽẽãxü̃ i daxũguxü̃ i naane rü naxüaxü̃ i ngẽma ñoma i naane nagu üxü̃ rü yatüna maxü̃ naxãxü̃, rü ñanagürü:

Chacaría 12:1 Referans Kwoze

Ichaía 42:5

Rü Cori ya Tupana rü ñanagürü: —Choma nixĩ ya Tupana chixĩxü̃, rü choma nixĩ i chanaxüxü̃ i dauxü̃guxü̃ i naane rü ñoma i naane rü guxü̃ma i nawa rüxügüxü̃. Rü choma nixĩ i maxü̃ nüxna chaxãxü̃, rü chayangü̃atanücüüxẽẽxü̃ i guxü̃ma i duü̃xü̃gü i ñoma i naanewa maxẽxü̃.

Yeremía 51:15

Nüma ya Cori ya Tupana rü norü poramaxã nanaxü ga ñoma ga naane. Rü norü cua̱xmaxã wüxiwa nanangexmaxẽxẽ. Rü yexgumarüxü̃ ta norü cua̱xmaxã nayangeechi ga daxũguxü̃ ga naane.

Ichaía 57:16

Pa Chorü Duü̃xü̃güx, marü taxũtáma pexü̃ chixuecha rü taxũtáma guxü̃guma pemaxã chanu. Erü ngẽxguma chi chanuechagu rü guxü̃ma i ngẽma duü̃xü̃gü i changóexẽẽxü̃ rü chi choxü̃ narüxoe.

Popera ga Yudíugü ga yaxõgüxü̃ca̱x ümatüxü̃ 12:9

Rü yexguma ibuegu, rü tanatügü tüxü̃ taxucu̱xẽgü, rü yixema rü tümaga taxĩnüe rü tüxü̃ tangechaü̃gü. Rü ñu̱xma rü yexeraãcü tanaxwa̱xe nax naga ixĩnüexü̃ ya Tanatü ya daxũgucü nax ngẽmaãcü nayaxuxü̃ca̱x i maxü̃ i taguma gúxü̃.

Ichaía 48:13

Rü choma nixĩ ga chorü poramaxã chanaxüxü̃ ga daxũguxü̃ i ĩane rü ñoma i naane. Rü yexguma naégaxü̃ chixuxgu rü nangóe ga daxũguxü̃ i naane rü ñoma i naane.

Ichaía 44:24

Rü nüma ya Tupana ya pexü̃ ínguxü̃xẽẽcü rü pexü̃ ücü naxü̃pa ga nax pibuexü̃ rü ñanagürü: —Choma nixĩ ya Tupana chixĩxü̃, rü choma nixĩ i chanangóexẽẽxü̃ i guxü̃ma i ñoma i naanewa ngẽxmagüxü̃. Rü choma nixĩ ga chanaxüxü̃ ga daxũguxü̃ ga naane rü ñoma ga naane. Rü taxúema choxü̃ tarüngü̃xẽxẽ.

Ngu̱xẽẽtaeruü̃arü ore 12:7

Rü nawena nax cuyuxü̃ rü cuxune rü tá wenaxarü noxrirüxü̃ waixü̃mü nixĩ. Rü cuãxẽ rü tá Tupanaca̱x nataegu yerü nüma nixĩ ga cuxna naxããxü̃.

Iraétanüxü̃arü muxchiga 16:22

Natürü nüma ga Moiché rü Aróü̃ rü Tupanape̱xegu ñaxtüanegu nanangücuchitanü rü ñanagürügü nüxü̃: —Pa Tupanax, cuma nax cunamaxẽxẽẽxü̃ i guxü̃ma i duü̃xü̃gü, rü tama name i wüxitama i duü̃xü̃arü chixexü̃gagu rü guxü̃ma i duü̃xü̃gümaxã cunu —ñanagürügü.

Naanearü ügüchiga 2:7

Rü yexguma Cori ya Tupana naxü̱xgu ga gumá yatü, rü waixü̃müte̱xewa nanaxü. Rü naraü̃gu nacue rü yemaacü maxü̃ nüxna naxã. Rü yexguma namaxü̃ã̱x ga yatü.

Echequié 18:4

Rü guxü̃ma i duü̃xü̃güarü maxü̃ rü cho̱xme̱xwa nangẽxma woo papagü rü woo nanegü. Rü yíxema chixexü̃ ǘxe rü tümaarü chixexü̃gagu tátama tayu.

