Chacaría 1:18 - Tupanaarü Ore

¹⁸ Rü yemawena rü wena chango̱xetü rü nüxü̃ chadau ga ãgümücü ga naxchata̱xcure.

Chacaría 1:18 Referans Kwoze

Yochué 5:13

Rü wüxi ga ngunexü̃gu ga Yochué rü ĩane ga Yericúarü ngaicamagu nayachi. Rü nüxü̃ nadau ga wüxi ga yatü ga yexma chíxü̃ ga norü tara ngĩxü̃ ngexü̃. Rü Yochué rü naxca̱x nixũ rü nüxna naca rü ñanagürü: —¿Cumax rü totanüxü̃ quixĩ rüe̱xna torü uanü quixĩ? —ñanagürü.

Chacaría 5:9

Rü choma rü wena chadaunagü rü nüxü̃ chadau ga taxre ga ngexü̃ ga yéma ngóxü̃. Rü nümagü rü ñoma cowaruxü̃ nixãxpe̱xatü. Rü naxügü rü nayangegü ga gumá pexchi.

Chacaría 5:5

Rü yemawena ga yema Tupanaarü orearü ngeruxü̃ i daxũcüã̱x ga chomaxã idexaxü̃ rü cha̱u̱xca̱x nixũ rü ñanagürü choxü̃: —¡Dücax, nüxü̃ nadau i ngẽma ñu̱xma ngóxü̃! —ñanagürü.

Chacaría 5:1

Rü wena chango̱xetü rü nüxü̃ chadau ga wüxi ga popera ga ãmatüxü̃ ga dauxü̃gu chüxüxü̃.

Chacaría 2:1

Rü yemawena rü wena chango̱xetü. Rü nüxü̃ chadau ga wüxi ga yatü ga chope̱xegu chíxü̃. Rü naxme̱xwa nanange ga wüxi ga naixü̃ta ga nguruxü̃.

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Nüxíraxü̃xü̃ ga popera ga ãẽ̱xgacügüchiga 22:11

Rü wüxi ga yema orearü uruxü̃ ga Chedequía ga Quenaaná nane rü nanaxü ga ñuxre ga wocachata̱xcurechicüna̱xã ga fierunaxca̱x. Rü ñu̱xũchi tagaãcü ñanagürü: —Rü ngẽma ñanagürü ya Cori ya Tupana: “Rü ñaa wocachata̱xcuregümaxã tá nixĩ i cunada̱i̱xü̃ i ngẽma Chíriaanecüã̱xgü ñu̱xmatáta cunagu̱xẽẽ̱x” —ñanagürü.

Chacaría 1:17

Rü yema daxũcüã̱x rü ñanagürü ta choxü̃: —Rü ñaa tá nixĩ i to i ore i tá nüxü̃ quixuxü̃: “Rü nüma ya Cori ya Tupana ya Guxãétüwa Ngẽxmacü rü ñanagürü: ‘Choma rü tá wena nüxü̃ charüngü̃xẽxẽxü̃ ya yima chorü ĩanegü nax yamexü̃ca̱x rü mea iyaxĩxü̃ca̱x. Rü wena tá chanataãẽxẽxẽ ya Chióü̃. Rü wena tá chanaxunagü nax choxrü ĩane yixĩxü̃ ya Yerucharéü̃’ ” —ñanagürü.

Chacaría 1:19

Rü nüxna chaca ga yema Tupanaarü duü̃xü̃ ga daxũcüã̱x ga chomaxã idexaxü̃ rü ñacharügü: —¿Ñaa naxchata̱xcuregü rü ta̱xacüchiga nixĩ? —ñacharügü. Rü yexguma nüma ga yema Tupanaarü duü̃xü̃ ga daxũcüã̱x rü choxü̃ nangãxü̃ rü ñanagürü: —Ñaa naxchata̱xcuregü rü nachiga nixĩ i ngẽma togü i nachixü̃anecüã̱xgü i norü poramaxã guxü̃ i naanegu Yudáanecüã̱xgüxü̃ rü Iraéanecüã̱xgüxü̃ rü Yerucharéü̃cüã̱xgüxü̃ woonexü̃ —ñanagürü.

Chacaría 6:1

Rü wena chango̱xetü rü nüxü̃ chadau ga ãgümücü ga carugü ga daiweü̃ ixĩgüne. Rü guma carugü rü taxre ga ma̱xpǘnegü ga bróũchenaxca̱xarü ngãxü̃wa nangóe.