Chacaría 10:5 - Tupanaarü Ore

⁵ Rü nümagü rü tá ñoma churaragü i ãcharaxü̃gu nügü da̱i̱xü̃rüxü̃ nixĩgü. Rü tá naporae, erü Cori ya Tupana rü natanüwa nangẽxma. Rü ngẽmaãcü tá nanaxãnexẽxẽ i norü uanügüarü churaragü i cowarugu ĩxü̃.

Chacaría 10:5 Referans Kwoze

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.

Chacaría 12:8

Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.

Chacaría 9:13

Rü choxü̃́ nangẽxma i Yudátanüxü̃ i ñoma chorü würa ya dairuü̃rüxü̃ ixĩgüxü̃ rü ngẽma Efraíü̃tanüxü̃ rü ñoma chuxchirüxü̃ nixĩgü. Rü cumax, Pa Chióü̃x, rü ñoma tara i taxrewa ãmaguxü̃rüxü̃ tá cuxü̃ chixĩxẽxẽ. Rü ngẽma duü̃xü̃gü i cuwa ngẽxmagüxü̃ rü tá chanaporaxẽxẽ nax Griégugüchixü̃anecüã̱xgüxü̃ nada̱i̱xü̃ca̱x —ñanagürü.

Wiyaegü 20:7

Rü nümaxü̃ i uanügü rü norü carugümaxã nügü ínarüporae. Rü togü rü norü cowarugümaxã nügü ínarüporae. Natürü i yixema rü yimá tórü Cori ya Tupanamaxã yigü ítarüporae.

Norü taxre ga popera ga Timutéuca̱x naxümatüxü̃ ga Pauru 4:7

Rü choma rü marü chayanguxẽxẽ i ngẽma puracü ya Tupana choxna ãxü̃. Rü ñu̱xma nax chayanguxẽẽxü̃ i ngẽma puracü i choxna naxãxü̃ rü tama nüxü̃ charüxo nax chayaxõxü̃.

2 Corintios 10:4

Erü ngẽma toxne i namaxã ítanapoxü̃xü̃ i Tupanaarü ore rü tama ñoma i naanecüã̱x namaxã ãxnexü̃ nixĩ. Erü toma rü toxü̃́ nangẽxma i Tupanaarü pora nax ngẽmamaxã itayanaxoxẽẽxü̃ca̱x i Chatanáarü pora rü itayanaxoxẽẽxü̃ca̱x i guxü̃ma i ngẽma ore i duü̃xü̃güaxü̃́ naguxchaxẽẽxü̃ nax tama Tupanaaxü̃́ yaxõgüãxü̃ca̱x. Rü guxü̃ma i ta̱xacü i nagu naxĩnüexü̃ i ngẽma duü̃xü̃gü i chixexü̃, rü Cristuna tanaxuaxü̃ nax nüma namaxã inacuáxü̃ca̱x.

Ngechuchuarü ngúexü̃gü ga yamugüxü̃arü puracüchiga 7:22

Rü yemaacü Moichéxü̃ nangu̱xẽẽgü ga guxü̃ma ga Equítuanecüã̱xarü cua̱x. Rü nüma ga Moiché rü norü dexawa rü yema naxüxü̃wa rü wüxi ga yatü ga poracü nixĩ.

Ore i mexü̃ ga Luca ümatüxü̃ 24:19

Rü yexguma ga nüma ga Ngechuchu rü nüxna naca rü ñanagürü: —¿Ta̱xacü nangupetü ga Yerucharéü̃wa? —ñanagürü. Rü nanangãxü̃gü ga yema ngúexü̃gü, rü ñanagürügü: —Poraãcü chixexü̃ nüxü̃ naxüpetü ga Ngechuchu ga Nacharétucüã̱x. Nüma ga Ngechuchu rü Tupanaarü orearü uruxü̃ ga poracü nixĩ. Rü Tupanape̱xewa rü duü̃xü̃güpe̱xewa nanaxü ga taxü̃ ga cua̱xruü̃gü rü mea duü̃xü̃güxü̃ nangúexẽxẽ.

Ore i mexü̃ ga Matéu ümatüxü̃ 4:3

Rü yexguma ga ngo̱xo ga Chataná rü Ngechuchuxü̃tawa nangu, nax nüxü̃ naxüxü̃ca̱x. Rü ñanagürü nüxü̃: —Ega aixcüma Tupana Nane quixĩxgu, ¡rü daa nutagüxü̃ namu nax paũxü̃ nanguxü̃xü̃ca̱x! —ñanagürü ga Chataná.

Chacaría 14:13

Rü ngẽma ngunexü̃gu ya Cori ya Tupana rü tá nanamuü̃exẽxẽ i ngẽma togü i nachixü̃anecüã̱xgü. Rü wüxichigü rü tá namücüchacüüwa nichü̱xüx nax nügü nada̱i̱xü̃ca̱x.

Chacaría 14:3

Natürü ngẽmawena i nüma ya Cori ya Tupana rü tá ngẽma nachixü̃anegümaxã nügü nadai ñoma churaragü norü uanügümaxã nügü daixgurüxü̃.