Yeremía 38:16

Natürü nüma ga ãẽ̱xgacü ga Chedequía rü bexma nüxicatama Yeremíamaxã inaxuneta rü ñanagürü: —Yimá tüxü̃ maxẽxẽẽcü ya Cori ya Tupanaégagu cumaxã nüxü̃ chixu rü taxũtáma texéxü̃ chamu nax cuxü̃ yamáxü̃ca̱x, rü taxũtáma ngẽma cuxü̃ ima̱xgüchaü̃xü̃me̱xẽgu cuxü̃ changuxẽxẽ —ñanagürü.

Yeremía 30:16

Rü Tupana rü norü duü̃xü̃güxü̃ ñanagürü: —Guxü̃ma i ngẽma nachixü̃anegü i pexü̃ rüporamaegüxü̃ rü tá togü nüxü̃ narüporamaegü. Rü guxü̃ma i perü uanügü rü nüxí tá to i nachixü̃anewa nagagü. Rü ngẽma nachixü̃anegü ga perü yemaxü̃gü inaxü̃ rü tá nüxí to i nachixü̃ane nayana i norü ngẽmaxü̃gü. Rü ngẽma nachixü̃anegü ga naxca̱x ngĩ́xü̃ ga perü yemaxü̃gü rü tá nüxí to i nachixü̃ane naxca̱x nüxü̃́ nangĩ̱xgü i norü ngẽmaxü̃gü.

Yox 26:7

Rü ngextá taxuxü̃ma íyexmaxü̃wa rü Tupana rü nayangeechi ga dauxü̃guxü̃ ga naane. Rü ngextá taxuxü̃ma íyexmaxü̃gu Tupana nanachü̱xẽxẽ ga ñoma ga naane.

Yeremía 10:12

Cori ya Tupana rü norü poramaxã nanaxü ga ñoma i naane. Rü norü cua̱xmaxã nanamexẽxẽ. Rü yexgumarüxü̃ ta norü cua̱xmaxã nayangeechi ga daxũguxü̃ i naane.

Ichaía 51:13

¿Ẽ̱xna marü choxü̃ curüngümae nax choma yixĩxü̃ ga cuxü̃ chango̱xẽxẽxü̃ rü chayangeechixü̃ ga daxũguxü̃ ga naane rü chanaxüxü̃ ga ñoma ga naane? ¡Rü taxṹ i nüxü̃ cumuü̃exü̃ i ngẽma uanügü i norü numaxã cuxü̃ daixchaü̃xü̃! ¿Natürü ngexü̃ nixĩ i guxü̃ma i ngẽma norü nu?

Ichaía 45:18

Rü choma ya Tupana ya naxücü i daxũguxü̃ i naane rü ñoma i naane rü guxü̃ma i nawa ngẽxmagüxü̃ nax tama nangeãcuxü̃ca̱x, rü ñachagürü: —Choma nixĩ ya Tupana chixĩxü̃ rü nataxuma i to.

Ichaía 45:12

Rü choma nixĩ ga chaxüxü̃ ga ñoma i naane rü ngẽma nawa maxẽxü̃. Rü choma nixĩ ga cho̱xme̱xmaxã chanaxüxü̃ ga daxũguxü̃ ga naane, rü chanangóexẽẽxü̃ ga ẽxtagü.

Ichaía 40:22

Rü nüma ya Tupana rü ngẽma naanexü̃ idüxüxü̃arü dauxü̃waama nangẽxma i norü tochicaxü̃. Rü ngéma duü̃xü̃güxü̃ nadau nax ñoma munügürüxü̃ yaxĩgüxü̃. Rü nüma nayangexechi i ngéma dauxü̃wa ngẽxmaxü̃ rü nayatexechi i ngẽma dauxü̃wa nüxü̃ idauxü̃ ñoma wüxi ya ĩpata ya naxchirunaxca̱x itexechixü̃rüxü̃.

Ichaía 40:12

¿Rü texé ya tümachacume̱xẽmaxã inanguxe i már arü dexá, rüe̱xna tümatanüme̱xẽgümaxã nangugüxe i daxũguxü̃ i naanearü ta? ¿Rü texé wüxi i nguruü̃gu tanagücu i ñoma i naanearü waixü̃müte̱xe? ¿Rü texé yáruü̃wa tanayá ya guxü̃nema ya ma̱xpǘnegü?

