Biblia Todo Logo
Bib sou entènèt

- Piblisite -




Aguéu 2:4 - Tupanaarü Ore

4 ¡Natürü nataãxẽ, Pa Chorobabé! ¡Rü nataãxẽ, Pa Yochué ya Chacherdótegüarü Ãẽ̱xgacüx! ¡Rü petaãẽgü Pa Guxü̃ma i Duü̃xü̃güx! ¡Rü pora pexüe rü pepuracüe! Erü choma ya perü Cori ya Tupana rü pexü̃tawa changexma.

Gade chapit la Kopi




Aguéu 2:4
20 Referans Kwoze  

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.


Rü nüma ya Cori ya Tupana ya Guxãétüwa Ngẽxmacü rü ñanagürü pexü̃: —Pema rü yexguma noxritama nanucugu ga guma nutagü ga chopata ya taxü̃nearü ügü rü yexgumaxü̃cüxütama nixĩ ga nüxü̃ pexĩnüexü̃ ga chauga ga chorü orearü uruü̃güwa pemaxã nüxü̃ chixuxü̃. ¡Rü ñu̱xma rü pora pexüe nax mea peyanguxẽẽxü̃ca̱x i ngẽma puracü!


Rü choma nixĩ i cuxü̃ chamuxü̃ nax cugü cuporaxẽẽxü̃ca̱x Rü tama name i cumuü̃xü̃ rü icuyarümaãchi, erü choma ya curü Cori ya Tupana rü tá cuxü̃tawa changexma i ngextá cuma ícuxũxü̃wa —ñanagürü ga Tupana.


Rü nüma ga Dabí rü yexeraãcü niporachigü. Rü nüma ga Cori ya Tupana ya Guxü̃étüwa Ngẽxmacü rü nüxü̃ narüngü̃xẽxẽ.


Rü nüma ya Cori ya Tupana rü Yochué ga Núü̃ nanemaxã nüxü̃ nixu i ñaa ucu̱xẽ rü ñanagürü nüxü̃: —¡Napora rü taxṹ i cumuü̃xü̃! Erü cuma tá nixĩ i cuyachocuxẽẽxü̃ i ngẽma Iraétanüxü̃ nawa i ngẽma naane i nüxü̃ chixuxü̃ nax noxrügü tá yixĩxü̃. Rü choma rü tá cuxü̃ chaxümücü —ñanagürü.


Rü ñu̱xma, Pa Chaune, Pa Timutéux, ¡rü cugü naporaxẽxẽ namaxã i ngẽma pora ya Ngechuchu ya Cristu tüxna ãxü̃!


Rü guxü̃táma mea cuxü̃́ inixũ i ngẽxguma tá cuyanguxẽẽgu i ngẽma norü mugü rü norü ucu̱xẽgü ga Cori ya Tupana Moichémaxã nüxü̃ ixuxü̃ naxca̱x ga Iraétanüxü̃. ¡Ẽcü pora naxü rü cugü naporaxẽẽama! ¡Rü taxṹ i curümaãchixü̃! ¡Rü taxṹ i cumuü̃xü̃!


Natürü tórü Cori choxü̃ naporaxẽxẽ rü choxü̃́ nanatauxchaxẽxẽ nax mea nüxü̃ chixuxü̃ca̱x ga norü ore i mexü̃ i tüxü̃ maxẽxẽẽxü̃. Rü yemaacü guxü̃ma ga yema duü̃xü̃gü ga tama Yudíugü ixĩgüxü̃ ga yéma yexmagüxü̃ rü nüxü̃ naxĩnüe ga yema ore. Rü yemaacü tórü Cori ya Ngechuchu choxna nadau nax tama yu chomaxã naxueguxü̃ca̱x.


Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.


¡Rü pexuãxẽgü nax taxuxü̃ma i chixexü̃gu peyixü̃ca̱x! ¡Rü meama peyaxõgüama woo ta̱xacü pexü̃ üpetügu! Rü name nixĩ i peporaeama rü taxuca̱xma pemuü̃e.


Rü yexguma ga nüma ga Aguéu ga Cori ya Tupanaarü orearü uruxü̃, rü Cori ya Tupanaégagu duü̃xü̃gümaxã nidexa rü ñanagürü: —Nüma ya Cori ya Tupana rü ñanagürü pexü̃: “Choma ya Cori ya Tupana rü pexü̃tawa changexma” —ñanagürü.


