Chacaría 1:6 - Tupanaarü Ore

⁶ Natürü yema chorü ore rü yema chorü mugü ga chorü orearü uruü̃güme̱xẽgu chaxüxü̃, rü perü o̱xigüwa nangu. Rü ñuxre ga nümagü rü cha̱u̱xca̱x nawoegu, rü naxca̱x ínicua̱xgü ga chixexü̃ nax naxügüxü̃, rü ñanagürügü: ‘Rü aixcüma nüma ya Cori ya Tupana ya Guxãétüwa Ngẽxmacü rü ngẽma tórü chixexü̃ãcütama tüxü̃ napoxcue’, ñanagürügü” —ñanagürü ga Tupana.

Chacaría 1:6 Referans Kwoze

Auxexü̃chiga 2:17

Rü nüma ga Cori ya Tupana rü marü nayanguxẽxẽ ga yema nagu naxĩnüxü̃. Rü marü nayanguxẽxẽ ga yema norü ore ga nüxü̃ yaxuxü̃. Rü marü tama nüxü̃́ nangechaü̃tümüxü̃ãcüma nagu napogü ga guma ĩane ga Yerucharéü̃. Rü nüma rü curü uanügüaxü̃́ nanatauxchaxẽxẽ nax cuxü̃ nacugüexü̃. Rü nanaporaexẽxẽ nax cumaxã inacuáxü̃ca̱x.

Wenaxarü naxümatü ga Tupanaarü mugü 28:15

Natürü ngẽxguma taxũtáma naga pexĩnüegu, rü taxũtáma nagu pemaxẽgu i ngẽma Cori ya perü Tupanaarü mugü i ñu̱xma pemaxã nüxü̃ chixuxü̃, rü tá pexca̱x ínangu i guxü̃ma i ñaa guxchaxü̃gü:

Ore i mexü̃ ga Matéu ümatüxü̃ 24:35

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Yeremía 23:20

Rü ngẽma norü nu ya Cori ya Tupana rü taxũtáma ínayachaxãchi ñu̱xmata yanguxẽẽã i ngẽma nagu naxĩnüxü̃. Rü tá ínangugü i ngunexü̃gü i nagu tá aixcüma nagu perüxĩnüexü̃ i ngẽma pexü̃ ngupetüxü̃, rü tá aixcüma nüxü̃ pecua̱x nax ta̱xacüchiga yixĩxü̃ i ngẽma pexü̃ ngupetüxü̃.

Amúx 9:10

Rü chorü duü̃xü̃gütanüwa rü taragu tá nayue i guxü̃táma i ngẽma i chixexü̃gu maxẽxü̃ rü ñagüxü̃: “Rü taxuxü̃táma tüxü̃ nangupetü i ngẽma ãũcümaxü̃ rü taxũtáma tawa nangu”, ñagüxü̃ —ñanagürü.

Yeremía 44:28

Rü noxre tátama tixĩ ya yíxema naétüwa maxẽxe i ngẽma dai rü ñu̱xũchi woeguxe nüxna i Equítuane nax wena Yudáanewa taxĩxü̃ca̱x. Rü guxü̃ma ga yema duü̃xü̃gü ga Yudáanewa íyaxügüxü̃ rü Equítuanewa ĩxü̃ nax ngéma namaxẽxü̃ca̱x, rü tá nüxü̃ nadaugü nax texéarü ore tá aixcüma inguxü̃, choxrü ore, rüe̱xna ngẽma duü̃xü̃güarü̃ ore.

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

1 Tesalonicenses 5:4

Natürü pemax, Pa Chauenexẽgüx, rü marü meama nüxü̃ pecua̱x i Cristuarü nguchiga. Rü ngẽmaca̱x taxuca̱xma ngürüãchi pexü̃ ínayabaixgü ya Cori ya Ngechuchu ñoma wüxi i ngĩ́ta̱xáxü̃ tüxü̃ íbaixgüxü̃rüxü̃.

Maraquía 3:18

Rü ngẽxguma i pemax rü tá nüxü̃ picua̱xãchitanü nax tama nawüxiguxü̃ i ngẽma mexü̃ ügüxü̃ namaxã i ngẽma chixexü̃ ügüxü̃. Rü ngẽxgumarüxü̃ ta i ngẽma choxü̃ icua̱xüü̃güxü̃ rü tama namaxã nawüxigu i ngẽma tama choxü̃ icua̱xüü̃güxü̃ —ñanagürü ya Tupana.

