Aguéu 2:23 - Tupanaarü Ore

²³ Natürü i cuma nax chorü duü̃ quixĩxü̃, Pa Chorobabé i Charatié Nanex, rü ngẽma ngunexü̃gu rü choma rü tá cuxna chadau ngẽma chorü ãnera i chauéga nawa ngẽxmaxü̃rüxü̃, yerü choma nixĩ ga cuxü̃ chaxunetaxü̃. Rü choma i Cori ya Tupana ya Guxãétüwa Ngẽxmacü nixĩ i cumaxã nüxü̃ chixuxü̃ i ngẽma” —ñanagürü.

Aguéu 2:23 Referans Kwoze

Ichaía 43:10

Rü ñanagürü ta ga Tupana: —Pemax, Pa Iraétanüxü̃x, rü chorü duü̃xü̃gü pixĩgü rü nüxü̃ pedau ga yema choma chaxüxü̃. Rü choma rü pexü̃ chidexechi nax choxü̃ pecuáxü̃ca̱x rü choxü̃́ peyaxõgüxü̃ca̱x rü nüxü̃ pecuáxü̃ca̱x nax chaxicatama Tupana chixĩxü̃. Rü chauxü̃pa rü nataxuma ga to ga nüxíra Tupana ixĩxü̃ rü chauwena rü tagutáma nangẽxma i to.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Yeremía 22:24

Rü yexguma nayu̱xgu ga Yoaquíü̃ rü nane ga Yeconía nachicüxü Yudáanearü ãẽ̱xgacü ningucuchi. Rü Cori ya Tupana rü Yeconíaxü̃ ñanagürü: —Chauégagu cumaxã chanaxuegu rü woo nax ñoma wüxi i ãnera i chorü tügüneme̱xẽwa ixücuchixü̃rüxü̃ nax quixĩxü̃, rü tá cuxü̃ íchata̱xüchi nax ãẽ̱xgacü quixĩxü̃ nax ngẽmaãcü curü uanügü i nüxü̃ cumuü̃xüchixü̃güna cuxü̃ chamuxü̃ca̱x. Rü ngẽma Babiróniaanearü ãẽ̱xgacü i Nabucudonochóna, rü ñu̱xũchi ngẽma Cadéugüna tá cuxü̃ chamu.

Charumóü̃arü wiyae 8:6

¡Curü maxü̃newa choxü̃́ nangẽxmaxẽxẽ! ¡Rü cugüxü̃tawa choxü̃ nangẽxmaxẽxẽ ñoma wüxi i cua̱xruxü̃ i cuchacüüwa ngẽxmaxü̃rüxü̃! Erü ngẽma ngechaü̃ rü naporaxüchi ñoma yurüxü̃. Rü ngẽma ngúchaü̃ rü taxúema naxcha̱xwa tiña ñoma wüxi i naxmaxü̃rüxü̃. Rü ngẽma ngúchaü̃ rü ñoma wüxi ya üxü ya Tupana ngo̱xẽẽnerüxü̃ nixĩ.

Nüxíraxü̃xü̃ ga popera ga Pedru ümatüxü̃ 2:4

Rü ñu̱xma rü name nixĩ i nüxna pengaicamagü ya Cristu ya nuta ya maxü̃cü. Rü duü̃xü̃gü nüxü̃ oecü, natürü Tupanaca̱x rü namexẽchi rü natatanü. Rü yimá nixĩ ya Tupana nayaxucü nax namaxã inaxügüãxü̃ca̱x ya napata.

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Ore i mexü̃ ga Matéu ümatüxü̃ 12:18

“Daa nixĩ ya chorü duü̃ ya chomatama nüxü̃ chaxunetacü rü nüxü̃ changechaü̃cü rü namaxã chataãẽxü̃chicü. Rü nüxna tá chanamu i Chauãxẽ i Üünexü̃. Rü nüma rü ngẽma duü̃xü̃gü i tama Yudíugü ixĩgüxü̃maxã tá nüxü̃ nixu i ore i mexü̃ i aixcüma ixĩxü̃.

Ichaía 49:16

Rü yima perü ĩane ya Yerucharéü̃ rü cho̱xme̱xgu naxümatü i naéga, rü taguma nüxü̃ icharüngüma i ngẽma norü poxeguxü̃tápü̱x.

Wiyaegü 65:5

Pa Tupana Pa Torü Maxẽxẽẽruxü̃, cuma rü tomaxã quixaixcüma rü toxü̃ cungãxü̃ namaxã i ngẽma mexü̃gü i curü poramaxã cuxüxü̃. Rü woo ñaa naane iyacuáxü̃wa ngẽxmagüxü̃ i duü̃xü̃gü rü cuxü̃́ nayaxõgü. Rü woo már arü tocutü i yáxü̃guxü̃wa ngẽxmagüxü̃ i duü̃xü̃gü rü cuxü̃́ nayaxõgü.