Amúx 3:4 - Tupanaarü Ore

⁴ Rü ngẽxguma naixnecüwa yangunecüxügu i wüxi i leóü̃ rü ngẽmawa nüxü̃ tacua̱x nax ngẽxma naxãẽü̃xü̃. Rü ngẽxguma wüxi i leóü̃acü naxmaxü̃wa yangunecüxügu rü ngẽmawa nüxü̃ tacua̱x nax ta̱xacü ngẽxma yayaxuxü̃.

Amúx 3:4 Referans Kwoze

Ochéa 11:10

Rü choma rü ñoma wüxi i leóü̃rüxü̃ tá chataga rü chorü duü̃xü̃gü rü tá chauga naxĩnüe. Rü ngẽxguma tagaãcü naxca̱x chacaxgu rü nümagü rü nidu̱xruãcüma tá oéstewaama ne naxĩ.

Wiyaegü 104:21

Rü ngẽma leóü̃gü rü nawemüca̱x ngéma naxae. Rü ngẽmaãcü Tupanana nacagüe nax norü õna nüxna naxãxü̃ca̱x.

Amúx 1:2

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü naga rü ñoma duruanexü̃rüxü̃ nixĩ. Rü ngẽxguma ya yima maxẽ ya carnérugüchitaxü̃wa ngẽxmacü rü nipagü rü yima ma̱xpǘne ya Carmérutape̱xewa rü nipaane.

Amúx 3:8

¿Rü texé ya tama muü̃maxã idu̱xruxe ega ngẽxguma wüxi i leóü̃ ingũ̱xunecüxügu? ¿Rü texé ya tama Tupanaégagu idexaxe ega nüma tüxü̃ namuxgu nax tidexaxü̃ca̱x?

Ochéa 5:14

Rü choma rü ñoma wüxi i leóü̃rüxü̃ tá naxca̱x chixũ i ngẽma Efraíü̃tanüxü̃ rü Yudáanecüã̱xgü. Rü wüxi i leóü̃xacürüxü̃ tá nüxna chayuxu rü tá nagu chawagü. Rü nawena yáxü̃wa tá chanaga rü taxúetátama choxna tanapu.

Amúx 3:3

Rü ngẽxguma taxre i duü̃xü̃gü wüxigu ĩxgu rü ngẽmawa nüxü̃ tacua̱x nax wüxigu naxĩnüexü̃.

Amúx 3:5

Rü taxũtáma wüxi ya yütagu nangu i wüxi i weri ega nangebügu ya yüxta. Rü ngẽxguma waixü̃müanewa naxãgagu ya yima yüxta rü ngẽmawa nüxü̃ tacua̱x nax naxãẽü̃xü̃.