Ochéa 9:15

Tupana rü ñanagürü: —Pemax, Pa Iraéanecüã̱xgüx, rü Guirigáwa nixĩ ga penaxüxü̃ ga naguxü̃raü̃xü̃ ga chixexü̃. Rü yéma nixĩ ga ichaxügüxü̃ nax pexchi chaxaixü̃. Rü ngẽma perü chixexü̃gagu rü tá pexü̃ íchawoxü̃ i chorü naanewa. Rü marü taxũtáma pexü̃ changechaü̃ erü guxü̃ma i perü ãẽ̱xgacügü rü tama chauga naxĩnüe.

Echequié 37:11

Rü yexguma ga Cori ya Tupana rü ñanagürü choxü̃: —Ngẽma Iraétanüxü̃ rü daa naxchina̱xãgürüxü̃ nixĩgü. Rü nügümaxã ñanagürügü: “Rü yixemagü rü ñoma naxchina̱xãgü ya ipagünerüxü̃ tixĩgü erü nataxuma i tórü ngü̃xẽẽruxü̃, rü ngẽmaca̱x tagutáma wenaxarü tachixü̃aneca̱x tawoegu”, ñanagürügü.

Echequié 20:43

Rü ngéma rü tá nüxü̃ picua̱xãchie ga yema chixexü̃gü ga ãũãchixü̃ ga chope̱xewa pexüxü̃. Rü pegüwa tátama pexãũxã̱xgü nagagu ga yema chixexü̃gü ga pexügüxü̃.

Auxexü̃chiga 1:18

Rü daa ĩanecüã̱x rü ñanagürügü: “Nüma ya Cori ya Tupana ya ixaixcümacü rü ñu̱xma rü tagagu tüxü̃ napoxcue yerü chixexü̃ taxügü rü tama naga taxĩnüechaü̃ ga norü mugü. ¡Rü dücax, Pa Guxü̃ma i Nachixü̃anegücüã̱x, rü toxü̃́ iperüxĩnüe rü nüxü̃ pedau nax poraãcü ngúxü̃ tingegüxü̃! Rü torü ngextü̱xücügü rü torü pacügü rü yáxü̃guxü̃ i nachixü̃anewa nanagagü.

Yeremía 26:15

Natürü name nax mea nagu perüxĩnüexü̃, rü ngẽxguma tá choxü̃ pima̱xgügu rü tá nipeguãchi rü tá ninaguãchi i guxü̃ma i duü̃xü̃gü i daa ĩanegu ãchiü̃güxü̃ nagagu nax yama̱xgüãxü̃ i wüxi i duü̃xü̃ i taxuxü̃ma i chixexü̃ üxü̃. Erü aixcüma nixĩ nax Cori ya Tupana yixĩxü̃ i nua choxü̃ muxü̃ nax pemaxã nüxü̃ chixuxü̃ca̱x i guxü̃ma i ngẽma guxchaxü̃gü i tá pexca̱x íngugüxü̃ —ñanagürü.

Yeremía 4:4

Pa Yudáanecüã̱xgüx rü Pa Yerucharéü̃cüã̱xgüx, ngẽma chixexü̃ i perü maxü̃wa ngẽxmaxü̃ ¡rü pegüwa nüxü̃ pexoó nax tama ngẽma perü chixexü̃gagu pexna nanguxü̃ca̱x i chorü nu, ñoma üxüema inaixü̃ i taxucürüwama texe ixoxẽẽxü̃rüxü̃! —ñanagürü.

Ichaía 55:1

Cori ya Tupana rü ñanagürü: —¡Guxãma ya texé ya ita̱xawaexe rü nua taxĩ rü tayaxaxegü! ¡Rü yíxema ngearü diẽruã̱xgüxe rü nua taxĩ rü trigu rü bínu rü lechica̱x tadaugü rü ngetanüãcü tanangõ̱xgü rü taxaxegü!

