Chacaría 10:2 - Tupanaarü Ore

² Rü ngẽma tupananetachicünã̱xgüarü ore rü doramare nixĩ. Rü ngẽma nüxü̃ nadaugüxü̃ i ngẽma ẽxü̃guxü̃arü uruü̃gü rü tagutáma ningu. Rü nanegümaxã duü̃xü̃güxü̃ nawomüxẽẽgü rü ngẽma norü ore i pexü̃ namaxã nataãẽxẽẽxü̃ rü natüca̱xmamare nixĩ. Rü ngẽmaca̱x nixĩ i duü̃xü̃gü rü tama aixcüma cua̱xwa nangugüxü̃ rü nu ne naxĩmarexü̃ ñoma carnérugü i ngearü dauruü̃ã́xü̃rüxü̃.

Chacaría 10:2 Referans Kwoze

Ore i mexü̃ ga Matéu ümatüxü̃ 9:36

Rü yexguma Ngechuchu nüxü̃ da̱u̱xgu ga yema muxü̃ma ga duü̃xü̃gü ga naxü̃tawa ngugüxü̃, rü nüxü̃́ nangechaü̃tümüü̃gü. Yerü carnérugü ga ngearü dauruü̃ã́xü̃rüxü̃ nanaxĩ̱xãchiãẽgü, rü tama nataãẽgü.

Abacú 2:18

Rü wüxi i naxchicüna̱xã i naiwa üxü̃ ¿rü ta̱xacüwa namexü̃ ega marü yanguxgu? ¿Rü ta̱xacüwa namexü̃ i wüxi i tupananetachicüna̱xã i wüxi i doramare ixĩxü̃? Rü ngẽma tupananetachicüna̱xãgü rü tama nidexagü. ¿Rü ñuxãcü nüxü̃́ yaxõõxü̃ ya yima yatü ya nümatama naxücü i ngẽma naxchicüna̱xã?

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Echequié 34:5

Rü ngẽmaãcü i chorü carnérugü rü nangearü daruü̃ã̱xgü, rü nu ne nanaxĩmare, rü aigü rü nayoxnie nax nangõ̱xcuxãxü̃.

Yeremía 27:9

Rü ngẽmaca̱x i pema ¡rü taxṹ i naga pexĩnüexü̃ i ngẽma orearü uruü̃güneta, rüe̱xna ngẽma ẽxü̃guxü̃xü̃ cua̱xgüxü̃, rüe̱xna ngẽma nanegüxü̃ ixuxü̃ nax ta̱xacüchiga yixĩxü̃, rüe̱xna ngẽma yuüexü̃ i nüxü̃ ixugüxü̃ i ta̱xacü tá ngupetüxü̃ i yixcüra! Rü ngẽxguma ngẽmagü pexü̃ ixucu̱xẽgügu nax tama naxme̱xwa pegü pengẽxmagüxẽẽxü̃ca̱x i Babiróniaanearü ãẽ̱xgacü ¡rü taxṹ i naga pexĩnüexü̃ i ngẽma pexü̃ ixucu̱xẽgüxü̃!

Naanearü ügüchiga 31:19

Rü yexguma tóxnamana norü carnérugüarü yoü̃ta̱xawa naxũyane ga Labáü̃, rü ngĩma ga Raqué rü yoxni naxca̱x ingĩ̱x ga ngĩnatüarü tupanachicüna̱xãgü ga nutagünaxca̱x.

Echequié 34:8

Rü choma ya Cori ya Tupana rü chauégagu pemaxã nüxü̃ chixu rü muxü̃ma ga naeü̃gü ga idüraexü̃ rü marü naxca̱x nangĩ̱xgü rü nanangõ̱xcu ga chorü carnérugü, yerü nangearü dauruxü̃ã̱xgü. Rü pema i norü dauruü̃gü rü tama naxca̱x peyadaugü. Rü pema rü pegünaxicatama pedaugü rü tama chorü carnérugüna pedaugü.

Miquéa 2:12

Rü nüma ya Cori ya Tupana rü ñanagürü: —Choma rü tá chanangutaque̱xexẽxẽ i guxü̃ma i Acóbutanüxü̃. Rü ñoma carnérugü i wüxiwa ingexmagüxẽẽxü̃rüxü̃ rü tá chanade i ngẽma íyaxügüxü̃ i Iraétanüxü̃ i aixcüma chauga ĩnüexü̃. Rü woo taxũtáma namu natürü ñoma namuxü̃rüxü̃ tá tagaãcüma naxãũgatanü.

