Amúx 6:7 - Tupanaarü Ore

⁷ Rü pexíra tá nixĩ i to i nachixü̃anewa pexü̃ nagagüxü̃ i perü uanügü nax norü puracütanüxü̃ pixĩgüxü̃ca̱x. Rü ngẽxma tá nayacua̱x nax penaxüxü̃ i taxü̃ i perü õna i nawa picuxcuxü̃ —ñanagürü.

Amúx 6:7 Referans Kwoze

Amúx 7:11

Erü ñanagürü: “Yeruboáü̃ rü taramaxã tá nayu, rü guxü̃táma i Iraécüã̱xgü i duü̃xü̃gü rü to i nachixü̃anewa tá nanagagü” —ñanagürü.

Amúx 5:5

¡Rü taxṹ i Betéarü tupananetachicüna̱xãca̱x peyadauxü̃! ¡Rü taxṹ i Guirigáwa pexĩxü̃! ¡Rü taxṹ i Bechébagu pichocuxü̃! Erü ngẽma Guirigácüã̱xgü rü to i naanewa tá nagagü, rü yima Beté rü tá nagu napogüe —ñanagürü.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Naúü̃ 1:10

Rü pema i bínumaxã ngaxexe rü ñoma tuxu i wüxigu inutaque̱xexü̃rüxü̃ pixĩgü, rü ñoma maxẽ i pagüxü̃rüxü̃ tá pixae.

Amúx 7:17

Natürü i ñu̱xma rü ñaa nixĩ i ngẽma ore i Cori ya Tupana cumaxã nüxü̃ ixuxü̃, rü ñanagürü: “Cuxma̱x rü daa ĩanewa tátama ngexü̃ i ngeãẽxü̃ tixĩ. Rü ngẽma cunegü i iyatüxü̃ rü ñu̱xũchi yíxema cuxacügü ya ingexe rü taramaxã tá tüxü̃ nadai. Rü ngẽma cuanegü rü ngẽma uanügü rü sortéuãcüma tá nügü nayanu. Rü cuma rü duü̃xü̃gü i tama Tupanaxü̃ cua̱xgüxü̃arü nachixü̃anegu tá cuyayu. Rü norü uanügü i ngẽma Iraétanüxü̃ rü Iraéanearü yáxü̃wa tá nanagagü” —ñanagürü ya Cori ya Tupana.

Amúx 5:27

Rü ngẽmaca̱x i choma rü ĩane ya Damácuarü yáxü̃wa tá pexü̃ chawogü. Rü choma ya Cori ya Tupana ya Guxãétüwa Ngẽxmacü nixĩ i ngẽma ñachaxü̃. Rü ngẽma nixĩ i chauéga —ñanagürü.

Ichaía 21:4

Rü choma rü tama nüxü̃ chacua̱xéga nax ta̱xacü tá chaxüxü̃. Rü chauxune rü muü̃maxã nidu̱xru. Rü ngẽma yáuanecüarü gáuanexü̃ rü noxri chorü me nixĩ, natürü i ñu̱xma nax naxẽanexü̃ rü taxü̃ i muü̃ choxna naxã.

Ester 5:8

Pa Ãẽ̱xgacüx, ngẽxguma chi aixcüma choxü̃ cungechaü̃gu, rü chi curü me yixĩxgu i ngẽma chanaxwa̱xexü̃, rü chi choxna cunaxãxchaü̃gu i ngẽma cuxna naxca̱x chacaxaxü̃, rü cuxna chaxu nax moxü̃arü ngunexü̃gu Amáü̃maxã nua chauxü̃tawa pexĩxü̃ naxca̱x i to i õna i pexca̱x tá chamexẽxẽxü̃. Rü ngéma tá nixĩ i cumaxã nüxü̃ chixuxü̃, Pa Ãẽ̱xgacüx, i ngẽma choxna naxca̱x cuca̱a̱xü̃ —ngĩgürügü.

Wenaxarü naxümatü ga Tupanaarü mugü 28:41

Rü tá pexü̃́ nangẽxma i penegü rü pexacügü, natürü taxũtáma pexü̃tawa nangẽxmagü erü perü uanügü rü to i nachixü̃anewa tá nanagagü.

Danié 5:30

Rü yema chütaxü̃gu nixĩ ga yama̱xgüãxü̃ ga Berchachá ga Babiróniaanearü ãẽ̱xgacü ixĩcü.

Ichaía 24:8

Rü marü nayagu̱x i ngẽma taãxẽ i ngẽma tutugümaxã rü árpagümaxã napetaegüxü̃. Rü marü nachiane i ngẽma petawa ãũgatanüxü̃.

Amúx 4:3

Rü wüxigu tá pixĩxchimüü̃ãcü ngẽma perü ĩanetapü̱x íyaponagüxü̃wa pexü̃ ínagaxü̃. Rü ñu̱xũchi ma̱xpǘne ya Ermóü̃guama tá pexü̃ nigagü —ñanagürü ya Cori ya Tupana.