Chacaría 10:9 - Tupanaarü Ore

⁹ Rü choma nixĩ ga togü ga nachixü̃anegügu chanawoonexü̃. Natürü woo nax yáxü̃wa nangẽxmagüxü̃ rü tá choxna nacua̱xãchie. Rü wüxi i ngunexü̃gu rü tá nanegümaxã rü naxacügümaxã nachixü̃aneca̱x nawoegu.

Chacaría 10:9 Referans Kwoze

Echequié 6:9

Rü ngẽma maxẽxü̃ i íyaxügüxü̃ rü ngẽma nachixü̃anegüwa tá choxna nacua̱xãchie. Rü tá nüxna nacua̱xãchie nax ñuxãcü ngúxü̃ nüxü̃ chingexẽxẽgüxü̃ nagagu nax choxna yaxĩgachixü̃ nax norü tupananetachicüna̱xãgüxü̃ yacua̱xüü̃güxü̃ca̱x. Nümagü rü nügütátama naxãnẽẽxẽẽgü nagagu ga yema chixexü̃ ga naxügüxü̃ rü yema nacümagü ga nagu namaxẽxü̃.

Miquéa 5:7

Rü ngẽxguma i ngẽma Iraétanüxü̃ i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü Tupana rü tá namaxã inacua̱x ñoma cherenamaxã rü pucü i maxẽétügu puxü̃maxã inacuáxü̃rüxü̃. Rü taxũtáma nanaxwa̱xegü nax duü̃xü̃güarü ngü̃xẽẽca̱x nadaugüxü̃ erü Tupana tá nixĩ i nüxü̃ rüngü̃xẽẽcü.

Ochéa 2:23

Rü choma rü wena táxarü chorü naanewa chanangexmagüxẽxẽ i chorü duü̃xü̃gü. Rü wena táxarü choxü̃́ nangechaü̃tümüxü̃gü. Rü pema i chorü duü̃xü̃gü i Iraéanecüã̱xgümaxã tá nüxü̃ chixu rü ñachagürü tá: “Pema rü marü chorü duü̃xü̃gü pixĩgü”, ñachagürü tá. Rü ngẽxguma i pemax rü ñaperügü tá: “Cuma nixĩ i torü Tupana quixĩxü̃”, ñaperügü tá —ñanagürü ya Tupana.

Yeremía 31:27

Rü nüma ga Cori ya Tupana rü ñanagürü: —Tá ínangu i ngunexü̃ i nagu tá chayamuxẽxẽxü̃ i duü̃xü̃gü rü naeü̃gü nax Yudáanewa rü Iraéanewa namuxü̃ca̱x.

Ichaía 65:23

Rü taxũtáma natüca̱xma naxüane i duü̃xü̃gü, rü nataxutáma i naxacügü i paxa yuexü̃. Erü nümagü rü nataagü nixĩ ga yema duü̃xü̃gü ga Tupana mexü̃ namaxã ueguxü̃. Rü ngẽxgumarüxü̃ tá ta Tupana mexü̃ namaxã naxuegu i ngẽma nataagüarü nataagü.

Ichaía 65:9

Rü ngẽma Acóbutaagü rü tá chayamuxẽxẽ. Rü tá chayamuxẽxẽ i Yudátanüxü̃ nax ma̱xpǘneanewa namaxẽxü̃ca̱x. Rü ngẽma duü̃xü̃gü i nüxü̃ chaxunetaxü̃na tá nixĩ i chanaxãxü̃ i ngẽma naane, rü ngéma tá namaxẽ i chorü duü̃xü̃gü.

Ester 8:17

Rü guxü̃ma ga Achuéruchixü̃anegüwa rü ĩanegüwa ga ngextá ínanguxü̃wa ga yema mu ga ãẽ̱xgacü unagüxü̃, rü nüma ga Yudíugü rü poraãcü nataãẽgü, rü nanaxüchigagü ga yema ngunexü̃. Rü muxü̃ma ga yema togü ga duü̃xü̃gü rü nügü nixugüe nax Yudíugü yixĩgüxü̃, yerü poraãcü yema Yudíugüxü̃ namuü̃e.

Yeremía 51:50

Rü Cori ya Tupana rü ñanagürü: —Pema ga naxcha̱xwa pibuxmüxü̃ ga yexguma yema togüxü̃ nadaixgu ¡rü paxa pibuxmü! Rü woo yáxü̃wa pengẽxmagügu ¡rü nagu perüxĩnüe ya Cori ya Tupana! ¡Rü nüxna pecua̱xãchie ya perü ĩane ya Yerucharéü̃!

Amúx 9:9

Rü tá chanamu nax nawooneãxü̃ca̱x i ngẽma Iraétanüxü̃ i chixexü̃gu maxẽxü̃ ngẽxgumarüxü̃ i trigu i norü papetüxü̃wa ipapetüxü̃ nax ínayixü̃ca̱x i ngẽma norü üxaxü̃. Natürü yima mexü̃ne ya napüxüchire rü taxunetáma waixü̃mügu nangu.

Romanos 11:24

Rü pema nax tama Yudíugü pixĩgüxü̃, rü tama Tupanaarü duü̃xü̃gü pixĩgü ga noxrix. Natürü Tupana pexü̃ nade nax noxrü pixĩgüxü̃ca̱x. Rü ñu̱xma nax yemaacü Tupana pexü̃ dexü̃, rü ngẽxguma yaxõgüãgu i ngẽma Yudíugü, rü Tupana rü pexü̃ nadexü̃arü yexera tá nanade i ngẽma Yudíugü, yerü woetama norü duü̃xü̃güchire̱x nixĩgü ga noxrix.

Ngechuchuarü ngúexü̃gü ga yamugüxü̃arü puracüchiga 8:4

Rü yema yaxõgüxü̃ ga Chaurucha̱xwa ibuxmüxü̃ ga Yerucharéü̃wa, rü guxü̃wama ga ngextá ínaxĩxü̃wa rü nüxü̃ nixuchigagü nax Ngechuchu tüxü̃ maxẽxẽẽxü̃.

Ngechuchuarü ngúexü̃gü ga yamugüxü̃arü puracüchiga 8:1

Rü Chauru rü yéma nayexma rü norü me nixĩ ga Estébaü̃xü̃ nax yama̱xgüxü̃. Rü yematama ngunexü̃gu rü inanaxügü nax poraãcü nawe yangexü̃tanüxü̃ ga yema yaxõgüxü̃ ga Yerucharéü̃wa yexmagüxü̃. Rü düxwa ga guxü̃ma rü Yudéaanegu rü Chamáriaanegu nügü nawoone. Rü yema ngúexü̃gü ga Ngechuchu imugüxü̃xicatama ínayaxügü ga Yerucharéü̃wa.

Ichaía 44:21

“Pa Iraétanüxü̃ i Acóbuarü Duü̃xü̃güx, ¡rü nüxna pecua̱xãchie nax chorü duü̃xü̃gü pixĩgüxü̃! Yerü choma nixĩ ga pexü̃ changóexẽẽxü̃. ¡Rü taxṹ i choxü̃ iperüngümaexü̃!

Ichaía 64:4

Rü nũxcümacürüwa taguma texé nachiga taxĩnü rü texé nüxü̃ tadau i to i Tupana i naxüxü̃ i ngẽma cuma cuxüxü̃ tümaca̱x ya yíxema cuxü̃́ yaxõgüxe.