Aguéu 2:10 - Tupanaarü Ore

^10-12 Rü gumátama norü taxre ga taunecü ga nagu ãẽ̱xgacü yixĩxgu ga Daríu, rü norü 9 ga tauemacüarü 24 ga ngunexü̃gu, rü nüma ga Cori ya Tupana rü norü orearü uruxü̃ ga Aguéumaxã nidexa. Rü nüma ga Cori ya Tupana ya Guxãétüwa Ngẽxmacü rü Aguéuxü̃ namu nax naégagu chacherdótegüna naca̱xaxü̃ca̱x nachiga ga yema norü mugü, rü ñanagürü: —Rü ngẽxguma chi wüxi ya yatü rü naxchirumaxã nuquexãcüma yangeãgu i namachi i Tupanana naxãgüxü̃, rü chi ngẽma naxchiru i nagu yangeãxü̃ rü paũmaxã, rüe̱xna namachimaxã, rüe̱xna bínumaxã, rüe̱xna chíxü̃maxã rüe̱xna ngexü̃rüü̃xü̃ i tomare i õnamaxã yanañagu i ngẽma naxchiru, ¿rü chi ngẽmaca̱x marü naxüünexü̃ i ngẽma õna? —ñanagürü. Rü yema chacherdótegü nanangãxü̃gü rü ñanagürügü: —Tama —ñanagürügü.

Aguéu 2:10 Referans Kwoze

Aguéu 2:20

Rü gumatama tauemacüarü 24 ga ngunexü̃gu rü Cori ya Tupana rü wena Aguéumaxã nidexa rü ñanagürü: —¡Chorobabé i Yudáanearü ãẽ̱xgacü ixĩcümaxã nüxü̃ ixu i ñaa ore i ñaxü̃! “Choma rü tá chanaxĩã̱xãchixẽxẽ i daxũguxü̃ i naane rü ñoma i naane.

Aguéu 1:1

Rü yexguma taxre ga taunecü ãẽ̱xgacü yixĩxgu ga Daríu, rü norü 6 ga tauemacüarü ügügu, rü nüma ga Cori ya Tupana rü norü orearü uruxü̃ ga Aguéuwa nidexa. Rü nüxna nanaxã ga ore ga Yudáanecüã̱xarü ãẽ̱xgacü ga Chorobabé ga Charatié naneca̱x ixĩxü̃ rü chacherdótegüarü ãẽ̱xgacü ga Yochué ga Yochadáx naneca̱x ixĩxü̃.

Aguéu 1:15

Rü yexguma taxre ga taunecü Pérchiaarü ãẽ̱xgacü yixĩxgu ga Daríu, rü meama norü 6 ga tauemacüarü 24 ga ngunexü̃gu nixĩ ga inaxügüãxü̃ ga nax wena namexẽẽgüãxü̃ ga guma Tupanapata.

Aguéu 2:18

Rü ñu̱xma daa taunecüarü 9 ya tauemacüarü 24 i ngunexü̃gu nixĩchire̱x i ipenaxügüxü̃ nax penanucuxü̃ ya yimá nutagü ya namaxã inaxügüne ya chopata ya taxü̃ne. ¡Rü dücax, rü mea penangugü! Rü woo i ñu̱xmax rü tama mea nixo i perü trigu, rü úbagü, rü igunecü, rü boxragü rü oribugü, natürü i ñu̱xmawena rü tá pexü̃ charüngü̃xẽxẽxü̃ rü tagutáma pexü̃́ nataxu i ngẽma penetügüarü o” —ñanagürü ya Tupana.

Chacaría 1:1

Rü yexguma marü taxre ga taunecü ãẽ̱xgacü yixĩxgu ga Daríu rü meama norü 8 ga tauemacügu, rü nüma ga Cori ya Tupana rü Chacaríamaxã nidexa. Rü nüma ga Chacaría rü Berequía nane nixĩ rü Idú nixĩ ga norü o̱xi. Rü Tupana rü ñanagürü nüxü̃: