Chacaría 10:12 - Tupanaarü Ore

¹² Rü choma rü tá pora nüxna chaxã rü chauégagu tá ínaxĩ. Rü choma ya Cori ya Tupana nixĩ i pexü̃ ngẽma ñachaxü̃ —ñanagürü.

Chacaría 10:12 Referans Kwoze

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Chacaría 10:6

Rü nüma ya Cori ya Tupana rü ñanagürü: —Choma rü tá chanaporaexẽxẽ i Yudátanüxü̃. Rü tá íchanapoxü̃ i Yúchetanüxü̃. Rü wenaxarü nachixü̃aneca̱x tá chanawoeguxẽxẽ erü choxü̃́ nangechaü̃tümüxü̃gü. Rü nümagü rü wenatáxarü ñoma taguma nüxü̃ chaxoxü̃rüxü̃ chomaxã nixĩgü. Erü choma rü norü Cori ya Tupana chixĩ, rü nüxü̃ chaxĩnü i norü yumüxẽgü.

Ichaía 2:5

Pa Acóbutanüxü̃x i Duü̃xü̃güx, ¡Ngĩxã, Cori ya Tupanaga taxĩnüe rü nüma nanaxwa̱xexü̃ãcüma nagu tamaxẽ i norü ore!

Norü taxre ga popera ga Timutéuca̱x naxümatüxü̃ ga Pauru 2:1

Rü ñu̱xma, Pa Chaune, Pa Timutéux, ¡rü cugü naporaxẽxẽ namaxã i ngẽma pora ya Ngechuchu ya Cristu tüxna ãxü̃!

Miquéa 4:5

Rü ngẽma togü i nachixü̃anecüã̱x i duü̃xü̃gü rü noxrütama tupanagüga naxĩnüe, natürü i yixema rü guxü̃gutáma naga taxĩnüe ya yimá tórü Cori ya Tupana.

Colosenses 3:17

Rü guxü̃ma i ngẽma pexüxü̃ rü nüxü̃ pixuxü̃ rü name nixĩ i tórü Cori ya Ngechuchuégagu penaxü rü naégagu Tanatü ya Tupanana moxẽ pexãgü.

Colosenses 2:6

Rü ñu̱xma nax Ngechuchu ya Cristuxü̃ peyauxgüxü̃ nax perü Cori yixĩxü̃ca̱x, rü name nixĩ i mea pemaxẽ i ngẽma aixcüma Cristuaxü̃́ yaxõgüxü̃rüxü̃.

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Ichaía 45:24

Rü ngẽxguma rü tá ñanagürügü: “Cori ya Tupanaxicatama nixĩ ya ixaixcümacü ya pora tüxna ãcü”, ñanagürügü tá. Rü guxü̃ma i ngẽma chauxchi aiexü̃ rü tá naxãnee.

Naanearü ügüchiga 24:40

Rü yexguma nüma ga chorü Cori rü choxü̃ nangãxü̃ rü ñanagürü: “Chomax, rü guxü̃guma naga chaxĩnü ya Tupana, rü ngẽmaca̱x i nüma rü tá nua nanamu i daxũcüã̱x i norü orearü ngeruxü̃ nax cuxü̃ naxümücüxü̃ca̱x, rü mea cuxü̃ nangupetüxü̃ca̱x i ngextá ícuxũxü̃wa. Natürü chanaxwa̱xe nax nua ngĩxü̃ cugaxü̃ ya wüxi ya pacü ya chautanüxü̃ ixĩ́cü nax chaune ngĩmaxã ãmaxü̃ca̱x.

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Chacaría 12:5

Rü ngẽxguma ngẽmaxü̃ nadaugügu i Yudáanearü ãẽ̱xgacügü rü nügümaxã tá ñanagürügü: “Cori ya Guxãxétüwa Ngẽxmacü nixĩ i Yerucharéü̃cüã̱xgüarü Tupana, rü nüma nixĩ i pora nüxna naxãxü̃”, ñanagürügü.

Naanearü ügüchiga 5:24

Rü yema nax guxü̃guma Tupana naxwa̱xexü̃ãcüma namaxü̃xü̃ ga Enóx, rü wüxi ga ngunexü̃gu ngürümare inarütaxu yerü Tupana nayaga.

1 Tesalonicenses 4:1

Ñu̱xma Pa Chauenexẽgüx, rü tórü Cori ya Ngechuchuégagu pexü̃ taca̱xaxü̃ rü pexü̃ tamu nax yema pexü̃ tangúexẽẽxü̃rüxü̃ wüxichigü i ngunexü̃gu yexeraãcü Tupanaca̱x mea pemaxẽxü̃ nax ngẽmaãcü penataãẽxẽẽxü̃ca̱x ngẽma marü pexüxü̃rüxü̃.

1 Tesalonicenses 2:12

Rü ngẽxgumarüxü̃ ta nüxü̃ pecua̱xgü nax ñuxãcü pexü̃ taxucu̱xẽgüxü̃ nax mea Tupanape̱xewa pemaxẽxü̃ca̱x. Rü nüma nixĩ i pexca̱x nangemaxü̃ nax nüma ãẽ̱xgacü íyixĩxü̃wa pengugüxü̃ca̱x nax ngéma mexü̃wa pengẽxmagüxü̃ca̱x.

Echequié 30:24

Rü ñu̱xmax rü tá chanaporaxẽxẽ i Babiróniaanearü ãẽ̱xgacü, rü tá nüxna chanaxã i chorü tara. Rü tá chayapoye ya yima taxre ya nachacüxü ya Faraóü̃. Rü nüma rü norü uanüpe̱xewa tá norü ngu̱xmaxã nixãĩnecüü.