Amúx 4:2 - Tupanaarü Ore

² Rü nüma ya Cori ya Tupana rü marü norü üüneégagu pemaxã nanaxuegu rü ñanagürü: —Tá ínangu i ngunexü̃ i pexü̃ yawe̱xgüraxü̃ãcüma pexü̃ yagagüxü̃, rü yíxema penegü rü tá poxwamaxã tüxü̃ niwe̱xgüraxü̃.

Amúx 4:2 Referans Kwoze

Yeremía 16:16

Natürü i ñu̱xma rü petanüwa tá chanamugü i muxü̃ma i perü uanügü nax ngẽmaãcü pexü̃ ínayauxü̃xü̃ca̱x ñoma choxni ínayauxü̃xü̃rüxü̃. Rü ngẽmawena rü petanüwa tá chanamugü i togü i perü uanügü i ñoma cueneetanüxü̃rüxü̃ pexca̱x daugüxü̃ i guxü̃nema ya ma̱xpǘnegügu rü ngüchitaeruxü̃gügu rü woo nutagüarü ãxmaxü̃gügu nax pexü̃ nada̱i̱xü̃ca̱x.

Wiyaegü 89:35

Rü noxtacüma chorü üüneégagu ichaxuneta rü tagutáma chanawomüxẽxẽ.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.

Ichaía 37:29

Rü ngẽma nax poraãcü chomaxã cunuxü̃gagu rü cugü ícurütaxü̃gagu rü choma rü tá cuxü̃ chichotamaraü̃ rü cuã̱xwa tá chayaxǘcuchi i wüxi i curü chaxãchixẽxẽruxü̃. Rü ngẽma nama i nagu nua cuxũxü̃gu tátama cuxü̃ chataeguxẽxẽ” —ñanagürü ga Tupana.

Echequié 29:4

Natürü i choma rü tá cuxü̃ chichotamaraü̃. Rü tá chanamu i ngẽma curü taxtüarü choxnigü nax cuchipa̱xgu natuxgüxü̃ca̱x. Rü tá cuxü̃ íchata̱xüchi nawa i ngẽma curü taxtü namaxã i guxü̃ma i ngẽma choxnigü i cuchipa̱xgu tuxgüxü̃.

Echequié 38:4

Rü choma rü tá taxwa cua̱xwa chichocuchi rü ngẽmaãcü tá cuxü̃ íchatúxuchi cuchixü̃anewa nax daiwa cuxũxü̃ca̱x namaxã i guxü̃ma i curü churaragü i nacutügu ĩxü̃ rü curü churaragü i mea ãxchiruxü̃ i cowarugüétügu ĩxü̃. Rü nümagü rü namuxũchi rü meama taragümaxã nixãxne, rü meama nixãxchiru. Rü guxü̃raxü̃xü̃ i poxü̃ruü̃gü nüxü̃́ nangẽxma.

Amúx 8:7

Rü ñanagürü ta: —Choma ya perü Cori ya Tupana rü Acóbuégagu pemaxã nüxü̃ chixu rü tagutáma nüxü̃ charüngüma ga yema chixexü̃ ga pexügüxü̃.

Wiyaegü 89:36

Rü ngẽma nataagü rü nüxí nachicüxü guxü̃gutáma Iraéanecüã̱xgüarü ãẽ̱xgacügü nixĩgü ñoma üa̱xcü ibáixechaxü̃rüxü̃.

Echequié 34:16

Rü choma rü tá naxca̱x chadau i chorü carnérugü i iyarütauxexü̃. Rü tá chayagagü i ngẽma chorü carnérugü i choxna ítüexü̃. Rü ngẽma ibüyeparagüxü̃ rü tá chayanaixgüpara. Rü ngẽma turaexü̃ rü tá nüxü̃ charüngü̃xẽxẽxü̃ natürü ngẽma ingüexü̃ rü iporaexü̃ rü tá chayanaxoxẽxẽ. Rü ngẽmaãcü i choma rü tá mea namaxã ichacua̱x i chorü carnérugü —ñanagürü.