Amúx 1:2 - Tupanaarü Ore

² Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü naga rü ñoma duruanexü̃rüxü̃ nixĩ. Rü ngẽxguma ya yima maxẽ ya carnérugüchitaxü̃wa ngẽxmacü rü nipagü rü yima ma̱xpǘne ya Carmérutape̱xewa rü nipaane.

Amúx 1:2 Referans Kwoze

Joel 3:16

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü ngẽma naga rü ñoma duruanexü̃rüxü̃ nixĩ. Rü ngẽxguma i ngẽma daxũguxü̃ i naane rü ñoma i naane rü nidu̱xru. Natürü i nüma ya Cori ya Tupana rü wüxi i poxü̃ruxü̃ nixĩ naxca̱x i Iraétanüxü̃ i norü duü̃xü̃gü ixĩgüxü̃.

Yeremía 25:30

Rü cumax, Pa Yeremíax, ¡rü chauégagu duü̃xü̃gümaxã nüxü̃ ixux i guxü̃ma i ngẽma cumaxã nüxü̃ chixuxü̃! Rü ñanagürü nüxü̃: “Nüma ya Cori ya Tupana rü ñoma duruanexü̃rüxü̃ nataga i daxũguxü̃ i naanewa i nachica i üünexü̃wa i nüma ínangexmaxü̃wa. Rü norü numaxã ningunecüxü̃ naxca̱x i norü duü̃xü̃gü. Rü ñoma duü̃xü̃gü i úba ípuxgüxü̃rüxü̃ nataga ya Tupana naxca̱x i guxü̃ma i duü̃xü̃gü i ñoma i naanewa maxẽxü̃.

Amúx 9:3

Rü woo ma̱xpǘnetape̱xe ya Carmérugu yanacu̱xgügu, rü choma rü tá ngẽxma naxca̱x chayadauama. Rü ngẽxguma mártamagu yanacu̱xgügu, rü choma rü tá chanamu i naeü̃ i taxüchixü̃ i düraxü̃ i márcüã̱x nax ngẽxma nagu nawagüxü̃ca̱x.

Yeremía 12:4

¿Rü ñuxgura tá ta iyanaxoxü̃ nax yapagüanexü̃, rü nayuexü̃ i maxẽgü i naanewa rüxügüxü̃? Rü naeü̃gü, rü werigü rü niyueetanü nagagu i ngẽma chixexü̃ i ñaa nachixü̃anecüã̱xgü ügüxü̃. Rü nümagü nagu naxĩnüegu rü tama nüxü̃ cudau i ngẽma chixexü̃ i naxügüxü̃ —ñanagürü ga Yeremía.

Ichaía 42:13

Rü nüma ya Cori ya Tupana rü ñoma wüxi i daiwa poraxü̃rüxü̃ tá nua naxũ. Rü norü poramaxã tá aita naxü rü tá norü uanügüxü̃ nadai —ñanagürü ga Ichaía.

Naúü̃ 1:4

Rü ngẽxguma ngẽma márxü̃ namuxgu nax yachexü̃ca̱x rü nipachitama i már. Rü nayachegüxẽxẽ i guxü̃ma i natügü. Rü Bacháü̃anewa rü ma̱xpǘne i Carméruwa rü nipagüane rü narüñẽẽxgü i nanetügü. Rü Líbanuanewa ngẽxmagüxü̃ i putüragü rü ta narüñexgü.

Joel 2:11

Rü nüma ya Cori ya Tupana rü nape̱xegu nixũ i ngẽma munügü i ñoma muxũchixü̃ i churaragürüxü̃ ixĩxü̃. Rü nüma ya Tupana rü tagaãcü nanamu i ngẽma munügü, rü nüma rü naga naxĩnüe. Rü ngẽma nax namuxũchixü̃ rü taxucürüwama texé tayaxugü. Rü poraãcü naxãũcüma i ngẽma ngunexü̃ i nagu Tupana tüxü̃ poxcuexü̃, rü taxúema tapora nax ítayachaxãchixẽẽxü̃.

Ochéa 13:8

Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.

Yeremía 50:19

Rü choma rü nachixü̃aneca̱x tá chanawoeguxẽxẽ i ngẽma Iraétanüxü̃. Rü Carméruwa, rü Bacháü̃wa, rü Efraíü̃arü naane i ma̱xpǘxanexü̃wa, rü Garaáxanewa tá mea nachibüe”, ñachagürü.

Yeremía 14:2

—Yudáanecüã̱xgü rü nangechaü̃gü rü naxauxe. Rü norü ĩanegücüã̱x i duü̃xü̃gü rü nanaxĩ̱xãchiãẽgü rü waixü̃müanegu nicama. Rü ngẽma Yerucharéü̃cüã̱xgü rü ngúxü̃ ningegü rü ngẽmaca̱x aita naxüe.

Ichaía 33:9

Rü Iraétanüxü̃ rü namae erü ngechaü̃wa nangẽxmagü. Rü Líbanuarü naixnecügü rü nipagü. Rü Charóü̃arü metachinüxü̃ rü naxnücüanexü̃ nayanguxuchi. Rü Bacháü̃wa rü ma̱xpǘne ya Carméruwa rü nabáianemare

Ucu̱xẽgüchiga 20:2

Wüxi ya ãẽ̱xgacü ya nucü, rü ñoma wüxi i leóü̃ i nuxü̃rüxü̃ nixĩ, rü yíxema nachixewexe rü ãũcümaxü̃wa tanangẽxmaxẽxẽ i tümaarü maxü̃.

1 Chamué 25:2

Rü Maóü̃gu naxãchiü̃ ga wüxi ga yatü ga muarü diẽruã́xü̃. Rü 3,000 nixĩ ga norü carnérugü rü 1,000 nixĩ ga norü cabragü. Rü ĩane ga Carméxwa nüxü̃́ nayexma ga norü taxepataxü̃. Rü yéma nixĩ ga norü carnéru tüxü̃ ínayoü̃ta̱xaxü̃.

Wiyaegü 46:6

Rü ngẽma nachixü̃anegü rü nügümaxã nanue rü nügü naxãxũnegü. Natürü ngẽxguma Tupana idexagu rü ngẽma ãẽ̱xgacügü rü nidu̱xrue rü ngẽma waixü̃mü rü inachaxichi.

Yeremía 28:8

“Rü yema orearü uruü̃gü ga nüxíra yexmagüxü̃ naxü̃pa nax ibuexü̃ ga cuma rü choma rü yemagü rü duü̃xü̃güca̱x nanaxunagü ga dai rü taxü̃ ga guxchaxü̃gü rü da̱xaweanegü naxca̱x ga muxü̃ma ga nachixü̃anegü rü norü ãẽ̱xgacügü ga poraexü̃.

Ochéa 11:10

Rü choma rü ñoma wüxi i leóü̃rüxü̃ tá chataga rü chorü duü̃xü̃gü rü tá chauga naxĩnüe. Rü ngẽxguma tagaãcü naxca̱x chacaxgu rü nümagü rü nidu̱xruãcüma tá oéstewaama ne naxĩ.

Joel 1:19

Rü cuxna chaca, Pa Corix, erü yima maxẽgü i ngextá taxúema íxãpataxü̃wa rüxügücü, rü ñu̱xũchi ngẽma naigü i naanewa rüxügüxü̃ rü üxüxü̃ ínanagu.

Wiyaegü 29:4

Rü naga ya Cori ya Tupana rü napora rü guxü̃wama nangu.