Chacaría 12:4

Natürü ngẽma ngunexü̃gu rü choma rü tá chayabuxmüxẽxẽ i norü uanügüarü cowarugü rü tá chanaxãũãẽxẽxẽ i ngẽma churaragü i nagu ĩxü̃. Rü Yudátanüxü̃ rü tá nüxna chadau. Rü guxü̃ma i ngẽma togü i nachixü̃anegüarü cowarugü rü tá chayangexetüxẽxẽ.

Miquéa 7:10

Rü ñu̱xũchi nüma i ngẽma chorü uanü rü tá nüxü̃ nadau i ñuxãcü Tupana choxü̃ rüngü̃xẽẽxü̃ rü ngẽmaca̱x tá poraãcü naxãnee. Rü nüma i ngẽma chorü uanü rü choxü̃ ñanagürüchire̱x: —¿Ngexcü nixĩ ya yimá curü Cori ya Tupana? —ñanagürüchire̱x. Natürü wüxi i ngunexü̃ rü tá chataãxẽ i ngẽxguma nüxü̃ chada̱u̱xgu nax nagu napúgüxü̃ i chorü uanü ñoma namaarü ãcharaxü̃gu napúgüxü̃rüxü̃.

Amúx 2:15

Rü ngẽma würaarü ma̱xruxü̃ rü taxũtáma yáxna chomaxã naxĩnü. Rü woo i ngẽma paxa iñaxü̃ rü taxucürüwa cha̱u̱xcha̱xwa niña, rü bai i tá namaxü̃ i ngẽma cowarumaxã iñaxü̃.

Echequié 38:15

Rü cuchixü̃ane i nórtewa ngẽxmaxü̃wa tá icuxũãchi namaxã i ngẽma muxchixü̃ i curü churaragü i poraexü̃ rü churaragü i cowaruétügu ĩxü̃.

Ichaía 41:12

Rü naxca̱x tá pedaugü i perü uanügü, natürü taxũtáma nüxü̃ ipeyangau. Rü ngẽma pexü̃ daixchaü̃xü̃ rü ñoma taguma nangóexü̃rüxü̃ tá nixĩgü.

Ichaía 25:10

Rü yimá Cori ya Tupaname̱xẽ tá nixĩ i ma̱xpǘne ya Chióü̃xü̃ ípoxü̃ne. Natürü Moáxü̃ rü tá nayapuxcuchigü ñoma maxẽ i paxü̃ wüxi i guxchirepáü̃gu yapu̱xcuchixü̃rüxü̃.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Ichaía 8:9

¡Pa Nachixü̃anegü i Yáxü̃wa Ngẽxmagüxü̃, iperüxĩnüe i ñaa ore! Rü woo aixta pexüegu nax daiwa pexĩxü̃ca̱x, rü tá pexchama pedai. Rü woo pegü pemexẽẽgügu nax daiwa pexĩxü̃ca̱x, rü tá pexchama peyue. Rü woo pegü pemexẽẽgügu nax daiwa pexĩxü̃ca̱x, rü tá pexchama íxraxü̃gu pepoü̃gü.

Wiyaegü 45:3

Pa Poracüx ¡ẽcü cugücüwawa yanga̱xcuchi i ngẽma curü tara! Rü ngẽma nixĩ i curü poraarü cua̱xruxü̃ ixĩxü̃.

Wiyaegü 33:16

Rü taxucüma ya ãẽ̱xgacü ya woo muarü churaraã́cü rü tá nügü ínapoxü̃ ega tama Tupana nüxü̃ rüngü̃xẽẽgu. Rü bai ya wüxi ya yatü ya poraxüchicü rü tá norü poramaxã nügü ínapoxü̃ ega tama Tupana naxü̃tawa ngẽxmagu.

Wiyaegü 18:42

Rü chanapuxãchixẽẽgü rü ñu̱xmata ñoma ãte̱xeanexü̃ i buanecü cuexü̃rüxü̃ yixĩgü. Rü nagu chipúgügü ñoma namaarü ãcharaxü̃gu ipugüxü̃rüxü̃.

2 Chamué 22:43

Rü chanadai ñu̱xmata ñoma waixü̃müchicute̱xerüxü̃ yaxĩgü. Rü nawa changa ñoma ãcharaxü̃ i namawa ngaxü̃rüxü̃.

2 Chamué 22:8

Rü yexguma rü naxĩã̱xãchiane. Rü naxĩã̱xãchitanü ga ma̱xpǘnegü yerü nüma ga Cori ya Tupana rü norü numaxã nanaxĩã̱xãchixẽxẽ.

1 Chamué 16:18

Rü yexguma ga wüxi ga norü duü̃xü̃ rü ñanagürü: —Choma nüxü̃ chadau i wüxi i Ichaxí nane i Beréü̃wa ngẽxmaxü̃, rü meama paxetaxü̃ nacua̱x. Rü ñu̱xmachi wüxi i poracü nixĩ i daiwa rü nüxü̃ cuácü nixĩ ega yadexaxgu. Rü nüma rü mecü nixĩ rü Cori ya Tupana nüxü̃ rüngü̃xẽẽcü nixĩ —ñanagürü.

