Biblia Todo Logo
Bib sou entènèt

- Piblisite -




Amúx 3:6 - Tupanaarü Ore

6 Rü ngẽxguma ĩanewa yacuegüãgu ya cornéta rü ngẽmawa duü̃xü̃gü nüxü̃ nacua̱x nax nangẽxmaxü̃ i ãũcümaxü̃. Rü ngẽxguma ta̱xacürü guxchaxü̃ ngupetügu i ĩanewa rü nüxü̃ tacua̱x nax Cori ya Tupana yixĩxü̃ i ngéma namuxü̃ i ngẽma guxchaxü̃.

Gade chapit la Kopi




Amúx 3:6
17 Referans Kwoze  

Rü choma nixĩ ga chanango̱xẽẽxü̃ ga ngóonexü̃ rü waanexü̃. Rü choma nixĩ i íchananguxẽẽxü̃ i mexü̃ rü guxchaxü̃. Rü chomatama ya Tupana nixĩ i chanaxüxü̃ i guxü̃ma i ngẽma —ñanagürü.


Rü ngẽma ngunexü̃gu rü norü uanügü rü tá yima ĩanegü ya ípoxegugüneca̱x ínayaxüãchi. Rü daica̱x tá nayacue i norü cornétagü rü aixta tá naxüe. Rü nagu tá napogüe ya yima ĩanegüarü poxeguxü̃ rü norü dauxü̃taechicagü i máchanexü̃.


Toma rü aixcüma torü Corixü̃ tangechaxü̃ rü naga taxĩnüe. Rü ngẽmaca̱x norü orearü uwa tapuracüe rü tayaxucu̱xẽgü i duü̃xü̃gü nax yaxõgüãxü̃ca̱x. Rü nüma ya Tupana rü meama toxü̃ nacua̱x, rü chierüna pema rü ta toxü̃ pecua̱xgügux.


Pema nagu perüxĩnüegu rü chixexü̃ chomaxã pexüxü̃, natürü Tupana rü mexü̃xü̃ nananguxuchixẽxẽ ga yema chixexü̃ ga chomaxã pexüxü̃. Rü yemaca̱x ãẽ̱xgacüxü̃ choxü̃ ningucuchixẽxẽ i nua nax ngẽmaãcü namaxẽxü̃ca̱x i muxü̃ma i duü̃xü̃gü.


Rü Tupana pexna nanamu ga gumá Ngechuchu, yerü yema nixĩ ga nagu naxĩnüxü̃. Rü nüma ga Tupana rü woetama nüxü̃ nacua̱x nax pecaduca̱x tá nayuxü̃. Rü pema rü penamu ga yatügü ga tama yaxõgüxü̃ nax curuchawa yapotagüãxü̃ca̱x. Rü yemaacü peyama̱xgü.


¡Pa Duü̃xü̃gü i Bẽyamíü̃anecüã̱gü, ẽcü paxa ípechoxü̃ nawa ya yima ĩane ya Yerucharéü̃ rü pibuxmü! ¡Rü pema i Tecóawa ngẽxmagüxe rü cornéta picuegü nax naxuãẽgüxü̃ca̱x i duü̃xü̃gü! ¡Rü Bex-aqueréü̃wa rü wüxi i ta̱xacüwa penangĩxichi nax wüxi i cua̱xruxü̃ i caixemaxü̃ pu̱xnagüxü̃ca̱x! Erü wüxi i taxü̃ i ãũcümaxü̃ rü nórtewaama ne naxũ.


Rü Cori ya Tupana rü ñanagürü: —¡Yerucharéü̃arü ĩanewa rü Yudáanewa nüxü̃ pixugügü i ngẽma ãũcümaxü̃ i tá pexca̱x ínguxü̃! ¡Rü guxü̃ma i Yudáanewa cornétamaxã penaxunagü i ngẽma ãũcümaxü̃! ¡Rü tagaãcü ñapegügü: “Ngĩxã rü yima ĩanegü ya ípoxegugünegu tayangutaque̱xegü”, ñapegügü!


