Amúx 2:3 - Tupanaarü Ore

³ Rü norü duü̃xü̃güpe̱xewa tá íchanata̱xüchi i ngẽma norü ãẽ̱xgacü. Rü wüxigu norü ngü̃xẽẽruü̃gümaxã tá chanadai —ñanagürü ya Cori ya Tupana.

Amúx 2:3 Referans Kwoze

Yeremía 48:7

Pa Moáanex, cuma rü curü poragu cuyaxõ rü curü diẽrugu cuyaxõ, natürü curü uanügü rü tá cuxü̃ narüporamae. Rü nachixü̃anewa tá nanangegü i curü tupananeta i Quemó wüxigu namaxã i Quemóxarü chacherdótegü rü ngẽma curü duü̃xü̃gü i tachigagüxü̃.

Iraétanüxü̃arü muxchiga 24:17

Rü nüxü̃ chadau i ta̱xacü i yixcüra tá ngupetüxü̃, natürü taxũtáma paxa ínangu. Rü Iraétanüxü̃tanüwa tá nango̱x i wüxi i ãẽ̱xgacü i ñoma woramacuri ngóxü̃rüxü̃. Rü ngẽma ãẽ̱xgacü rü Moátanüxü̃xü̃ tá nadai rü tá inayanaxoxẽxẽ i guxü̃ma i Chéxtanüxü̃.

Yeremía 48:25

Rü Cori ya Tupana rü ñanagürü: —Moáanearü pora rü marü nagu narüchixe. Rü marü nataxuma.

Ichaía 40:23

Rü nüma ya Tupana rü inayanaxoxẽxẽ i ngẽma duü̃xü̃gü i ñoma i naanewa nügü írüporaexü̃ rü ngẽma ãẽ̱xgacügü i ñoma i naanewa ngẽxmagüxü̃.

Wiyaegü 2:10

Rü ngẽmaca̱x i pemax, Pa Nachixü̃anegüarü Ãẽ̱xgacügüx, rü pemax Pa Ãẽ̱xgacügü i Ñoma i Naanewa Duü̃xü̃gümaxã Ipecua̱xgüxü̃x ¡rü iperüxĩnüe i ñaa ucu̱xẽ rü naga pexĩnüe i ñaa pemaxã nüxü̃ chixuxü̃!

Yox 12:21

Rü nüma ya Tupana rü nanaxãnexẽxẽ i ngẽma nügü írütagüxü̃. Rü nüxna nanayaxu i norü pora i ngẽma ãẽ̱xgacügü i nügü írüporaexü̃.

Wiyaegü 141:6

Rü ngẽma chixexü̃ ügüxü̃ i duü̃xü̃güarü ãẽ̱xgacügü rü tá nayayitanü ñoma ma̱xpǘnewa nayi̱xixü̃rüxü̃. Rü ngẽxgumama tá nüxna nacua̱xãchie nax namexü̃ ga yema ore ga namaxã nüxü̃ chixuxü̃.

Amúx 5:7

Rü ngẽma duü̃xü̃gü i pexü̃tawa ĩxü̃ nax penamexẽẽxü̃ca̱x i norü guxchaxü̃gü rü pema, Pa Ãẽ̱xgacügüx, rü tama aixcüma nüxü̃́ penamexẽxẽ. Rü ngẽmaca̱x tama nataãxẽ i duü̃xü̃gü erü tama mugü nüxü̃ ixuxü̃ãcüma penaxü.

Amúx 5:12

Choma nüxü̃ chacua̱x nax nataxü̃ i perü chixexü̃gü, Pa Ãẽ̱xgacügüx. Rü ngẽma perü pecadugü rü tama inayacua̱x. Rü ngẽxguma duü̃xü̃gü pepe̱xewa norü guxchaxü̃gü yamexẽẽgüchaü̃gu, rü yíxema aixcümaxü̃ ixuxe rü tama tüxü̃́ ipexĩnüe. Natürü nüxü̃́ ipexĩnüe i ngẽma diẽrumaxã pexü̃́ naxütanüxü̃ nax naétüwaama pechogüxü̃ca̱x. Rü ngẽmaãcü i pemax, Pa Ãẽ̱xgacügüx, rü ngẽxma tüxü̃́ ipeyanaxoxẽxẽ i ngẽma guxchaxü̃ i pexü̃tawa naxca̱x taxũxü̃ ya yíxema ngearü diẽruã́xẽ.

Amúx 6:12

¿Rü nüxü̃́ natauxchaxü̃ nax nutapütawa dauxü̃ naxĩgüxü̃ i cowarugü? ¿Ẽ̱xna natauxchaxü̃ i márwa nax naxaimüaneãxü̃ i wocagü? Natürü i pema rü ngẽma mugü i duü̃xü̃güarü ngü̃xẽẽruxü̃ ixĩxü̃ rü dairuxü̃ peyanguxuchixẽxẽ. Rü ngẽma aixcüma mexü̃ rü pema rü guxchaxü̃xü̃ peyanguxuchixẽxẽ.