Echequié 21:29

Rü ngẽma norü ngo̱xetügü i ngẽma perü ẽxü̃guxü̃arü cua̱xruü̃gü rü doramare nixĩ. Rü ngẽma nüxü̃ yaxugüxü̃ i tá ngupetüxü̃ rü doramare nixĩ. Natürü ngẽma tara rü tá nanadaü̃eru i ngẽma ngo̱xetünetagüxü̃ i dorata̱xgüxü̃. Rü marü ningaica nax napoxcuexü̃.

Echequié 21:21

Rü nüma i Babiróniaanearü ãẽ̱xgacü rü marü ngẽma nama i íyataxrepü̱xü̃wa nangu rü ngéma nayachaxãchi. Rü nagu narüxĩnü nax ngexü̃rüüxü̃ i namawa tá naxũxü̃. Rü nüma rü tá nanawonagütanü ya naxnegü, rü tá norü tupananetachicüna̱xãgüarü ucu̱xẽca̱x ínaca, rü tá nanangugü i nacagü i naeü̃gü nax ngẽmaãcü nüxü̃ nacuáxü̃ca̱x nax ngexnerüxüne ya ĩaneca̱x tá íyaxü̃ãchixü̃.

Auxexü̃chiga 2:14

Rü yema curü orearü uruü̃günetagü naxca̱x ngo̱xetüxü̃ rü wüxi ga doramare nixĩ. Rü tama cumaxã nüxü̃ nixugüe ga yema curü pecadu ga cuxüxü̃. Rü yemaacü tama nayanaxoxẽxẽ ga yema guxchaxü̃gü ga nawa cungexmaxü̃ i ñu̱xma nax to ga nachixü̃anewa nagagüxü̃ ga curü duü̃xü̃gü. Natürü ga cumax, Pa Yerucharéü̃x, rü cuyaxõ ga yema ore ga doramare ixĩxü̃ ga cumaxã nüxü̃ yaxugüexü̃ ga yema orearü uruü̃güneta.

Yeremía 51:23

Rü chomax, Pa Babiróniax, cuxü̃ chanadaixẽxẽ i carnérugü rü norü dauruü̃gü. Rü cuxü̃ chanadaixẽxẽ i puracütanüxü̃ rü norü wocagü i namaxã napuracüexü̃. Rü cuxü̃ chanadaixẽxẽ i ãẽ̱xgacügü rü norü ngü̃xẽẽruü̃gü.

Yeremía 50:17

Ngẽma Iraétanüxü̃ rü ñoma wüxi i carnéru i rütaxuxü̃ i leóü̃gü nawe ingẽxü̃tanüxü̃rüxü̃ nixĩgü. Rü noxri rü yema Achíriaanearü ãẽ̱xgacü nanadai. Rü yemawena rü Babiróniaanearü ãẽ̱xgacü ga Nabucudonochó rü nanadai ga yema duü̃xü̃gü ga yéma yaxǘgüxü̃.

Yeremía 37:19

¿Rü ngexü̃gü yixĩxü̃ i ñu̱xma ga yema orearü uruü̃gü ga cumaxã nüxü̃ ixugüexü̃ ga Babiróniaanearü ãẽ̱xgacü rü taxũtáma pexca̱x rü pechixü̃aneca̱x íyaxüãchixü̃?

Yeremía 29:8

Rü choma ya Cori ya perü Tupana ya Guxãétüwa Ngẽxmacü, rü pexü̃ chaxucu̱xẽ rü ñachagürü pexü̃: ‘Tama chanaxwa̱xe nax pegü penawomüxẽẽgüxẽẽxü̃ i ngẽma orearü urüü̃güneta rü ngẽma iyuüexü̃ i petanüwa ngẽxmagüxü̃. ¡Rü taxṹ i naga pexĩnüexü̃ ega pemaxã nüxü̃ yaxuxgu i ngẽma nanegügü!

Yeremía 28:15

Rü yexguma ga Yeremía rü Ananíaxü̃ ñanagürü: —¡Irüxĩnü, Pa Ananía! Cori ya Tupana rü tama cuxü̃ inamuãchi. Rü cuma rü ore i tama aixcüma ixĩxü̃maxã cunawomüxẽxẽ i ñaa duü̃xü̃gü.

Yeremía 23:17

Rü ngẽma orearü uruü̃güneta rü ñanagürügü nüxü̃ i ngẽma duü̃xü̃gü i tama chorü orega ĩnüexü̃xü̃: “Guxü̃táma mea pexü̃́ ínanguxuchi”, ñanagürügü. Rü ngẽma orearü uruü̃güneta rü ñanagürügü nüxü̃ i ngẽma duü̃xü̃gü i nümatama nagu naxĩnüexü̃gu rüxĩnüexü̃: “Taxuxü̃táma i chixexü̃ pexca̱x ínangu”, ñanagürügü —ñanagürü ya Tupana.

