Chacaría 10:7 - Tupanaarü Ore

⁷ Rü Efraíü̃tanüxü̃ rü ñoma churara i poraxü̃rüxü̃ tá nixĩgü. Rü norü maxü̃newa rü tá nataãẽgü ñoma bínu yaxãgügurüxü̃. Rü ngẽmaxü̃ nadaugügu i nanegü rü naxacügü rü tá ta nataãẽgü. Rü ngẽma Cori naxca̱x ügüxü̃ca̱x tá nixĩ i nataãẽgüxü̃.

Chacaría 10:7 Referans Kwoze

Chacaría 9:15

Rü Cori ya Tupana ya Guxãxétüwa Ngẽxmacü rü tá norü duü̃xü̃güna nadau. Rü norü duü̃xü̃gü rü tá nawa nangagü ya yima nutagü i norü uanügüarü maxgütaeruü̃chire̱x. Rü nüxchiama tá norü uanügüxü̃ nadai. Rü tá nanaxüchixü nax naporamaegüxü̃. Rü bínumaxã tá nanapagü i nümagü, ñoma nagümaxã napaxẽẽxü̃rüxü̃ ya yima tacháũgü nax ngẽma ãmarearü guruü̃arü cugüpe̱xegu nabagüãxü̃ca̱x.

Nüxíraxü̃xü̃ ga popera ga Pedru ümatüxü̃ 1:8

Pema rü Ngechuchu ya Cristuxü̃ pengechaü̃gü woo taguma nüxü̃ nax pedaugüxü̃. Rü ñu̱xma rü ta woo tama nüxü̃ pedaugü, natürü nüxü̃́ peyaxõgü, rü poraãcü petaãẽgü. Rü ngẽma perü taãẽmaxã rü pexü̃́ nataxuma i perü dexa nax ñuxãcü nüxü̃ pixugüxü̃ca̱x i ngẽma perü taãxẽ. Erü ngẽma perü õgagu marü penayauxgü i perü maxü̃ i taguma gúxü̃.

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Ngechuchuarü ngúexü̃gü ga yamugüxü̃arü puracüchiga 2:26

Rü ngẽmaca̱x chataãxẽ rü taãẽãcü chawiyae. Rü choma chayaxõ nax mexü̃wa tá chaxũxü̃ i ngẽxguma chayu̱xgu.

Ore i mexü̃ ga Cuáü̃ ümatüxü̃ 16:22

Rü ngẽxgumarüxü̃ tá pexü̃ nangupetü i pemax, erü ñu̱xma rü penaxĩ̱xãchiãẽgü. Natürü wena táxarü chataegu nax pexü̃ íchayadauxü̃ca̱x. Rü ngẽxguma rü tá pexü̃́ nangẽxma i wüxi i taãxẽ i taxucürüwama texé pexna yaxuxü̃.

Ore i mexü̃ ga Luca ümatüxü̃ 1:47

Rü chorü Cori ya chorü Maxẽxẽruü̃maxã chataãẽxü̃chi.

Chacaría 9:17

Rü ngẽma nachixü̃ane rü tá namexẽchi. Rü ngẽma nax namuarü triguã̱xgü rü bínuã̱xgü rü ngẽma ngextü̱xücügü rü pacügü rü tá mea nayae.

Chofonía 3:14

¡Pewiyaegü, Pa Duü̃xü̃gü i Chióü̃cüã̱x! ¡Rü taãẽãcü picagüxü̃, Pa Iraéanecüã̱xgüx! ¡Rü petaãxẽ, Pa Yerucharéü̃cüã̱xgüx, rü aixcüma perü maxü̃newa petaãẽgü!

Yeremía 32:39

Rü tá mea nagu chanaxĩnüexẽxẽ, rü mexü̃ i nacüma tá nüxna chaxã nax guxü̃guma choxü̃xicatama yacua̱xüü̃güxü̃ca̱x nax ngẽmaãcü mexü̃wa nangẽxmagüxü̃ca̱x i nümagü rü nanegü rü naxacügü rü nataagü.

Ichaía 66:14

Rü ngẽxguma tá ngẽmaxü̃ pedaugügu, rü perü maxü̃newa rü tá petaãẽgü. Rü ñoma maxẽ i ngexwaca̱xü̃xü̃rüxü̃ tá pexü̃́ nangẽxma i ngexwaca̱xü̃xü̃ i maxü̃. Rü nüma ya Cori ya Tupana rü tá norü duü̃xü̃güxü̃ nanawe̱x i norü pora. Natürü norü uanügüxü̃ rü tá nanawe̱x i norü nu.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.

