Aguéu 2:6 - Tupanaarü Ore

^6-8 Erü íxraxü̃ nataxu nax chanaxĩã̱xãchixẽẽxü̃ i daxũguxü̃ i naane, rü ñoma i naane, rü ngẽma már, rü ngẽma waixü̃müane. Rü ngẽmaãcü tá chanamuü̃exẽxẽ i guxü̃ma i nachixü̃anegü. Rü ngẽma togü i nachixü̃anegüarü duü̃xü̃gü rü nua tá nanana i norü diẽrugü rü úirugü. Rü ngẽmaãcü ya daa chopata ya taxü̃ne rü tá namexẽchi. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma erü choxrü nixĩ i guxü̃ma i diẽrugü rü úirugü.

Aguéu 2:6 Referans Kwoze

Ichaía 10:25

Erü marü noxretama i ngunexü̃ nataxu nax naxca̱x íchananguxẽẽxü̃ i norü poxcu, rü ngẽma chorü numaxã tá chanadai.

Ngechuchuarü ngúexü̃gü ga yamugüxü̃arü puracüchiga 2:19

Rü daxũwa tá ichanawe̱x i taxü̃ i cua̱xruü̃gü i chorü poramaxã chango̱xẽẽxü̃. Rü ñoma i naanewa tá ichanawe̱x i cua̱xruü̃gü i nagü, rü üxüema, rü caixanexü̃.

Joel 3:16

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü ngẽma naga rü ñoma duruanexü̃rüxü̃ nixĩ. Rü ngẽxguma i ngẽma daxũguxü̃ i naane rü ñoma i naane rü nidu̱xru. Natürü i nüma ya Cori ya Tupana rü wüxi i poxü̃ruxü̃ nixĩ naxca̱x i Iraétanüxü̃ i norü duü̃xü̃gü ixĩgüxü̃.

Ichaía 29:17

Rü ngẽma Líbanuarü naixnecü rü paxa tá naane i toewa mexü̃xü̃ nayanguxuchi. Rü ngẽma naane i toewa mexü̃ rü naixnecüxü̃ tá nayanguxuchi.

Popera ga Yudíugü ga yaxõgüxü̃ca̱x ümatüxü̃ 10:37

Erü Tupanaarü ore i ümatüxü̃wa rü ñanagürü: “Paxa tá wena núma naxũ ya Cristu. Rü taxũtáma nũxcü ínangu.

Echequié 38:20

Rü ngẽma ngunexü̃gu rü ngẽma choxnigü i márwa ngẽxmagüxü̃, rü werigü i dauxü̃wa ngẽxmagüxü̃, rü naeü̃gü i düraexü̃, rü naeü̃gü i waixü̃müanegu nügü itúgüxü̃ rü tá chope̱xewa nidu̱xruxe. Rü ngẽxgumarüxü̃ ta i guxü̃ma i duü̃xü̃gü i ñoma i naanecüã̱xgü rü tá chope̱xewa nidu̱xruxe. Rü yima ma̱xpǘnegü rü tá nabu, rü yima nutagü rü tá nidigü. Rü guxü̃ma i ngẽma ĩanegüarü poxeguxü̃gü rü tá niwa̱xgü.

Yeremía 51:33

Erü nüma ya Cori ya Guxãétüwa Ngẽxmacü ya Iraétanüxü̃güarü Tupana ixĩcü rü ñanagürü: “Yima Babirónia ga noxri mexẽchine rü ñu̱xma rü tá ñoma tríguarü pu̱xgüchicarüxü̃ tá nixĩ. Rü ñu̱xma rü marü naxca̱x ínangu nax yabuxgüãxü̃ i norü trigu” —ñanagürü.

Ichaía 34:4

Rü yimá üa̱xcü rü tauemacü rü ẽxtagü rü tá inadexgü. Rü ngẽma ya̱u̱xtüweanexü̃ rü ñoma wüxi i poperarüxü̃ tá nadixcumü. Rü yima ẽxtagü rü tá narüyi. Rü ñoma úbaatügü i paxü̃ rüyi̱xü̃rüxü̃ tá nixĩgü. Rü ngẽma iguatügü i paxü̃ rüyi̱xü̃rüxü̃ tá nixĩgü.

Wiyaegü 37:10

Rü paxa tá inayarüxo i ngẽma chixexü̃ ügüxü̃. Rü woo tá naxca̱x cuda̱u̱xgu rü taxugutáma nüxü̃ icuyangau.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:9

Rü tomaepü̱x i ngunexü̃arü ngãxü̃ rü naguxü̃raü̃xü̃ i ĩanegücüã̱x, rü naguxü̃raü̃xü̃ i duü̃xü̃gütücumü, rü naguxü̃raü̃xü̃ i duü̃xü̃gü i to i nagawa idexagüxü̃, rü naguxü̃raü̃xü̃ i nachixü̃anecüã̱x rü tá nüxü̃ nadaugü i naxü̃negü. Rü taxũtáma nanaxwa̱xegü nax texé inata̱xgüxü̃.

Yox 9:6

Rü núma ya Tupana rü nayaxĩã̱xcüüxẽxẽ i ñoma i naane rü nayadu̱xruxẽxẽ i ngẽma natüxü̃wa ngẽxmaxü̃.

Wiyaegü 18:7

Rü yexguma rü poraãcü naxĩã̱xãchiane. Rü guma ma̱xpǘnegü rü naxĩã̱xãchitanü. Rü Cori ya Tupanaarü numaxã nixĩãtanücüxü.

Ichaía 2:19

Rü ngẽxguma Cori ya Tupana inaxügügu nax yaxĩã̱xcüüxẽẽãxü̃ i ñoma i naane, rü ngẽma duü̃xü̃gü i chixexü̃ ügüxü̃ rü norü muü̃maxã tá nutaarü ãxmaxü̃gu rü waixü̃müarü ãxmaxü̃gu nicu̱xgü na̱xcha̱xwa ya Cori ya Tupana ya üünecü rü poraãcü ãũcümacü.

Ichaía 13:13

Rü ngẽxguma tá nawa nanguxgu i ngẽma ngunexü̃ rü choma rü chorü numaxã tá chayadu̱xruxẽxẽ i daxũguxü̃ i naane. Rü chorü nugagu rü ñoma i naane rü tá nixũgachi i nachicawa.

Yeremía 33:14

Rü Cori ya Tupana rü ñanagürü: —Nawa tá nangu i ngunexü̃ i nagu tá chayanguxẽxẽxü̃ i chorü uneta nax nüxü̃ charüngü̃xẽxẽxü̃ i chorü duü̃xü̃gü i Iraéanecüã̱xgü rü Yudáanecüã̱xgü.

Echequié 38:19

Rü chauégagu nüxü̃ chixu rü ngẽma ngunexü̃gu rü chorü numaxã tá nangẽxma i wüxi i taxü̃ i ĩã̱xãchiane i Iraéanewa.