Yeremía 14:22

Pa Cori ya Tupana, nataxuma i tupananetachicüna̱xã i cuxrüxü̃ nüxü̃ cuáxü̃ nax napuxẽẽãxü̃. Rü taxucürüwa i dauxü̃guxü̃ i naane nüechamatama nanapuxẽxẽ. Rü cuma nixĩ i ícunanguxẽẽxü̃ ya pucü, rü cuma nixĩ i cunaxüxü̃ i guxü̃ma i ta̱xacü i ngẽxmaxü̃. Rü cuma nixĩ i aixcüma torü Tupana quixĩxü̃. Rü ngẽmaca̱x nixĩ i cuxü̃tawa ítayanguxẽẽxü̃ i curü ngü̃xẽxẽ —ñanagürü ga Yeremía.

Yeremía 14:13

Rü choma chanangãxü̃ rü ñachagürü nüxü̃: —Natürü, Pa Corix, ngẽma duü̃xü̃güarü orearü uruü̃gü rü namaxã nüxü̃ nixugüe rü nataxutama i dai, rü taiya, rü cuma rü guxü̃gutáma nüxna cunaxã i taãxẽ i ñaa nachicawa —ñachagürü nüxü̃.

Yeremía 10:8

Rü guxü̃ma i ngẽma duü̃xü̃gü i ngẽma naxchicüna̱xãgüwe rüxĩxü̃ rü naechitamare namaxẽ, rü taxuxü̃ma i cua̱x nüxü̃́ nangẽxmagü. Rü ngẽma naxchicüna̱xãgü i naiwa naxügüxü̃ rü taxuxü̃ma nanangúexẽxẽ.

Yeremía 8:11

Rü ngẽma chorü duü̃xü̃gü i poraãcü ngúxü̃ ingegüxü̃ rü íxrarüwatama nüxü̃ narüngü̃xẽẽgü, ñoma wüxi i o̱xri i düxétüwaxica ixüxüxü̃rüxü̃. Natürü woo guxü̃ma ãũcümaxü̃wa nangẽxmagu, rü nüma nüxü̃ yaxugüegu rü guxü̃ma name rü nataxuma i guxchaxü̃.

Yeremía 6:14

Rü ngẽma chorü duü̃xü̃gü i poraãcü ngúxü̃ ingegüxü̃ rü íxrarüwatama nüxü̃ narüngü̃xẽẽgü, ñoma wüxi i o̱xri i düxétüwaxica ixüxüxü̃rüxü̃. Natürü woo guxü̃ma ãũcümaxü̃wa nangẽxmagu, rü nüma nüxü̃ yaxugüegu rü guxü̃ma name rü nataxuma i guxchaxü̃.

Ichaía 46:5

¿Rü texégu nixĩ i choxü̃ penguxü̃? ¿Rü nagu perüxĩnüegu rü texémaxã chawüxigu?

Ichaía 44:9

Ngẽma duü̃xü̃gü i naxchicüna̱xãgü ügüxü̃ rü taxuwama nime. Rü ngẽxgumarüxü̃ ta i ngẽma naxchicüna̱xãgü i naxügüxü̃ rü nüxü̃ yacua̱xüü̃güxü̃ rü taxuwama nime. Rü ngẽma duü̃xü̃gü i naxchicüna̱xãgüxü̃mare icua̱xüü̃güxü̃ rü tama naãẽxü̃ nicua̱x, rü naechitamare namaxẽ. Rü ngẽmaca̱x tá naxãnee.

Yox 21:34

¡Rü taxuwama name i ngẽma ore i namaxã choxü̃ petaãẽxẽxẽgüchaü̃xü̃! ¡Rü guxü̃ma i ngẽma ore i chomaxã nüxü̃ pixuxü̃ rü doramare nixĩgü! —ñanagürü ga Yox.

Yox 13:4

Pema rü perü doramaxã peyadüxü i ngẽma aixcüma ixĩxü̃. Rü pema rü dutúrugü i taxúexü̃ma üxü̃güxe pixĩgü.

Nüxíraxü̃xü̃ ga popera ga ãẽ̱xgacügüchiga 22:17

Rü nüma ga Micaía rü nanangãxü̃ rü ñanagürü: —Nüxü̃ chadau i guxü̃ma i Iraéanecüã̱xgü i ma̱xpǘneanegu woonemarexü̃ rü ñoma carnérugü i ngearü dauruü̃ã́xü̃rüxü̃ nax yixĩgüxü̃. Rü nüma ya Cori rü ñanagürü: “Ñaa duü̃xü̃gü rü nangearü dauruü̃ã̱xgü, rü ngẽmaca̱x name nixĩ i wüxichigü i nüma rü napataca̱x nawoegu” —ñanagürü.

