Chacaría 1:5 - Tupanaarü Ore

⁵ ¿Natürü i ñu̱xma rü ngexü̃gü yixĩxü̃ ga yema perü o̱xigü? Rü chorü orearü uruü̃gü rü ta rü marü nayue.

Chacaría 1:5 Referans Kwoze

Ngu̱xẽẽtaeruü̃arü ore 12:5

Rü daxũ nax cuxĩxü̃ rü tá cumuü̃, rü ngẽxguma namagu quixũxgu rü tá cuxca̱x naxãũcüma. Rü ñoma armeü̃drachacurüxü̃ tá cupueru. Rü ñoma munü i yuxchaü̃xü̃rüü̃ãcü tá quixũ. Rü cuxma̱xca̱x rü nataxutama i curü ngúchaü̃ rü taxuwatáma cume. Rü yuwa tá cuxũ rü namawa tá nüxü̃ taxĩnü nax cuxca̱x naxauxexü̃ i duü̃xü̃gü.

Ngu̱xẽẽtaeruü̃arü ore 12:7

Rü nawena nax cuyuxü̃ rü cuxune rü tá wenaxarü noxrirüxü̃ waixü̃mü nixĩ. Rü cuãxẽ rü tá Tupanaca̱x nataegu yerü nüma nixĩ ga cuxna naxããxü̃.

Popera ga Yudíugü ga yaxõgüxü̃ca̱x ümatüxü̃ 9:27

Rü ngẽxgumarüxü̃ nax wüxicanatama nayuexü̃ i duü̃xü̃gü rü ngẽmawena Tupana tá nüxü̃ nicagü, rü yexgumarüü̃tama ga Cristu rü wüxicanatama nügü inaxã rü nayu nax naxütanüxü̃ca̱x i muxü̃ma i duü̃xü̃güarü pecadugü. Rü nüma ya Cristu rü wena tá núma naxũ, natürü tama pecaduarü ütanüwa. Rü tá núma naxũ nax namaxẽxẽẽãxü̃ca̱x i guxü̃ma i duü̃xü̃gü i aixcüma ínangu̱xuxẽẽgüxü̃.

Ngechuchuarü ngúexü̃gü ga yamugüxü̃arü puracüchiga 13:36

Rü yexguma namaxü̃xgu ga Dabí, rü nüxü̃ narüngü̃xẽxẽ ga norü duü̃xü̃gü, yexgumarüxü̃ ga Tupana namuxü̃. Natürü nayu, rü nanatüxü̃tagu rü naéxü̃tagu nata̱x ga naxü̃ne, rü niyixi.

Ore i mexü̃ ga Cuáü̃ ümatüxü̃ 8:52

Rü yexguma ga yema Yudíugü, rü Ngechuchuxü̃ nangãxü̃gü, rü ñanagürügü: —Ñu̱xma rü meaxü̃chima nüxü̃ tacua̱x nax cuwa nangẽxmaxü̃ i wüxi i ngo̱xo. Yerü ga Abraáü̃ rü guxü̃ma ga nũxcümaü̃güxü̃ ga Tupanaarü orearü uruü̃gü rü nayue. Natürü cuma rü ñu̱xma tomaxã nüxü̃ quixu rü texé ya naga ĩnüxe i ngẽma curü ore rü guxü̃gutáma namaxecha.

Ngu̱xẽẽtaeruü̃arü ore 1:4

Rü duü̃xü̃gü rü ningóetanü rü ngẽma togü rü niyuetanü, natürü ñoma i naane rü nanaxa̱i̱xrügumaraxü̃mare.

Wiyaegü 90:10

Rü 70 ya taunecü nixĩ ya woetama nagu imaxẽcü. Rü yíxema rüporamaegüxe rü 80 ya taunecüwa tangugü. Natürü yíxema máxarü maxü̃ã̱güxe rü tümaca̱x ínangu i ngúxü̃gü rü guxchaxü̃gü. Rü yimá torü taunecügü rü torüxü̃ paxãma nangupetü.

Yeremía 36:28

—¡To i popera nayaxu, rü ngẽmagu wena naxümatü ga yema ore ga nüxíraxü̃xü̃ ga popera ga Yudáanearü ãẽ̱xgacü ga Yoaquíü̃ iguxü̃gu ümatüxü̃!

Auxexü̃chiga 5:7

Rü tonatügü rü pecadu naxügü, rü marü nayue. Rü ñu̱xma i toma rü naxca̱x tapoxcue ga yema norü pecadugü ga naxügüxü̃.

1 Chamué 25:1

Rü nüma ga Chamué rü nayu. Rü yexguma nayu̱xgu rü guxü̃ma ga Iraéanecüã̱xgü rü naxĩtaque̱xe rü naxauxe. Rü napatagu nanata̱xgü ga ĩane ga Ramáwa. Rü yemawena ga Dabí rü yema chianexü̃ ga Paráü̃wa naxũ.

Norü taxre ga popera ga ãẽ̱xgacügüchiga 13:14

Rü nüma ga Erichéu rü poraãcüma nida̱xawe rü natura. Rü yexguma nüma ga Yoá ga Iraéanearü ãẽ̱xgacü rü ínayadau rü namaxã naxaxu rü ñanagürü: —¡Pa Chorü Corix, Pa Chorü Corix, cuma rü Iraéanecüã̱xgüca̱x rü ñoma wüxi i churaragütücumü i poraxü̃chixü̃rüxü̃ quixĩ! —ñanagürü.

Norü taxre ga popera ga ãẽ̱xgacügüchiga 13:20

Rü yemawena rü nayu ga Erichéu rü inanata̱xgü. Rü yexgumaü̃cüxü rü nayexma ga ngĩ́ta̱xagüxü̃ ga Moátanüxü̃ ga Iraéanearü naanegu chocuxü̃. Rü wüxi ga ngunexü̃gu ga yexguma ñuxre ga Iraétanüxü̃ rü wüxi ga yatü ga yuxü̃ iyata̱xgüyane rü nüxü̃ nadau ga yéma ne naxĩxü̃ ga wüxitücumü ga yema ngĩ́ta̱xagüxü̃. Rü yemaca̱x guxema yuxe rü naxma̱xü̃ ga Erichéu nagu ixücuchixü̃gu nayañaxcuchigü ga yema naxü̃ne. Natürü yexguma Erichéuchina̱xãmaxã nañaxgu ga yema naxü̃ne rü wenaxarü namaxü̃ rü inachi.