Aguéu 2:3 - Tupanaarü Ore

³ —¿Texé i petanüwa rü nüxna cua̱xãchixü̃ ga nax nañuxraxü̃xü̃ ga chopata ga taxü̃ne ga noxrix? Rü guma rü namexẽchi. Natürü ñu̱xma nax nüxü̃ pedauxü̃ rü taxuwama name.

Aguéu 2:3 Referans Kwoze

Édra 3:12

Rü muxü̃ma ga yema chacherdótegü rü Lebítanüxü̃ rü ãẽ̱xgacügü ga iyaxü̃ ga marü nüxü̃ daugüxü̃ ga guma nüxíraxü̃ne ga Tupanapata ga taxü̃ne, rü yemagü rü tagaãcü naxauxe, yerü nüxü̃ nadaugü ga wena nax inaxügüxü̃ ga guma yexwaca̱xü̃ne ga Tupanapata ga taxü̃ne. Rü yexgumarüxü̃ ta ga togü rü norü taãẽmaxã tagaãcü aita naxüe.

Echequié 7:20

Rü nümagü rü norü ngã̱xãẽruü̃gümaxã nügü nicua̱xüü̃gü rü yemawa nixĩ ga naxügüãxü̃ ga norü tupananetachicüna̱xãgü ga poraãcü ichixexü̃. Rü ngẽmaca̱x i choma rü tá guxchirexü̃ chayanguxuchixẽxẽ i ngẽma norü ngã̱xãẽruü̃gü.

Aguéu 2:9

Rü ñu̱xma nax wena namexẽẽxü̃ ya daa chopata ya taxü̃ne rü yexguma noxri naxü̱xguarü yexera tá namexẽchi. Rü ngẽxguma rü tá ichayanaxoxẽxẽ i guxü̃ma i nu i ñaa nachicawa, rü nua tá petaãẽgü. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:5

Rü nüma ga Dabí rü ñaxü̃gu narüxĩnü: —Yimá chaune ya Charomóü̃ rü nabumare, rü taxũta naãxẽxü̃ nacua̱x nax naxüaxü̃ ya yima Tupanapata ya taxü̃ne, erü yima napata tá ixĩxü̃ne rü tanaxwa̱xe nax nataxü̃ rü namexẽchixü̃, rü guxü̃ i nachixü̃anewa nanguchigaxü̃. Rü ngẽmaca̱x i ñu̱xma rü marü ichanaxügü nax chananutaque̱xexü̃ i guxü̃ma i ngẽmaxü̃gü i namaxã naxüxü̃ —ñaxü̃gu narüxĩnü. Rü yemaacü ga Dabí rü nananutaque̱xe ga guxü̃ma ga yemaxü̃gü naxü̃pa ga nax nayuxü̃.

Édra 3:11

Rü ñuxre ga nümagü rü nawiyaegü rü Tupanaxü̃ nicua̱xüü̃gü. Rü yema togü rü nanangãxü̃gü rü ñanagürügü: —¡Nüxna moxẽ pexã ya Cori ya Tupana erü nüma rü tamaxã namecüma rü ngẽma norü ngechaü̃ i taxca̱x rü taguma nagu̱x! —ñanagürügü. Rü guxü̃ma ga duü̃xü̃gü rü nataãẽgü, rü tagaãcü Cori ya Tupanaxü̃ nicua̱xüü̃gü, yerü marü inaxügü nax wena namexẽẽxü̃ ga Cori ya Tupanapata ga taxü̃ne.

Ichaía 64:10

Rü yima curü ĩanegü ya üünegüne rü nachica i taxúema nagu ãpataxü̃ nixĩgü. Rü Chióü̃ rü wüxi i chianexü̃ nixĩ. Rü Yerucharéü̃ rü nagu napogüe rü taxuwama name.