Rü yemaacü ga yema ãẽ̱xgacügü rü nayanguxẽxẽ ga guxü̃ma ga yema cuma nũxcümama nagu curüxĩnüxü̃ rü nüxü̃ quixuxü̃ rü tá nax yanguxü̃.


Rü ngẽma dauxü̃taeruxü̃ rü ngẽxguma nüxü̃ nada̱u̱xgu nax yangaicaxü̃ i norü uanüarü churaragü nax daiwa naxĩxü̃, rü norü cornétagu nicue nax ngẽmaãcü ínaxũãẽgüxü̃ca̱x i duü̃xü̃gü.


Rü tataxuma ya texé i ñoma i naanewa i tama cuxü̃ muü̃xe Pa Guxü̃ i Nachixü̃anearü Ãẽ̱xgacüx. Rü cumawaxi nixĩ i namexü̃ nax cuxü̃ tamuü̃exü̃. Rü natanüwa i guxü̃ma i ngẽma nüxü̃ cua̱xüchixü̃ rü ãẽ̱xgacügü ixĩgüxü̃ i ñoma i naanewa ngẽxmagüxü̃, rü nataxuma i to i cumaxã wüxiguxü̃.


¡Rü Guibeáwa peyacue ya cornéta, rü Ramáwa rü ta peyacue nax nangutaque̱xegüxü̃ca̱x i duü̃xü̃gü! ¡Rü Bex-abéü̃wa rü tagaãcü duü̃xü̃gümaxã nüxü̃ pixu nax nügü namexẽẽgüxü̃ca̱x nax daiwa naxĩxü̃ca̱x! ¡Rü Bẽyamíü̃tanüxü̃maxã nüxü̃ pixu nax nügü namexẽxẽgüxü̃ca̱x!


Rü choma ya Cori ya Tupana rü pexna chaca rü ñachagürü: ‘¿Tama ẽ̱xna choxü̃ pemuü̃e? ¿Tama ẽ̱xna chope̱xewa pidu̱xrue?’ Choma rü chanango̱xẽxẽ ya naxnecü nax márxü̃ yatoxyepe̱xexü̃ca̱x. Rü ngẽma toxyepe̱xewa rü taxucürüwama naxüpetü i már. Rü woo poraãcü nayuapegu rü natagagu rü taxucürüwama naxüpetü nawa i ngẽma toxyepe̱xe.


Rü ngúxü̃maxã chaugü íchaxã̱ũ̱x. Rü chorü maxü̃ne rü poraãcü nixĩã̱xcüxü. Rü choma rü chanaxĩ̱xãchiãxẽ, rü taxucürüwama changea̱xmare. Rü nüxü̃ chaxĩnü ya cornéta nax daica̱x duü̃xü̃güca̱x nangemaxü̃, rü nüxü̃ chaxĩnü nax tagaãcü nügü nada̱i̱xü̃.


Rü taxũtáma wüxi ya yütagu nangu i wüxi i weri ega nangebügu ya yüxta. Rü ngẽxguma waixü̃müanewa naxãgagu ya yima yüxta rü ngẽmawa nüxü̃ tacua̱x nax naxãẽü̃xü̃.


Rü yexguma taxũta inaxügügu ga chopataarü puracü rü nataxuma i perü natanü naxca̱x i perü puracü rü perü wocagüarü puracü. Rü yema perü uanügügagu rü ãũcümaxü̃wa pengẽxmagü. Rü chomatama rü pegümaxã pexü̃ chanuexẽxẽ.


Natürü yexguma namücügümaxã íyadexayane ga Erichéu, rü yéma nangu ya yema yatü ga ãẽ̱xgacü yéma muxü̃. Rü Erichéuxü̃ ñanagürü: —Ñaa guxchaxü̃ rü Tupana nixĩ i taxca̱x nua namuxü̃. Rü ngẽmaca̱x marü taxuacüma íchayangu̱xẽxẽ nax nüma rü tá tüxü̃ nangü̃xẽẽxü̃ —ñanagürü.


Swiv nou:

Piblisite


Piblisite