Ãẽ̱xgacügü ga guxchaxü̃güarü mexẽxẽruü̃gü 18:14

Rü nümagü ga yema 5 ga yatügü ga Láiarü naanewa ngugütaewa ne ĩxü̃ rü namücügüxü̃ ñanagürügü: —¿Nüxü̃ pecuáxü̃ nax ta̱xacü ngẽxmaxü̃ ya daa ĩwa? Daa ĩpatawa rü nangẽxma i wüxi i efóx rü ñuxre i tupanachicüna̱xãgü rü ñu̱xũchi wüxi i naxchicüna̱xã i naiwa üxü̃ i diẽrumümaxã tüxünexü̃. ¿Rü ta̱xacü tá pexüxü̃ i ñu̱xma? —ñanagürügü.

Ore i mexü̃ ga Márcu ümatüxü̃ 6:34

Rü yexguma nguewa ínaxüegu ga Ngechuchu, rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü yerü ñoma carnérugü ga ngearü dauruü̃ã̱xgüxü̃rüxü̃ nixĩgü. Rü inanaxügü nax nangúexẽẽãxü̃ ga muxü̃ma ga ore.

Yeremía 23:32

Rü namaxã chanu i ngẽma orearü uruü̃güneta i doramare i nanegügüxü̃ ixugüxü̃. Rü ngẽma norü doragümaxã, rü ñu̱xũchi ngẽma nüxü̃ yaxugünetaxü̃maxã chorü duü̃xü̃güxü̃ ínatüexẽxẽ. Choma rü tama chanamuanetanü i ngẽma orearü uruü̃güneta, rü bai nax namaxã nüxü̃ chixuxü̃ nax nüxü̃ yaxugüxü̃ca̱x i ngẽma ore. Rü ngẽmaca̱x taxuwama nime nax chorü duü̃xü̃güxü̃ nangü̃xẽẽgüxü̃. Rü chomatama ya Cori ya Tupana nixĩ i ngẽma ñachaxü̃ —ñanagürü ya Cori ya Tupana.

Chacaría 11:17

¡Rü nügümaxã nangechaü̃ i ngẽma carnéruarü dauruxü̃ i tama mea norü carnérugüna dauxü̃ rü tüxü̃ ngéma wogümarexü̃! Rü norü poxcu tá nixĩ nax tara i taxrewa ãmaguxü̃maxã nacachacüüxü̃ rü nacaxetüxü̃ i norü tügünexetüwa! Rü tá ninachacüxü rü norü tügünexetüwa rü tá nangexetü. ¡Rü ngẽmaãcü ya nachacüxü rü tá nipamare rü tá nangexetü i norü tügünexetüwa! —ñanagürü.

Ichaía 41:29

Rü wüxichigü ga yema tupananetachicüna̱xãgü rü taxuxü̃ma nixĩ. Rü taxuxü̃ma naxügü erü naxchicüna̱xãgümare nixĩgü rü nangearü maxü̃ã̱x —ñanagürü.

Ichaía 44:25

Rü ngẽma orearü uruü̃güneta rü ngẽxguma nüxü̃ yaxugüegu nax ta̱xacü tá ngupetüxü̃, rü choma rü nüxü̃́ ichayanaxoxẽxẽ nax tama yanguxü̃ca̱x i ngẽma nüxü̃ yaxugüexü̃. Rü ngẽma ẽxü̃guxü̃xü̃ cua̱xgüxü̃ rü choma nixĩ ichanatoõẽmarexü̃ nax tama nüxü̃ nacua̱xgüxü̃ca̱x i ta̱xacüchiga yixĩxü̃ i ngẽma nüxü̃ yaxugüexü̃. Rü ngẽma duü̃xü̃gü i cua̱x nüxü̃́ ngẽxmagüxü̃ rü choma nixĩ i nügümaxãtama chanaxutagagüxẽẽxü̃ nax ngẽma norü cua̱x rü taxuwama namexü̃.

Yeremía 27:10

Erü ngẽma ucu̱xẽ i pemaxã nüxü̃ ixuxü̃ rü doramare nixĩ. Rü ngẽxguma naga pexĩnüegu rü perü uanügü tá pechixü̃anewa pexü̃ ínagaxü̃ rü ngẽmaãcü i choma rü tá to i nachixü̃anegu pexü̃ chawoone nax ngẽxma peyuexü̃ca̱x.

Yeremía 27:14

¡Rü taxṹ i naga pexĩnüexü̃ i ngẽma orearü uruü̃güneta i pexü̃ ucu̱xẽgüxü̃ nax tama namexü̃ nax Babiróniaanearü ãẽ̱xgacüme̱xẽwa pegü pengẽxmagüxẽẽxü̃! Erü ngẽma pemaxã nüxü̃ yaxugüxü̃ rü doramare nixĩ.