Chacaría 1:15 - Tupanaarü Ore

¹⁵ Rü yexguma ñuxre ga taunecü namaxã chanuxgu ga chorü ĩane rü poxcu namaxã chaxuegu ga yema Yerucharéü̃cüã̱xgü. Natürü yema togü ga nachixü̃anegücüã̱x ga yéma chamugüxü̃ rü nanangupetüxẽxẽ ga yema poxcu ga Yerucharéü̃maxã chaxueguxü̃. Rü ngẽmaca̱x poraãcü namaxã chanu i ngẽma togü i nachixü̃anegü i nügü írüporaexü̃ rü taxuguma rüxĩnüexü̃.

Chacaría 1:15 Referans Kwoze

Yeremía 51:24

Natürü i ñu̱xmax, Pa Iraétanüxü̃, rü pepe̱xewa tá chanapoxcue i guxü̃ma i ngẽma Cadéugü i Babiróniacüã̱x naxca̱x ga yema chixexü̃ ga Chióü̃wa naxügüxü̃. Rü choma ya Cori ya Tupana nixĩ i ngẽma ñachaxü̃.

Ichaía 54:8

Rü yexguma pemaxã chanuxgu rü paxaxãchi pexna chixũgachi. Natürü pemaxã nüxü̃ chixu rü paxãma choxü̃́ pixauxãchitümüxü̃gü erü pexü̃ changechaü̃ rü ngẽma chorü ngechaü̃ rü tagutáma nagu̱x —ñanagürü ya perü ngü̃xẽẽruxü̃ ya Tupana.

Chacaría 1:11

Rü yexguma ga yema togü ga cowaruétügu augüxü̃, rü Cori ya Tupanaarü duü̃xü̃ ga naixtanüpechitagu chíxü̃maxã nidexagü rü ñanagürügü: —Guxü̃wama i ñoma i naanegu ítayachoegu, rü guxü̃ma i duü̃xü̃gü rü nügümaxã ínataãẽgü, rü taxuxü̃ma i ta̱xacü i guxchaxü̃xü̃ itayangaugü —ñanagürügü.

Chacaría 1:2

—Choma ya Cori ya Tupana ya Guxãétüwa Ngẽxmacü, rü poraãcü namaxã chanu ga yema perü o̱xigü.

Wiyaegü 69:26

Erü nümagü rü tümawe ningẽxü̃tanü ya yíxema cuma tüxü̃ cunaxĩ̱xãchiãẽxẽẽ́xẽ. Rü tüxü̃ nacugüe ya yíxema ngúxü̃ ngẽgüxe nagagu nax tüxü̃ cunapi̱xẽẽxü̃.

Amúx 6:1

—¡Pegümaxã pengechaxü̃gü, Pa Chióü̃cüã̱x! Pema rü perü ĩanena perüyoü̃ rü petaãxẽgü erü nagu perüxĩnüe rü taxuxü̃táma pexü̃ nangupetü. Rü ngẽxgumarüxü̃ ta ¡pegümaxã pengechaxü̃gü i pema i Chamáriaarü ĩanena rüyoü̃xẽ! Pema rü nagu perüxĩnüe nax naporaxü̃ ya yima ĩane rü ngẽmaca̱x taxuxü̃táma pexü̃ nangupetü. Rü pema i Iraéanecüã̱x rü ngẽma ĩanearü ãẽ̱xgacügüaxü̃́ peyaxõ erü nagu perüxĩnüe rü tá pexü̃ ínapoxü̃gü.

Wiyaegü 137:7

Pa Cori Pa Tupanax ¡taxṹ i cunangupetüxẽxẽmarexü̃ nax cupoxcuexü̃ i ngẽma Edóü̃tanüxü̃ ga Babiróniacüã̱xgüxü̃ muxü̃ nax noxtacüma iyanaxoxü̃ca̱x ga torü ĩane ga Yerucharéü̃!

Wiyaegü 123:4

Rü ngẽma diẽruã̱xgüxü̃ rü toxü̃ nacugüe rü ngẽma nügü icua̱xüü̃güxü̃ rü toxchi naxaie. Rü ngẽmaca̱x poraãcüxüchima ngúxü̃ tingegü.

Chacaría 6:8

Rü yemawena rü nüma ga yema Tupanaarü orearü ngeruxü̃ i daxũcüã̱x rü choxü̃ ñanagürü: —Dücax, rü ngẽma cowarugü i ngẽma nachixü̃ane i nórtewa ngẽxmaxü̃waama ĩxü̃, rü ngéma naxĩ nax ngẽma nachixü̃anewa Tupanaxü̃ yanangüxmüxẽẽgüxü̃ca̱x —ñanagürü.

Yox 30:13

Rü choxü̃ nipoxyepe̱xegü nax ngẽmaãcü choxü̃ yama̱xgüxü̃ca̱x. Rü taxúema choxü̃ ítapoxü̃.

Yeremía 30:16

Rü Tupana rü norü duü̃xü̃güxü̃ ñanagürü: —Guxü̃ma i ngẽma nachixü̃anegü i pexü̃ rüporamaegüxü̃ rü tá togü nüxü̃ narüporamaegü. Rü guxü̃ma i perü uanügü rü nüxí tá to i nachixü̃anewa nagagü. Rü ngẽma nachixü̃anegü ga perü yemaxü̃gü inaxü̃ rü tá nüxí to i nachixü̃ane nayana i norü ngẽmaxü̃gü. Rü ngẽma nachixü̃anegü ga naxca̱x ngĩ́xü̃ ga perü yemaxü̃gü rü tá nüxí to i nachixü̃ane naxca̱x nüxü̃́ nangĩ̱xgü i norü ngẽmaxü̃gü.

Yeremía 50:33

Nüma ya Cori ya Tupana ya Guxãétüwa Ngẽxmacü rü ñanagürü: —Ngẽma Iraéanecüã̱xgü rü ngẽma Yudáanecüã̱xgü rü guxchaxü̃wa nangẽxmagü erü togü i nachixü̃anegüme̱xẽwa nangẽxmagü rü ngúxü̃ ningẽgü. Rü norü uanügü rü nayagagü rü tama ínananguxü̃xẽẽchaü̃.

Abacú 3:12

Rü curü numaxã rü guxü̃ma i ñoma i naanegu ícuyaxüegu. Rü curü numaxã nixĩ i nagu cupúgüexü̃ i ngẽma nachixü̃anegü.

Chacaría 14:12

Natürü ga yema nachixü̃anegü ga Yerucharéü̃cüã̱xgüxü̃ daixü̃ rü Cori ya Tupana tá poraãcü nanapoxcue. Rü maxãcü tátama niyixemachi, rü naxetüchicawa tá niyixe, rü naã̱xwa rü tá niyixarü conüã̱xgü.