Wiyaegü 104:2

Rü cuma rü curü ngóonexü̃arü ngãxü̃wa cungexma. Rü cuma rü cuyangeechi ga daxũguxü̃ ga naane ñoma wüxi i tüeruxü̃ ingeechixü̃rüxü̃.

Maraquía 1:1

Rü ñaa nixĩ i ore i Cori ya Tupana Iraétanüxü̃maxã nüxü̃ ixuxü̃ nawa ya norü orearü uruxü̃ ya Maraquía.

Chacaría 9:1

Ñaa nixĩ i Cori ya Tupanaarü ore i ĩane ya Damácuchiga: —Guxü̃ma i Iraétanüxü̃ i duü̃xü̃gü rü Cori ya Tupanaarü nixĩgü, rü ngẽxgumarüxü̃ ta ya yima ĩanegü ya Chíriaanewa ngẽxmagüne rü Cori ya Tupanaarü nixĩgü.

Joel 3:19

Rü Equítuane rü tá nachixe, rü Edóü̃ane rü wüxi i naane i ngextá taxúema íxãpataxü̃warüxü̃ tá nixĩ. Yerü Yudáchixü̃aneca̱x ínayaxüãchi rü nanadai ga duü̃xü̃gü ga taxuxü̃ma chixexü̃ ügüxü̃.

Auxexü̃chiga 2:14

Rü yema curü orearü uruü̃günetagü naxca̱x ngo̱xetüxü̃ rü wüxi ga doramare nixĩ. Rü tama cumaxã nüxü̃ nixugüe ga yema curü pecadu ga cuxüxü̃. Rü yemaacü tama nayanaxoxẽxẽ ga yema guxchaxü̃gü ga nawa cungexmaxü̃ i ñu̱xma nax to ga nachixü̃anewa nagagüxü̃ ga curü duü̃xü̃gü. Natürü ga cumax, Pa Yerucharéü̃x, rü cuyaxõ ga yema ore ga doramare ixĩxü̃ ga cumaxã nüxü̃ yaxugüexü̃ ga yema orearü uruü̃güneta.

Yeremía 50:34

Natürü yima perü nguxü̃xẽẽruxü̃ rü napora. Rü naéga rü Cori ya Tupana ya Guxãétüwa Ngẽxmacü nixĩ. Rü nüma tá nixĩ i pemaxã inacuáxü̃ rü tá pexü̃ narüngü̃xẽxẽ nax nataxuxü̃ma i guxchaxü̃ i pechixü̃anewa. Natürü tá muü̃ naxca̱x ínanguxẽxẽ i ngẽma Babiróniacüã̱x —ñanagürü.

Yeremía 30:10

Rü choma ya Cori ya Tupana rü ñachagürü: —¡Taxṹ i pemuü̃exü̃, Pa Acóbutanüxü̃ i chorü duü̃xü̃gü pixĩgüxü̃! ¡Rü taxṹ i ta̱xacüca̱x peba̱i̱xãchiexü̃, Pa Iraétanüxü̃x! Erü choma rü tá pexü̃ rü pexacügüxü̃ íchanguxü̃xẽxẽ nawa i ngẽma yáxü̃guxü̃ i nachixü̃ane i nawa pegagüxü̃. Rü wenaxarü taãẽwa tá pemaxẽ rü taxũtáma i texé i pexü̃ ítaba̱i̱xgü.

Yox 37:18

¿Ẽ̱xna cuma nüxü̃ cucua̱x nax ñuxãcü Tupanaxü̃ curüngü̃xẽxẽxü̃ nax nüxü̃ natanetaxü̃ca̱x i dauxü̃wa nax wüxi i bróũchetachinürüxü̃ nataixü̃ca̱x?

Naanearü ügüchiga 1:8

Rü Tupana rü yema daxũwa yexmaxü̃ rü ngo̱xmaanexü̃maxã nanaxu. Rü yemaacü ningu ga norü taxre ga ngunexü̃.

Wiyaegü 134:3

¡Rü nüma ya Cori ya Tupana ya daxũguxü̃ i naane rü ñoma i naanearü üruxü̃, rü yima ma̱xpǘne ya Chióü̃wa cuxca̱x ne nanamu i norü ngü̃xẽxẽ!