Biblia Todo Logo
Bib sou entènèt

- Piblisite -




Amúx 7:10 - Tupanaarü Ore

10 Rü Amachía nixĩ ga chacherdóte ga Betéwa. Rü yexguma nüxü̃ nacua̱xgu ga yema Amú nüxü̃ ixuxü̃, rü paxãma wüxi ga norü orearü ngeruü̃xü̃ Iraéanearü ãẽ̱xgacü ga Yeruboáü̃xü̃tawa namu nax namaxã nüxü̃ yanaxuxü̃ca̱x ga ore ga ñaxü̃: —Amú rü Iraécüã̱xgü i duü̃xü̃gütanügu nixũgüchigü rü cumaxã nananuexẽxẽ, Pa Ãẽ̱xgacüx. Rü curü duü̃xü̃gü rü marü tama yáxna namaxã naxĩnüe nax ngẽmaãcü yadexaxü̃.

Gade chapit la Kopi




Amúx 7:10
23 Referans Kwoze  

Rü yexguma yemaxü̃ naxĩnüegu ga yema ãẽ̱xgacüarü ngü̃xẽẽruü̃gü, rü ñanagürügü ãẽ̱xgacüxü̃: —Pa Ãẽ̱xgacüx, name nixĩ i tayama̱x i ñaa yatü erü ngẽma dexa i nüxü̃ yaxuxü̃maxã nananuexẽxẽ i tórü churaragü i nua tórü ĩanewa yaxǘgüxü̃ rü nananuexẽxẽ i guxü̃ma i duü̃xü̃gü. Rü ñaa yatü rü tama daa ĩanearü mexü̃ca̱x nadau, natürü norü chixexü̃ca̱x nixĩ i nadauxü̃ —ñanagürügü.


Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.


Rü woo yemaacü Tupana nüxü̃ nax nüxü̃ dauxẽẽxü̃, rü nüma ga ãẽ̱xgacü ga Yeruboáü̃ rü tama nüxü̃ narüxo ga yema chixexü̃ ga nagu naxĩnüxü̃. Rü wenaxarü duü̃xü̃güxü̃ naxuneta ga chacherdóte nax yixĩgüxü̃ca̱x nawa ga guma ngutaque̱xepataxü̃ ya norü tupanachicüna̱xãca̱x ixĩgüne. Rü guxema tüxü̃́ nangúchaü̃xẽ, rü nüma ga Yeruboáü̃ rü chíxü̃maxã tüxü̃ nabaeru, rü chacherdótexü̃ tüxü̃ ningucuchixẽxẽ nawa ga guma ngutaque̱xepataü̃gü.


Rü marü nüxü̃ tadau nax ñaa yatü rü wüxi i da̱xaweanerüxü̃ nax yixĩxü̃. Erü guxü̃ i naanewa norü ngu̱xẽẽtaemaxã nügü nayatoyexẽxẽ i Yudíugü. Rü nüma rü naeru nixĩ i ngẽma duü̃xü̃gü i nüxü̃́ yaxõgüxü̃ i Ngechuchu i Nacharétucüã̱x.


Rü yexguma nüxü̃ naxĩnüegu ga yema ore, rü nanuexüchi ga yema ãẽ̱xgacügü. Rü norü numaxã Estébaü̃ca̱x nixü̃́xchapütagü.


—Marü poraãcü pexna tanachu̱xu nax tama ngẽma Ngechuchuégamaxã pengúexẽẽtaexü̃ca̱x. Natürü i pema rü guxü̃ne ya Yerucharéü̃cüã̱xü̃ namaxã pengúexẽxẽ i Ngechuchuchiga, rü ñu̱xũchi toxna penaxuxchaü̃ nax togagu nayuxü̃ ga yema Ngechuchu —ñanagürü.


