Amúx 8:7 - Tupanaarü Ore

⁷ Rü ñanagürü ta: —Choma ya perü Cori ya Tupana rü Acóbuégagu pemaxã nüxü̃ chixu rü tagutáma nüxü̃ charüngüma ga yema chixexü̃ ga pexügüxü̃.

Amúx 8:7 Referans Kwoze

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.

Ochéa 9:9

Rü ngẽma perü chixexü̃gü rü nataxüchi naxrüü̃tama ga yema Guibeáwa ngupetüxü̃. Natürü Tupana rü taxũtáma nüxü̃ narüngüma i ngẽma perü chixexü̃gü rü perü pecadugü rü ngẽmaca̱x tá pexü̃ napoxcue —ñanagürü.

Ochéa 8:13

Rü nümagü rü norü me nixĩ nax ãmare cha̱u̱xca̱x nada̱i̱xü̃ rü nax nangõ̱xgüãxü̃ i namachi i ngẽma naxü̃nagü i cha̱u̱xca̱x ínaguxü̃. Natürü i choma ya Cori ya Tupana rü tama namaxã chataãxẽ. Rü choma rü nüxü̃ chacua̱x i ngẽma norü pecadugü, rü ngẽmaca̱x tá chanapoxcue rü wena táxarü Equítuanecüã̱xgüme̱xẽwa chanangexmagüxẽxẽ.

Ochéa 7:2

Rü nümagü rü tama nagu narüxĩnüe nax choma nüxü̃ chadauxü̃ i guxü̃ma i ngẽma chixexü̃gü i naxügüxü̃. Rü ngẽma norü chixexü̃gagu tá nixĩ i chanapoxcuexü̃, erü meama nüxü̃ chadau i guxü̃ma i ngẽma naxügüxü̃.

Wiyaegü 10:11

Rü ngẽma yatü i chixexü̃ rü nagu narüxĩnü nax nüma ya Tupana rü marü nüxü̃ yanangümaxü̃ rü nügü yadüxchiwexü̃ nax tama nüxü̃ nadauxü̃ca̱x i ngẽma chixexü̃ i naxüxü̃ i ngẽma duü̃xü̃.

Yeremía 31:34

Rü ngẽxguma rü tá marü taxuca̱xtama texé toguxexü̃ tangu̱xẽxẽ nax choxü̃ tacuáxü̃ca̱x, rü bai i tümamücü, rü bai i tümatanüxü̃. Erü ngẽxguma rü tá guxãma ya yáxe rü woo buxe rü tá choxü̃ tacua̱xgü. Rü choma rü tá tüxü̃́ nüxü̃ icharüngüma i tümaarü chixexü̃ rü marü tagutáma nüxna chacua̱xãchi i tümaarü pecadugü. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 17:1

Rü nüma ga Cori ya Tupana rü ñanagürü: —Pa Yudátanüxü̃x, ngẽma perü pecadu rü perü maxü̃ne ya itaixü̃negu naxümatü namaxã i purumáũ i fierunaxca̱x i diamántepe̱xexü̃. Rü ngẽxgumarüxü̃ ta perü ãmaregüarü guruü̃chata̱xcuregu naxümatü i perü pecadugü.

Ichaía 43:25

Natürü i choma nax perü Tupana chixĩxü̃ rü tá íchanapigü rü nüxü̃ ichayarüngü̃ma i guxü̃ma i perü pecadugü rü chixexü̃gü i chope̱xewa pexüxü̃.

Wiyaegü 47:4

Rü nümatama ya Cori ya Tupana nixĩ ga nüxü̃ naxunetaxü̃ i ñaa norü naane nax guxü̃gutáma tóxrü yixĩxü̃ca̱x. Rü ñaa naanemaxã tataãẽgü i yixema i Acóbutanüxü̃ nax Tupana poraãcü tüxü̃ ngechaü̃güxü̃.

Ore i mexü̃ ga Luca ümatüxü̃ 2:32

Rü nüma tá nixĩ i norü ngóonexẽẽruxü̃ i ngẽma duü̃xü̃gü i tama Iraétanüxü̃ ixĩgüxü̃. Rü daa bucü rü curü duü̃xü̃gü i Iraétanüxü̃arü poraxẽẽruxü̃ tá nixĩ”, ñanagürü.

Wiyaegü 68:34

¡Rü ngẽmawa nüxü̃ pecua̱x nax ñuxãcü naporaxüchixü̃ ya Tupana! Rü nüma rü guxü̃ma i Iraétanüxü̃maxã inacua̱x. Rü norü pora rü ya̱u̱xtüweanexü̃arü yexerawa nangu.

Ínachoxü̃xü̃chiga 17:16

Rü ñu̱xũchi ñanagürü: —Ngẽma Cori ya Tupanaarü wonera rü cho̱xme̱xwa nangẽxma. Rü nüma ya Cori ya Tupana rü guxü̃gutáma Amaréxtanüxü̃maxã rü nataagümaxã nügü nadai —ñanagürü.

Yeremía 44:21

—¿Ẽ̱xna pema nagu perüxĩnüegu rü nüma ya Cori ya Tupana tama nüxü̃ nacuáx, rüe̱xna nüxü̃ yanangümaxü̃ ga yema pemax, rü perü o̱xigü, rü perü ãẽ̱xgacügü, rü norü ngü̃xẽẽruü̃gü, rü guxü̃ma ga yema duü̃xü̃gü ügüxü̃ ga yexguma yema tupananetagüca̱x pumarate̱xe pigugügu nawa ga Yudáanearü ĩanegü, rü Yerucharéü̃arü namagüwa?

Amúx 4:2

Rü nüma ya Cori ya Tupana rü marü norü üüneégagu pemaxã nanaxuegu rü ñanagürü: —Tá ínangu i ngunexü̃ i pexü̃ yawe̱xgüraxü̃ãcüma pexü̃ yagagüxü̃, rü yíxema penegü rü tá poxwamaxã tüxü̃ niwe̱xgüraxü̃.

Yox 24:23

Rü ñu̱xma ya Tupana rü taxu ñanagürümare, natürü nüxü̃ nadau i guxü̃ma i ta̱xacü i naxüxü̃ i ngẽma duü̃xü̃ i chixexü̃gu maxü̃xü̃.

Wiyaegü 47:5

Rü nüma ya Cori ya Tupana rü dauxü̃ naxĩ nax norü tochicaxü̃wa namaxã inacuáxü̃ca̱x i guxü̃ma. Rü duü̃xü̃gü yoxni taãẽãcüma nüxü̃ nicua̱xüü̃gü rü cornétamaxã nanapaxpünegü.

Ichaía 22:14

Rü nüma ya Cori ya Tupana ya Guxãétüwa Ngẽxmacü cha̱u̱xca̱x nango̱x rü choxmachi̱xẽwa chomaxã nidexa rü ñanagürü: —Naxü̃pa nax nayuexü̃ i ngẽma duü̃xü̃gü rü taxũtáma nüxü̃́ nüxü̃ charüngüma i ngẽma chixexü̃ i naxügüxü̃ —ñanagürü. Rü ngẽma nixĩ i Cori ya Tupana ya Guxãétüwa Ngẽxmacüarü ore.