Amúx 8:9 - Tupanaarü Ore

⁹ Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.

Amúx 8:9 Referans Kwoze

Ore i mexü̃ ga Márcu ümatüxü̃ 15:33

Rü yexguma tocuchiwa nanguxgu, rü guxü̃ ga naanewa naxẽane ñu̱xmata yáuanecü tomaepü̱xarü orawa nangu.

Ore i mexü̃ ga Matéu ümatüxü̃ 27:45

Rü tocuchigu inaxügü rü ñu̱xmata tomaepü̱xarü orawa nangu nax naxẽanexü̃ ga guxü̃ ga naanewa.

Ore i mexü̃ ga Luca ümatüxü̃ 23:44

Rü yexguma tocuchiwa nanguxgu rü guxü̃wama naxẽane ñu̱xmata tomaepü̱xarü orawa nangu ga yáuanecü.

Yeremía 15:9

Rü yíxema mamagü ya muxacüxe rü tá tiyuãchitanü. Rü tá tingearü buanecüã̱xgü nax tingü̃ãtanücüüxü̃ca̱x rü cugüruü̃gü tá tixĩgü erü nayue i tümaxacügü. Rü ngẽma ngóonexü̃ rü waanexü̃xü̃ tá tümaca̱x nayanguxuchigü. Rü poraãcü tá taxãneexü̃chi rü taxuwatáma time. Rü yíxema maxü̃́xẽ íyaxügüxe rü ngẽma tümaarü uanügüxü̃ tá tüxü̃ chadaixẽxẽ. Rü choma ya Cori ya Tupana nixĩ i nüxü̃ chixuxü̃ i ngẽma chorü ore —ñanagürü ya Cori ya Tupana.

Ore i mexü̃ ga Matéu ümatüxü̃ 24:29

Rü nawena i ngẽma ngúxü̃gü rü tá nixo ya üa̱xcü, rü taxũtáma inabaxi ya tauemacü. Rü woramacurigü rü ẽxtagü rü tá narüyi. Rü guxü̃ma i daxũwa ngẽxmagüxü̃ rü tá naxĩã̱xãchitanü rü tá nu ne nanaxĩmare.

Miquéa 3:6

Rü pemax i orearü uruü̃güneta rü chütacü rü marü taxũtáma pengo̱xetügü. Rü ngẽxguma rü marü taxũtáma nüxü̃ pecua̱x i ngẽma Tupana nagu rüxĩnüxü̃. Rü ñoma üa̱xcü rütaxuxü̃rüxü̃ tá inarütaxu nax pengo̱xetüxü̃ rü taxũtáma Tupana pexü̃ nüxü̃ nacua̱xẽxẽ i ngẽma tá ngupetüxü̃.

Amúx 5:8

Rü nüma ya Cori ya Tupana nixĩ ga naxüxü̃ i ngẽma ẽxtagütücumü i Préyadegu ãégaxü̃ rü ngẽma ẽxtagütücumü i Orióü̃gu ãégaxü̃. Rü ngẽxguma nachütagu rü nüma ínanangu̱xẽxẽ i ngóonexü̃. Rü ngẽxguma nangóonegu rü nüma rü ínanangu̱xẽxẽ i chütaxü̃. Rü nüma nixĩ i caixanexü̃xü̃ yanguxuchixẽẽãxü̃ i már arü dexá nax dauxü̃ naxĩxü̃ca̱x rü ñu̱xũchi ñoma i naanegu nax napuxẽẽãxü̃ca̱x. Rü naéga rü Cori ya Tupana nixĩ.

Ichaía 13:10

Rü ngẽma i ngunexü̃gu rü ngẽma woramacurigü rü ẽxtagü i daxũguxü̃ i naanewa ngẽxmagüxü̃ rü tá nixogü. Rü üa̱xcü rü noxri tátama iyanagoxgu rü nixo, rü tauemacü rü tá ta nixo.

Yox 5:14

Rü ngunecü rü ñoma naxẽanegurüxü̃ nixĩ, erü naxca̱x nawaanegü ñoma nachütaxü̃rüxü̃.

Amúx 4:13

Rü choma rü Cori ya Tupana ya Guxãétüwa Ngẽxmacü nixĩ i chauéga. Rü choma nixĩ i ma̱xpǘnegü rü buanecü chango̱xẽẽxü̃. Rü choma nixĩ i yatüxü̃ nüxü̃ chacua̱xẽẽxü̃ i ngẽma nagu charüxĩnüxü̃. Rü choma nixĩ i waanexü̃xü̃ chayanguxuchixẽẽxü̃ i ngóonexü̃. Rü choma nixĩ i ñoma i naanearü máxpü̱xanexü̃gu chixũgüxü̃. Rü Cori ya Tupana ya Guxãétüwa Ngẽxmacü nixĩ i chauéga.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:12

Rü yema norü ãgümücü ga Tupanaarü orearü ngeruxü̃ rü nayacue ga norü cornéta. Rü wüxi ga yema norü tomaepü̱xarü üye ga üa̱xcü rü nixo. Rü yexgumarüxü̃ ta wüxi ga yema norü tomaepü̱xarü üye ga tauemacü rü woramacurigü rü ẽxtagü rü nixo. Rü yemaacü wüxi ga yema norü tomaepü̱xarü üye ga guxü̃ma ga yema rü naxẽane. Rü ga ngunecü rü ãgümücü ga ora naxẽane. Rü ga chütacü rü ãgümücü ga ora nixo ga tauemacü rü woramacurigü rü ẽxtagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:12

Rü yexguma gumá Carnéruxacü yagáuyegu ga yema norü 6 ga yema poperaarü ñaxtachipe̱xexü̃, rü poraãcü naxĩã̱xãchiane. Rü üa̱xcü rü ñoma ngechaü̃chiru ga waxü̃rüxü̃ nawamare. Rü tauemacü rü ñoma nagürüxü̃ naduema.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Echequié 32:7

Rü ngẽxguma cuxü̃ chima̱xgu, rü choma rü tá chayaxẽãchianexẽxẽ i dauxü̃wa. Rü tá nixogü ya ẽxtagü. Rü caixanexü̃maxã tá chayadüxtachiwe ya üa̱xcü. Rü yimá tauemacü rü tagutáma inabaxi.

Chacaría 14:7

Rü ngẽma tá nixĩ i wüxi i ngunexü̃ i mexẽchixü̃ i tama to i ngunexü̃maxã nawüxiguxü̃. Rü Tupanaxicatama nüxü̃ nacua̱x i ñuxãcü tá nax yixĩxü̃ i ngẽma ngunexü̃. Rü ngẽma ngunexü̃ rü taxũtáma nangẽxma i chütaxü̃, erü guxü̃gutáma nangóoneecha.