Yochué 10:14

Rü yemaacü Tupana ínayachaxãchixẽxẽ ga üa̱xcü rü tauemacü nagagu ga wüxi ga yatüarü yumüxẽ. Rü ü̃paacü rü taguma yemaacü nangupetü, rü woo yemawena rü taguma yemaacü nangupetü, yerü woetama Iraétanüxü̃étüwa naxü ga Tupana.

Wenaxarü naxümatü ga Tupanaarü mugü 20:1

Rü ngẽxguma tá ipexĩãchigu nax perü uanügümaxã pegü pedaixü̃ca̱x, rü woo ngẽma perü uanügü rü pexü̃ namumaegu rü namuxgu i norü cowarugü rü norü carugü ya daiweü̃gü, rü taxũtáma nüxü̃ pemuü̃e, erü petanüwa tá nangẽxma ya perü Cori ya Tupana ga Equítuanewa pexü̃ ígaxü̃cü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:17

Rü ñu̱xũchi nüxü̃ chadau ga wüxi ga Tupanaarü orearü ngeruxü̃ ga daxũcüã̱x ga üa̱xcügu chixü̃. Rü nüma rü tagaãcü ñanagürü nüxü̃ ga guxü̃ma ga ngurucugü ga yexma íxexeü̃xü̃tanüxü̃: “¡Nua pexĩ rü pengutaque̱xegü naxca̱x i õna i taxü̃ ya Tupana pexca̱x mexẽẽxü̃ nax penangṍxü̃ca̱x i nachixü̃anegüarü ãẽ̱xgacügümachi, rü churaragüarü ãẽ̱xgacügümachi, rü yatügü i poraxü̃machi, rü cowarugümachi, rü ngẽma cowaruétügu ĩxü̃machi, rü ngẽma coriã̱xgüxü̃machi rü ngẽma ngearü coriã̱xgüxü̃machi rü ngẽma buxü̃gümachi rü ngẽma yaxü̃gümachi!” ñanagürü.

Norü taxre ga popera ga Timutéuca̱x naxümatüxü̃ ga Pauru 4:17

Natürü tórü Cori choxü̃ naporaxẽxẽ rü choxü̃́ nanatauxchaxẽxẽ nax mea nüxü̃ chixuxü̃ca̱x ga norü ore i mexü̃ i tüxü̃ maxẽxẽẽxü̃. Rü yemaacü guxü̃ma ga yema duü̃xü̃gü ga tama Yudíugü ixĩgüxü̃ ga yéma yexmagüxü̃ rü nüxü̃ naxĩnüe ga yema ore. Rü yemaacü tórü Cori ya Ngechuchu choxna nadau nax tama yu chomaxã naxueguxü̃ca̱x.

Ngechuchuarü ngúexü̃gü ga yamugüxü̃arü puracüchiga 18:24

Rü yexgumaü̃cüxü rü Epéchiuwa nangu ga wüxi ga Yudíu ga Apórugu ãégaxü̃. Rü nüma rü ĩane ga Areyandríacüã̱x nixĩ, rü nüxü̃́ natauxcha nax duü̃xü̃güpe̱xewa yadexaxü̃. Rü meama nüxü̃ nacua̱x ga Tupanaarü ore i ümatüxü̃.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Wiyaegü 44:5

Rü cugagu tá nixĩ i nüxü̃ tarüporamaegüxü̃ i torü uanügü. Rü cuégagu tá nüxü̃ tarüyexera i ngẽma toxü̃ daixchaü̃xü̃.

Ichaía 41:25

Rü nüma ga Cori ya Tupana rü nidexachigüama rü ñanagürü: —Éstewa chanango̱xẽxẽ ga wüxi ga yatü. Rü naégamaxã naxca̱x changema, rü nórtewa ne naxũ. Rü nüma rü tá nagu napúgü i ngẽma togü i ãẽ̱xgacügü ñoma üwechiruxü̃ waixü̃mügu púgüxü̃rüxü̃.

Miquéa 5:8

Rü ngẽxguma i ngẽma Iraéanecüã̱xgü i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü tá ngẽma togü i nachixü̃anegüxü̃ narüporamae ñoma leóü̃ rü togü i naeü̃güxü̃ rüporamaexü̃rüxü̃. Rü ñoma leóü̃acü i carnérutanüwa ngẽxmaxü̃ rü carnérugüxü̃ íyauxü̃xü̃ rü taxúema tüxü̃ iñaxẽẽxü̃rüxü̃ tá nixĩgü i ngẽma Iraétanüxü̃.

Norü taxre ga popera ga ãẽ̱xgacügüchiga 9:33

Rü yexguma nüma ga Yeú rü yema ãẽ̱xgacüarü ngü̃xẽẽruü̃güxü̃ namu rü ñanagürü: —¡Ngĩxü̃ perütáe! —ñanagürü. Rü nümagü rü ngĩxü̃ narütáegü. Rü gumá ngĩgü rü ĩxtapü̱xwa nachaxi. Rü ngĩwa nangagü ga yema cowarugü.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.