Aguéu 2:14 - Tupanaarü Ore

¹⁴ Rü yexguma ga nüma ga Aguéu rü ñanagürü: —Cori ya Tupana rü ñanagürü: “Rü ngẽmatama nüxü̃ nangupetü i ñaa duü̃xü̃gü i chope̱xewa ixãũãchixü̃. Rü guxü̃ma i ngẽma choxna naxãgüxü̃ rü guxü̃ma i ta̱xacü i naxügüxü̃ rü chope̱xewa rü nixãũãchi.

Aguéu 2:14 Referans Kwoze

Popera ga Títoca̱x naxümatüxü̃ ga Pauru 1:15

Rü yíxema aixcüma Tupanaaxü̃́ yaxṍxe rü guxü̃guma mexü̃gu tarüxĩnü. Natürü ngẽma tama Tupanaaxü̃́ yaxõxü̃, rü taxucürüwa mexü̃gu narüxĩnü erü norü ĩnü rü naxãũãchi rü naãxẽwa chixexü̃gu narüxĩnü.

Ucu̱xẽgüchiga 28:9

Yíxema tama naga ĩnüxe i Tupanaarü mugü, rü nüma ya Tupana rü taxũtáma tüxü̃́ nüxü̃ naxĩnü i tümaarü yumüxẽ.

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Popera ga Yúda ümatüxü̃ 1:23

Rü togü, ¡rü norü pecaduwa ípenatúxü̃ nax namaxẽxü̃ca̱x rü tama yima üxü ya taguma ixoxü̃newa yawocuxü̃ca̱x! ¡Rü pexü̃́ nangechaü̃tümüxü̃gü i ngẽma tama yaxõgüxü̃! ¡Natürü pegüna pedaugü nax tama norü chixexü̃gu peyixü̃ca̱x! ¡Rü nüxü̃ pixo i nacüma i chixexü̃ rü woo naxchiru i norü chixexü̃maxã ãũãchixü̃!

Ucu̱xẽgüchiga 21:27

Nüma ya Cori ya Tupana, rü tama namaxã nataãxẽ i ngẽma chixexü̃gu maxẽxü̃arü ãmaregü, erü tama mexü̃ i ĩnümaxã nüxna nanaxãgü.

Ucu̱xẽgüchiga 21:4

Nangexma i tomaepü̱x i nacümagü ya Tupana tama namaxã taãẽxü̃: Ngẽma nixĩ nax yigü icua̱xüü̃xü̃, rü yigü ixuxü̃ nax togüarü yexera cua̱x tüxü̃́ ngẽxmaxü̃, rü chixexü̃gu imaxẽxü̃.

Ochéa 9:4

Rü ngéma rü tá pexü̃́ nataxu i bínu nax Tupanaarü ãmareétügu penabaxü̃ca̱x. Rü ngẽma íxraxü̃ i paũ i pengṍxü̃ rü ngechaü̃ãcü tá penangõ̱x ñoma texé yu̱xgurüxü̃. Rü texé ya yíxema nangõ̱xgüe rü tá Tupanape̱xewa tixãũãchi rü taxucürüwama Tupanapata ya taxü̃newa tangugü.

Ichaía 66:3

Natürü ngẽma duü̃xü̃gü i chixexü̃gu maxẽxü̃ rü nanaxügü i ngẽma nümatama nagu naxĩnüexü̃. Rü ngẽxguma cha̱u̱xca̱x yama̱xgüãgu i wüxi i woca i yatüxü̃ rü cha̱u̱xca̱x rü ñoma wüxi ya duü̃xẽ tüxü̃ yama̱xgüxü̃rüxü̃ nixĩgü. Rü ngẽxguma cha̱u̱xca̱x yama̱xgüãgu i wüxi i carnéru rü cha̱u̱xca̱x rü ñoma wüxi ya airu cha̱u̱xca̱x yama̱xgüãxü̃rüxü̃ nixĩgü. Rü ngẽxguma choxna naxãgüãgu i norü ãmare i trigu rü cha̱u̱xca̱x ñoma cuchiarü nagü choxna naxãgüxü̃rüxü̃ nixĩgü. Rü ngẽxguma pumarate̱xe cha̱u̱xca̱x yagugügu rü cha̱u̱xca̱x ñoma wüxi i naxchicüna̱xãca̱x yagugüãxü̃rüxü̃ nixĩgü. Rü ngẽma duü̃xü̃gü i ngẽma ügüxü̃ rü taãẽãcü nanaxü i guxü̃ma i ngẽma chixexü̃.