Rü yéma Pirátupe̱xewa inanaxügüe nax Ngechuchuxü̃ yaxugüexü̃. Rü ñanagürügü: —Ñaa yatü rü nüxü̃ itayangaugü nax nanuexẽẽãxü̃ i torü duü̃xü̃gü. Rü nüxü̃ nixu nax tama namexü̃ nax ãẽ̱xgacü ya Rómawa ngẽxmacüaxü̃́ tanaxütanüxü̃ i diẽru. Rü nügü nixu nax nüma yixĩxü̃ i torü ãẽ̱xgacü i Cristu —ñanagürügü.


Rü yema duü̃xü̃gü rü ñanagürügü: —Ngĩxã nagu tarüxĩnüe i ta̱xacü namaxã taxü i Yeremía nax nüxü̃ naxoxü̃ca̱x nax guxchaxü̃chiga tamaxã yaxuxü̃. Erü tagutáma nataxu i togü i chacherdótegü i tüxü̃ ngúexẽẽxü̃, rü tagutáma nataxu i togü i yatügü i nüxü̃ icuáxü̃ i tüxü̃ ucu̱xẽgüxü̃, rü tagutáma nataxu i togü i orearü uruü̃gü i Tupanaarü orexü̃ tamaxã ixugüxü̃. Ngĩxã ãẽ̱xgacüpe̱xewa ítanaxuaxü̃ nax ngẽmaãcü yama̱xgüãxü̃ca̱x. Rü taxũtáma naga taxĩnüe i ngẽma nüxü̃ yaxuxü̃ —ñanagürügü.


Rü yexguma Eríaxü̃ nada̱u̱xgu rü ñanagürü: —¿Cuma ẽ̱xna quixĩ i ngẽma yatü i Iraéanecüã̱xgüca̱x chixexü̃ ícunguxẽẽxü̃? —ñanagürü.


Rü yexguma ga naenexẽgü rü nanangãxü̃gagü rü ñanagürügü: —¿Ẽ̱xna cuma nagu curüxĩnügu rü cuma tá nixĩ i torü ãẽ̱xgacü quixĩxü̃ rü tomaxã tá icucuáxü̃? —ñanagürügü. Rü yemaacü yexeraãcü naxchi naxaie naxca̱x ga yema nanegü ga nüxü̃ yaxuxü̃.


Rü yexguma nüxü̃ naxĩnüegu ga yema ore rü nümagü ga yema ãẽ̱xgacüarü ngü̃xẽẽruü̃gü rü poraãcü namuü̃e. Rü nügüna nadaugü rü ñanagürügü: —Name nixĩ i ãẽ̱xgacümaxã nüxü̃ tixu i guxü̃ma i ñaa ore —ñanagürügü.


Ñaa nixĩ ga yema ore ga gumá carnérugüarü dauruxü̃ ga Amú ga Tecóacüã̱xmaxã nüxü̃ yaxuxü̃ ga Tupana ga Iraéanecüã̱xgüchiga. Rü yema nangupetü taxre ga taunecü naxü̃pa ga yema ĩã̱xãchiane ga yexguma Uchía Yudáanewa ãẽ̱xgacü ixĩxgu, rü Yeruboáü̃ ga Yoá nane ãẽ̱xgacü ixĩxgu ga Iraéanewa.


¡Rü taxṹ i Betéarü tupananetachicüna̱xãca̱x peyadauxü̃! ¡Rü taxṹ i Guirigáwa pexĩxü̃! ¡Rü taxṹ i Bechébagu pichocuxü̃! Erü ngẽma Guirigácüã̱xgü rü to i naanewa tá nagagü, rü yima Beté rü tá nagu napogüe —ñanagürü.


Erü ñanagürü: “Yeruboáü̃ rü taramaxã tá nayu, rü guxü̃táma i Iraécüã̱xgü i duü̃xü̃gü rü to i nachixü̃anewa tá nanagagü” —ñanagürü.


¡Rü pegümaxã pengechaxü̃gü i pema nax tümachi pexaixü̃ ya yíxema ãẽ̱xgacüpe̱xewa ínapoxü̃́xe i ngẽma duü̃xü̃ i aixcümaxü̃ ixuxü̃! Rü pema rü tüxü̃ pexoe ya yíxema aixcümaxü̃ ixuxe.


Swiv nou:

Piblisite


Piblisite