Wiyaegü 104:15

Rü ngẽmaãcü duü̃xü̃güna cunaxã i norü poraxẽẽruxü̃ i paũ rü norü taãẽxẽẽruxü̃ i bínu rü norü mexẽẽruxü̃ i chíxü̃.

Wiyaegü 102:28

Rü ngẽma nataagü i curü duü̃xü̃gü rü tá nüxna cudau. Rü ngẽma naane i toxna cuxãxü̃wa tá nangẽxmagüecha.

Wiyaegü 28:7

Rü nüma ya Cori ya Tupana rü chorü poxü̃ruxü̃ ya poraxüchicü nixĩ. Rü nüxü̃́ nixĩ ga chayaxõxü̃, rü nüma nixĩ ga choxü̃ nangü̃xẽẽxü̃. Rü poraãcü chataãxẽ i ñu̱xmax. Rü Cori ya Tupanaca̱x tá chawiyae rü tá moxẽ nüxna chaxã.

Wiyaegü 13:5

Rü choma rü chayaxõ nax aixcüma choxü̃ cungechaü̃xü̃, rü chataãxẽ erü cuma rü choxü̃ cumaxẽxẽ.

1 Chamué 2:1

Rü ñaãcü iyumüxẽ ga Ána: —Pa Corix, rü poraãcü cumaxã chataãxẽ erü choxna cunamu ya chaune. Rü ñu̱xma rü choxü̃́ natauxcha nax chanangãxü̃gaxü̃ i ngẽma choxü̃ cugüexü̃ erü cuma choxü̃ curüngü̃xẽxẽ. Rü ngẽmaca̱x chataãẽxü̃chi.

Naanearü ügüchiga 43:34

Rü nüma ga Yúche rü naenexẽgüxü̃ nanangõ̱xẽxẽ ga yematama õna ga nüma nangṍxü̃ ga norü mechawa yexmaxü̃. Rü yema õna ga Bẽyamíü̃na naxãxü̃ rü poraãcü yema togü ga naenexẽgüna naxãxü̃xü̃ rütamaexü̃ nixĩ. Rü Yúche rü naenexẽgümaxã wüxigu naxaxegü rü nataãẽgü.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Ngechuchuarü ngúexü̃gü ga yamugüxü̃arü puracüchiga 2:39

Rü ñaa Tupanaarü uneta, rü pexca̱x nixĩ, rü pexacügüca̱x, rü guxü̃ i duü̃xü̃gü i yáxü̃wa ngẽxmagüxü̃ca̱x nixĩ. Erü guxü̃ i duü̃xü̃gü i tórü Cori ya Tupana nügüxü̃tawa naxca̱x ca̱xaxü̃ca̱x nixĩ i ngẽma uneta —ñanagürü ga Pedru.

Wiyaegü 90:16

¡Rü toxü̃ nüxü̃ nadauxẽxẽ i curü üüne rü wenaxarü toxca̱x naxü ga yema taxü̃gü ga mexü̃gü ga nũxcüma curü poramaxã cuxüxü̃ nax ngẽmaãcü i toma rü totaagü nüxü̃ daugüxü̃ca̱x!

Wiyaegü 33:21

Rü ngẽmaca̱x tórü Cori ya Tupanamaxã tataãẽgü, rü naéga i üünexü̃axü̃́ tayaxõgü.

Ichaía 54:13

Rü choma tá chanangúexẽxẽ i guxü̃ma i penegü, rü ngẽmaãcü guxãtáma taãẽwa tamaxẽ.

Echequié 37:25

Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Acóbuna chaxãxü̃. Rü ngéma tá nixĩ i guxü̃gutáma nangẽxmagüxü̃ i nümagü, rü naxacügü, rü guxü̃ma i nataagü. Rü yimá chorü duü̃ ya Dabítaxa tá nixĩ ya guxü̃gutáma norü ãẽ̱xgacü ixĩcü.

Joel 2:23

¡Rü petaãxẽgü, Pa Chióü̃cüã̱xgü! ¡Rü namaxã petaãẽgü ya Cori ya Tupana! Yerü pexca̱x nanapuxẽxẽ ga yexguma meama nawa nanguxgu nax mucüca̱x napuxẽẽãxü̃ rü taunecüca̱x napuxẽẽãxü̃ yema noxri mea napuxẽẽã̱xgurüxü̃.

Ichaía 25:9

Rü ngẽma ngunexü̃gu i ngẽma duü̃xü̃gü rü ñanagürügü tá: —Daa nixĩ ya tórü Tupana ya nagu yaxõgücü rü tüxü̃ ínguxü̃xẽẽcü. ¡Ngĩxã tá taãẽgü rü nüxü̃ ticua̱xüü̃gü erü nüma tüxü̃ ínanguxü̃xẽxẽ! —ñanagürügü tá.

Chacaría 12:8

Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.