Ichaía 44:26

Natürü ngẽma chorü duü̃xü̃güarü ore rü choma rü chayanguxẽxẽ. Rü yimá chorü orearü uruü̃gü rü nüxü̃ charüngü̃xẽẽxü̃ nax mea nüxü̃́ ínanguxuchigüxü̃ i ngẽma nagu naxĩnüexü̃. Rü choma rü nüxü̃ chixu rü wena tá nimu i duü̃xü̃gü ya ĩane ya Yerucharéü̃wa. Rü yima ĩanegü ya Yudáanearü naanewa ngẽxmagüne rü tá wena nimexẽẽgü. Rü tá nüxü̃ charüngü̃xẽxẽxü̃ nax wena ínadaxẽẽgüãxü̃ca̱x ya yima norü ĩanegü.

Yox 6:29

Rü chanaxwa̱xe i iperüchianegü namaxã i ngẽma ore i chauchiga nüxü̃ pixuxü̃. ¡Rü taxṹ i pidorata̱xa̱güxü̃! ¡Rü penayaxu i ngẽma ore i nüxü̃ chixuxü̃ nax aixcüma yixĩxü̃!

Wenaxarü naxümatü ga Tupanaarü mugü 28:45

Rü guxü̃ma i ngẽma guxchaxü̃gü rü cuxca̱x tá ínangugü rü ngextá ícuxũxü̃wa rü tá cuwe ningechigü ñu̱xmatáta cuxü̃ nayuxẽxẽ. Erü cuma rü tama naga cuxĩnü ya Cori ya curü Tupana, rü tama cuyanguxẽxẽ i norü mugü rü ucu̱xẽgü i cumaxã nüxü̃ yaxuxü̃.

Wenaxarü naxümatü ga Tupanaarü mugü 28:20

Rü nüma ya Cori ya Tupana rü tá guxchaxü̃ pexca̱x ínangu̱xẽxẽ, rü naguxü̃raü̃xü̃ i ĩnü i nagu ípetüexü̃ tá pexca̱x ínangu, rü ngúxü̃ tá pexca̱x ínangu i guxü̃ma i perü puracü i pexüxü̃wa. Rü paxatáma peyue erü pema rü perü chixexü̃gagu nüxna pixĩgachi ya Cori ya Tupana.

Iraétanüxü̃arü muxchiga 33:56

Rü ngẽxguma tama ípenawoxü̃gu rü choma rü tá pexü̃ama chapoxcu namaxã i ngẽma poxcu i ngẽma duü̃xü̃güca̱xchire̱x ixĩxü̃” —ñanagürü ga Cori ya Tupana.

Iraétanüxü̃arü muxchiga 32:23

Natürü ngẽxguma taxũtáma ngẽmaãcü penaxü̱xgux rü wüxi i taxü̃ i chixexü̃ tá pexüe Cori ya Tupanape̱xewa, rü nüma tá pexü̃ napoxcu ega tama peyanguxẽẽgu i ngẽma namaxã nüxü̃ pixuxü̃.

Wenaxarü naxümatü ga Tupanaarü mugü 28:2

Rü ngẽxguma naga pexĩnüegu ya Cori ya perü Tupana rü guxü̃gutáma pexca̱x ínanangu̱xẽxẽ i ñaa ngü̃xẽẽxü̃.

Ichaía 21:17

Rü ngẽma norü churaragü i tama muü̃wa̱xegüxü̃ i würamaxã daixü̃ cuáxü̃ rü noxre tátama ínayaxü —ñanagürü. Rü Cori ya Iraétanüxü̃arü Tupana nixĩ ya ngẽma ñacü.

Yeremía 32:24

Rü ñu̱xma i ngẽma Babiróniacüã̱x rü toxca̱x ínayaxüãchi rü torü ĩanetapü̱xwa waixü̃mümaxã nanagünagügü nax ngẽmawa nagu nachocuxü̃ca̱x ya daa ĩane. Rü ngẽma daigagu rü ngẽma taiyagagu rü ngẽma da̱xaweanegagu rü ngẽma Babiróniaanecüã̱xme̱xẽgu tá nangu ya daa ĩane. Pa Cori ya Tupanax, cuma rü marü nüxü̃ cudau nax ñu̱xma marü yanguxü̃ i ngẽma guxchaxü̃gü ga nüxü̃ quixuxü̃.

Yeremía 36:28

—¡To i popera nayaxu, rü ngẽmagu wena naxümatü ga yema ore ga nüxíraxü̃xü̃ ga popera ga Yudáanearü ãẽ̱xgacü ga Yoaquíü̃ iguxü̃gu ümatüxü̃!

