Chacaría 11:2 - Tupanaarü Ore

² ¡Naxaxu, Pa Pinux, erü marü niwa̱x i ngẽma ocayiwagü, rü ngẽma naigü i mexẽchixü̃ rü marü nixae! ¡Aita pexüe, Pa Naigü i Taxü̃gü i Bacháü̃anewa Ngẽxmagüxü̃, erü ngẽma naixnecü rü niye!

Chacaría 11:2 Referans Kwoze

Ore i mexü̃ ga Luca ümatüxü̃ 23:31

Rü ñu̱xma nax ñaa chixexü̃ chomaxã naxügüxü̃ woo taxuxü̃ma i chixexü̃ chaxüchiréxü̃, ¿rü ñuxãcü tá namaxã nachopetü i ngẽma duü̃xü̃gü i aixcüma chixexü̃ ügüxü̃? —ñanagürü ga Ngechuchu.

Amúx 6:1

—¡Pegümaxã pengechaxü̃gü, Pa Chióü̃cüã̱x! Pema rü perü ĩanena perüyoü̃ rü petaãxẽgü erü nagu perüxĩnüe rü taxuxü̃táma pexü̃ nangupetü. Rü ngẽxgumarüxü̃ ta ¡pegümaxã pengechaxü̃gü i pema i Chamáriaarü ĩanena rüyoü̃xẽ! Pema rü nagu perüxĩnüe nax naporaxü̃ ya yima ĩane rü ngẽmaca̱x taxuxü̃táma pexü̃ nangupetü. Rü pema i Iraéanecüã̱x rü ngẽma ĩanearü ãẽ̱xgacügüaxü̃́ peyaxõ erü nagu perüxĩnüe rü tá pexü̃ ínapoxü̃gü.

Echequié 31:17

Rü guxü̃ma i ngẽma togü i naigü rü tá nayue naxrüxü̃ ya yima ocayiwa nax wüxiwa nangẽxmagüxü̃ca̱x namaxã ga yema duü̃xü̃gü ga daigu yuexü̃. Rü nümagü ga yema duü̃xü̃gü ga guma ocayiwaarü gáuxpechitawa maxẽxü̃ rü togü i nachixü̃anegügu tá nawoone.

Echequié 20:46

—Cuma, Pa Yatüx, ¡súrguama nadawenü rü ngẽma naanemaxã nüxü̃ ixu i curü ore! ¡Rü chauégagu poxcu namaxã naxuegu i ngẽma Négueanearü naixnecü i súrwaama ngẽxmaxü̃!

Echequié 27:6

Rü yima cuxẽ̱xmügü rü Bacháü̃wáü̃güxü̃ ga roblenaxca̱x nixĩgü. Rü ngẽma mürapewagü i namaxã cutüétüxü̃ rü Chíprewaü̃güxü̃ i nainaxca̱x nixĩ. Rü guxü̃ma i ngẽma rü marfíxmaxã nanga̱xãẽgü.

Chacaría 11:1

Pa Líbanux, ¡yawãxna i curü ĩã̱x nax ngẽma üxüema ínaguxü̃ca̱x i curü ocayiwagü!

Chacaría 11:3

Rü ngẽma carnérugüarü dauruü̃gü rü tagaãcü naxauxe erü yimá maxẽ ya imexẽchicü rü marü nixae. Rü nüxü̃ naxĩnüe i ngẽma leóü̃ nax yanginetanücüüxü̃, erü ngẽma naixnecügü i natü i Yudáü̃cutüwa ngẽxmagüxü̃ rü marü nixae.