Amúx 9:3 - Tupanaarü Ore

³ Rü woo ma̱xpǘnetape̱xe ya Carmérugu yanacu̱xgügu, rü choma rü tá ngẽxma naxca̱x chayadauama. Rü ngẽxguma mártamagu yanacu̱xgügu, rü choma rü tá chanamu i naeü̃ i taxüchixü̃ i düraxü̃ i márcüã̱x nax ngẽxma nagu nawagüxü̃ca̱x.

Amúx 9:3 Referans Kwoze

Yeremía 16:16

Natürü i ñu̱xma rü petanüwa tá chanamugü i muxü̃ma i perü uanügü nax ngẽmaãcü pexü̃ ínayauxü̃xü̃ca̱x ñoma choxni ínayauxü̃xü̃rüxü̃. Rü ngẽmawena rü petanüwa tá chanamugü i togü i perü uanügü i ñoma cueneetanüxü̃rüxü̃ pexca̱x daugüxü̃ i guxü̃nema ya ma̱xpǘnegügu rü ngüchitaeruxü̃gügu rü woo nutagüarü ãxmaxü̃gügu nax pexü̃ nada̱i̱xü̃ca̱x.

Ichaía 27:1

Rü ngẽma ngunexü̃gu rü nüma ya Cori ya Tupana rü norü tara i tacü i ãũcümacü rü pora ngĩxü̃wa ngẽxmacümaxã, tá nanacua̱xi i ngẽma ngo̱xo i Lebiatáü̃ i ãxtape i wü̃xü̃güãcü paxa ixũxü̃. Rü ñu̱xũchi nüma ya Tupana rü tá nayama̱x i ngẽma ngo̱xo i dragóü̃ i márwa ngẽxmaxü̃.

Yox 34:22

Rü nataxuma i ta̱xacü i waanexü̃ i Tupanacha̱xwa yadüxüxü̃ i wüxi i duü̃xü̃ i chixexü̃arü üruxü̃.

Amúx 1:2

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü naga rü ñoma duruanexü̃rüxü̃ nixĩ. Rü ngẽxguma ya yima maxẽ ya carnérugüchitaxü̃wa ngẽxmacü rü nipagü rü yima ma̱xpǘne ya Carmérutape̱xewa rü nipaane.

Naanearü ügüchiga 3:8

Rü yáuanecü ga yexguma yabuuchigu ga buanecü, rü gumá yatü rü yema nge rü Tupanaxü̃ naxĩnüe nax yema naanegu yaxũgüchigüxü̃. Rü nibuxmü rü naxcha̱xwa nanetünecügu nicu̱xgü.

2 Chamué 22:46

Rü ngẽma duü̃xü̃gü i togü i nachixü̃anecüã̱x rü choxü̃ namuü̃e rü ngẽma íyacu̱xgüxü̃wa du̱xrueãcü ínachoxü̃.

Yox 22:13

¿Ñuxãcü i cuma i nagu curüxĩnüxü̃ nax Tupana tama nüxü̃ nacuáxü̃ i ngẽma cuxüxü̃, rü ngẽma pamüxü̃ i caixanexü̃gagu taxucürüwa cuxü̃ nangugüarü maxü̃ã́xü̃? ¿Rü ñuxãcü nüxü̃ quixuxü̃ nax Tupana tama cuxü̃ dauxü̃? Erü nüma rü guxü̃wama naxũ i dauxü̃wa.

Wiyaegü 68:23

Rü choma rü tá pegü piwaiecutüxẽxẽ nagümaxã i perü uanügü. Rü perü airugü rü tá yimá nagüwa naxaxegü —ñanagürü.