Yeremía 39:16

—Ngẽma Etiopíaanecüã̱x i Ébe-mérexü̃tawa naxũ rü ñanagürü nüxü̃: “Nüma ya Cori ya Tupana ya Guxãétüwa Ngẽxmacü rü ñanagürü: ‘Choma rü tá chayanguxẽxẽ ga yema poxcu ga daa ĩanemaxã chaxueguxü̃. Rü choma rü tá íchananguxẽxẽ i guxchaxü̃gü rü tama taãxẽ. Rü cuma rü tá nüxü̃ cudau i ngẽma tá chaxüxü̃

Yeremía 44:29

Rü choma ya Cori ya Tupana rü tá pexna chanaxã i wüxi i cua̱xruxü̃ nax nawa nüxü̃ pecuáxü̃ca̱x nax aixcüma tá yanguxü̃ i ngẽma pexü̃ namaxã chaxãxũnexü̃. Rü aixcüma tá pexü̃ chapoxcue i pemax i Iraétanüxü̃ i Equítuanewa pengẽxmagüxü̃’ ” —ñanagürü.

Danié 4:28

Rü guxü̃ma ga yema ãẽ̱xgacü ga Nabucudonochómaxã ueguxü̃ rü ningu.

Ochéa 5:9

Pa Iraétanüxü̃x, ngẽma pemaxã nüxü̃ chixuxü̃ rü aixcüma tá nixĩ iyanguxü̃. Rü ngẽxguma nawa nanguxgu nax pexü̃ chapoxcuxü̃ rü ngẽma Efraíü̃ane rü natüchixica tá ínayaxü —ñanagürü.

Chacaría 1:7

Rü yexguma marü taxre ga taunecü ãẽ̱xgacü yixĩxgu ga Daríu rü meama norü 11 ga tauemacügu, rü nüma ga Cori ya Tupana rü chomaxã nidexa i chomax i orearü uruxü̃ i Chacaría i Berequía nane ya Idútaxa nax chixĩxü̃.

Norü taxre ga popera ga ãẽ̱xgacügüchiga 15:12

Rü yemaacü ningu ga yema ore ga Cori ya Tupana Yeúmaxã nüxü̃ ixuxü̃ ga ñaxü̃: —Cunegü rü cutaagü rü cutaagüarü nanegü rü ñu̱xũchi cutaagüarü nanegüarü nanegü rü tá Iraéanearü ãẽ̱xgacü nixĩgü —ñaxü̃.

Ichaía 55:11

Rü ngẽxgumarüxü̃ ta nixĩ i ngẽma chorü ore i cha̱u̱a̱xwa ixũxũxü̃. Rü taxũtáma ngẽmaãcümare cha̱u̱xca̱x nataegu. Rü ngẽma chorü oregagu rü tá ningu rü tá naxü i ngẽma choma chanaxwa̱xexü̃ rü ngẽma nüxü̃ chixuxü̃.

Yeremía 28:17

Rü gumátama taunecüarü 7 arü tauemacügu nayu ga yema orearü uruxü̃neta ga Ananía.

Yeremía 44:2

Rü nüma ya Cori ya Iraétanüxü̃arü Tupana ya Guxü̃étüwa Ngẽxmacü rü ñanagürü: —Pema rü marü nüxü̃ pedaugü ga yema taxü̃ ga guxchaxü̃gü ga Yerucharéü̃ca̱x rü yema togü ga Yudáanearü ĩanegüca̱x íchanguxẽẽxü̃. Rü ñu̱xma rü nachitaxü̃xicatama ínayaxügü, rü taxúema nawa tamaxẽ.

Yeremía 44:6

Rü yemaacü choxü̃ penuxẽxẽ rü yemaca̱x chorü numaxã poraãcü chanapoxcu ga guma Yudáanearü ĩanegü rü Yerucharéü̃. Rü guma ĩanegü rü ñu̱xma rü ta nachitaxü̃xicatama ínayaxü, rü taxúema nawa tamaxẽ.

Auxexü̃chiga 3:42

Pa Corix, toma rü chixexü̃ taxü rü tama cuga taxĩnüe. Rü ngẽma rü cuma rü tama cunangupetüxẽẽmare.