Chacaría 11:7 - Tupanaarü Ore

⁷ Rü ngẽxguma i choma i Chacaría rü nüxna chadau i ngẽma carnérugü i norü daixchicawa nagagüchaü̃xü̃. Rü yexera nüxna chadau i ngẽma carnérugü i rüturamaegüxü̃. Rü taxre i naixmenaxãca̱x chadau. Rü wüxi rü Ngü̃xẽẽgu chanaxüéga, rü ngẽma to rü Wüxiwa Íngexmagüxü̃gu chanaxüéga. Rü ñu̱xũchi nüxna chadau i ngẽma carnérugü.

Chacaría 11:7 Referans Kwoze

Chacaría 11:14

Rü yemawena chayabüye ga guma nai ga chorü naixmena̱xã ga Wüxiwa Ingexmagüxü̃gu ãégane. Rü yema rü wüxi ga cua̱xruxü̃ nixĩ nax iyanaxoxü̃ ga yema nügü nax nangechaxü̃güxü̃ ga Yudátanüxü̃ namaxã ga yema togü ga Iraétanüxü̃.

Chacaría 11:4

Ñaa nixĩ i ngẽma Cori ya chorü Tupana chomaxã nüxü̃ ixuxü̃. Rü ñanagürü: —¡Nüxna nadau i ngẽma carnérugü i norü daichicawa gagüchaü̃xü̃!

Ichaía 11:4

Rü yíxema tama nüxü̃ cua̱xgüxe nax tügü ítapoxü̃güxü̃ rü nüma rü tá nüxü̃ nacua̱x nax ñuxãcü mea tüxü̃́ namexẽẽãxü̃ i tümaarü guxchaxü̃. Rü tümaétüwa tá nachogü ya yíxema ngearü diẽruã̱xgüxe. Rü ngẽma norü ore rü ñoma wüxi i cua̱i̱xruü̃rüxü̃ tá nixĩ naxca̱x i ngẽma nuwa̱xexü̃ rü ma̱xgu rüxĩnüxü̃. Rü wüxi i cue ñaxü̃maxã tá nanayuxẽxẽ i ngẽma duü̃xü̃ i chixexü̃ üxü̃.

Chofonía 3:12

“Pa Yerucharéü̃x, cuwa tá chayaxügüxẽxẽ i ñuxre i duü̃xü̃gü i mecümaxü̃ i tama nügü icua̱xüü̃güxü̃. Rü nümagü rü tá choxü̃́ nayaxõgü.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Ore i mexü̃ ga Cuáü̃ ümatüxü̃ 10:16

Rü choxü̃́ nangẽxmagü ta i togü i carnérugü i tama ñaa naxpüü̃wa ngẽxmagüxü̃. Rü ngẽmagü rü tá ta nua chanagagü, rü tá chauga naxĩnüe. Rü wüxitücumü tátama nixĩ rü choma tátama nixĩ i norü dauruxü̃ chixĩxü̃.

Ore i mexü̃ ga Márcu ümatüxü̃ 12:37

¿Natürü ñuxũcürüwa i Dabítaxa yixĩxü̃ ya Cristu, ega nümatama ga Dabí, rü norü Corimaxã naxuãgu? —ñanagürü. Rü yema muxü̃ma ga duü̃xü̃gü ga yéma yexmagüxü̃, rü taãẽãcüma Ngechuchuaxü̃́ inarüxĩnüe.

Ore i mexü̃ ga Matéu ümatüxü̃ 11:5

¡Rü Cuáü̃maxã nüxü̃ pixu rü ngẽma ngexetügüxü̃ rü marü nidauchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ngearü diẽruã̱xgüxü̃ rü marü namaxã nüxü̃ tixu i Tupanaarü ore i mexü̃!

Wiyaegü 23:4

Rü woo ãũcümaxü̃ i namagüwa chaxüpetügu, rü taxuca̱xma chamuü̃ erü cumax, Pa Cori Pa Tupanax, rü chauxü̃tawa cungexma. Rü yima curü naixmena̱xã ya carnéruarü axü̃tanüruxü̃maxã choxü̃ ícupoxü̃ rü choxü̃ cutaãẽxẽxẽ.

1 Chamué 17:40

Rü yemawena rü nanayaxu ga gumá norü naixmena̱xã rü nixũgachi. Rü yema ngatexü̃wa nanade ga 5 pü̱xü ga nutaxacü ga ibáipü̱xücü rü norü choca ga yangechigüxü̃gu nananucu. Rü ñu̱xũchi norü maxgütaexü̃ ga naxme̱xgu yangexü̃maxã yema Firitéuca̱x nixũ.

Lebítanüxü̃arü puracüchiga 27:32

Rü perü wocagütanüwa rüe̱xna perü carnérugütanüwa rü wüxichigü i 10 wa rü wüxi i ngẽma naxü̃na rü choxrü tá nixĩ.

Wiyaegü 27:4

Rü ngẽma Cori ya Tupanana naxca̱x chacaxü̃ rü choxü̃́ ngúchaü̃xü̃ rü wüxitama nixĩ. Rü ngẽma nixĩ nax guxü̃ma i chorü maxü̃gu Cori ya Tupanapatawa changexmaxü̃ nax ngẽmaãcü nüxü̃ chicua̱xüü̃xü̃ca̱x rü norü üünemaxã chataãẽxü̃ca̱x.

Wiyaegü 90:17

Pa Cori Pa Torü Tupanax, tanaxwa̱xe i tomaxã cumecüma rü toxü̃ cungechaü̃. ¡Rü ẽcü toxü̃ rüngü̃xẽxẽ nax mea ínanguxuchixü̃ca̱x i ngẽma puracü i taxüxü̃! Rü tanaxwa̱xe i aixcüma ngẽmaãcü mea ínanguxuchi.

Yeremía 39:10

Natürü guxü̃ma ga Yudáarü naanewa rü yéma tüxü̃ nawogü ga guxema ñuxre ga yexera ngearü diẽruã̱xgüxe. Rü tüxna nanaxãgü ga naanegü rü úbanecügü.

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Miquéa 7:14

¡Pa Cori ya Tupanax, curü naixmena̱xãmaxã nüxna nadau i ngẽma curü duü̃xü̃gü i curü carnérugü ixĩgüxü̃! Ñu̱xma rü nüxicatama naixnecüwa nangẽxmagü i naane i mexü̃wa. ¡Ẽcü ü̃parüxü̃ Bacháü̃anewa rü Garaáxanewa nagagü i ngextá õna íngẽxmaxü̃wa!