Rü yema 12 ga Acóbu nanegü ga tórü o̱xigü ixĩgüxü̃tanüwa rü wüxi rü Yúche nixĩ. Natürü naenexẽgü ga gumá Yúche rü nixãũxãchie. Rü yemaca̱x Equítuarü naanewa ĩxü̃ ga taxetanüxü̃xü̃ Yúchemaxã nataxegü nax Equítuarü naanewa nagagüãxü̃ca̱x. Natürü Tupana rü Yúchemaxã nayexma, rü nüxü̃ narüngü̃xẽxẽ ga yexguma guxchaxü̃wa nayexmagu. Rü nüma ga Tupana rü Yúchena nanaxã ga cua̱x, rü yemaca̱x ga Equítuanearü ãẽ̱xgacü ga Faraóü̃ rü Yúchemaxã nataãxẽ. Rü nüma ga Faraóü̃ rü ãẽ̱xgacüxü̃ nayangucuchixẽxẽ nax napatamaxã rü guxü̃ma ga yema nachixü̃anemaxã inacuáxü̃ca̱x.


Rü nümagü ga norü ngúexü̃gü rü inaxĩãchi nax guxü̃wama nüxü̃ yanaxugüexü̃ ga ore i mexü̃. Rü nüma ga Cori rü nüxü̃ narüngü̃xẽxẽ, rü nanango̱xẽxẽ nax aixcüma yixĩxü̃ ga yema ore, yerü wüxigu namaxã napuracü nax naxügüã̱xü̃ca̱x ga mexü̃gü ga taxü̃gü ga Tupanaarü poramaxã naxügüxü̃.


¡Rü cugü írüpora rü taxṹ i cugü cutaeguxü̃! Erü cuma tá nixĩ i nüxü̃ cuyanuxü̃ i norü naane i ñaa duü̃xü̃gü, yerü yema nixĩ ga perü o̱xigümaxã nüxü̃ chixuxü̃.


Rü nüma ga Tupana rü nanangãxü̃, rü ñanagürü: —Choma rü tá chacuxü̃tagu. Rü ñaa tá nixĩ i cua̱xruxü̃ nax chomatama cuxü̃ ngéma chamuxü̃. Rü ngẽxguma tá Equítuanewa marü ícunanguxü̃ẽẽgu i chorü duü̃xü̃gü, rü guxãma i pema rü daa ma̱xpǘnewa tá choxü̃ peyarücua̱xüü̃gü —ñanagürü.


Rü yexguma ga wüxi ga norü duü̃xü̃ rü ñanagürü: —Choma nüxü̃ chadau i wüxi i Ichaxí nane i Beréü̃wa ngẽxmaxü̃, rü meama paxetaxü̃ nacua̱x. Rü ñu̱xmachi wüxi i poracü nixĩ i daiwa rü nüxü̃ cuácü nixĩ ega yadexaxgu. Rü nüma rü mecü nixĩ rü Cori ya Tupana nüxü̃ rüngü̃xẽẽcü nixĩ —ñanagürü.


Rü yexguma Cori ya Tupana yamucuchixü̃gu ga ãẽ̱xgacü ga namaxã icuáxü̃, rü nüma ga Tupana rü nüxü̃ narüngü̃xẽxẽ ga yema ãẽ̱xgacü, rü yema Iraétanüxü̃xü̃ ínanguxü̃xẽxẽ naxme̱xwa ga norü uanügü. Yerü nüma ga Tupana rü yexguma nüxü̃ naxĩnügu ga nax naxauxexü̃ ga yema duü̃xü̃gü nagagu ga yema guxchaxü̃gü ga yangegüxü̃, rü nüxü̃́ nangechaü̃tümüxü̃gü.


Rü yexguma ga Chorobabé ga Charatié nane rü Yochué ga Yochadáx nane rü wenaxarü inanaxügüe nax nawa napuracüexü̃ ga Tupanapata ga taxü̃nearü mexẽxẽ ga Yerucharéü̃wa. Rü nüma ga Tupanaarü orearü uruü̃gü rü ta nüxü̃ narüngü̃xẽẽgü.


Rü yema chacherdótegü ga to ga nachixü̃anecüã̱x ga ngexü̃gümaxã ixãxma̱xgüxü̃ rü ñagü nixĩgü: Yochadáx nane ga Yochuétaagü rü naenexẽgü ga Maachía rü Eriéche rü Yaríx rü Guedaría.


Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.


Swiv nou:

Piblisite


Piblisite