Aguéu 1:9 - Tupanaarü Ore

⁹ Rü pemax rü poraãcü pepuracüe nax pexü̃́ nangẽxmaxü̃ca̱x i muxü̃ i perü nanetüarü o, natürü noxretama nixĩ i ngẽma pibuxgüxü̃. Rü ngẽma penetüarü o i pechiü̃gu namaxã penguxü̃xü̃ rü wüxi i cue ñaxü̃maxã ichayanatauxẽxẽ. ¿Rü tü̱xcüü̃ ngẽmaãcü nixĩ? Erü yima chopata rü naxtapü̱xica nügüétü nayi nax nachixexü̃ rü pemax rü pepataca̱xica pexoegaãxẽ. Rü choma ya Cori ya Tupana nixĩ i nüxü̃ chixuxü̃ i ngẽma.

Aguéu 1:9 Referans Kwoze

Aguéu 1:4

¿Ẽ̱xna pexicatama penaxwa̱xexü̃ nax mexü̃ne ya ĩpatawa pemaxẽxü̃, rü yoxni ya yima chopata ya taxü̃ne rü naxtapü̱x nügüétügu yixü̃ nax nachixexü̃?

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Aguéu 1:6

Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.

Ichaía 40:7

Rü ngẽma natüane rü nipa rü ngẽma putüra rü narüñe̱xẽxẽ ega Cori ya Tupana nagu cue ñaxgu. Rü ngẽxgumarüxü̃ ta nixĩ i duü̃xü̃güarü maxü̃ nax ñoma natüanerüxü̃ paxaãchica̱xmare yixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:4

Natürü nangẽxma i wüxi i cucüma i tama chorü me ixĩxü̃. Rü ngẽma nixĩ nax tama noxrirüxü̃ choxü̃ cungechaü̃xü̃.

Yox 10:2

¡Pa Tupanax, rü taxṹ i cuyachoguãchixẽxẽxü̃! ¡Rü chomaxã nüxü̃ ixu ega ta̱xacürü chixexü̃ cupe̱xewa chaxüxgu!

Norü taxre ga popera ga ãẽ̱xgacügüchiga 19:7

Rü dücax, choma rü tá nüxna chananguxẽxẽ i wüxi i chixexü̃ i ore i tá nachixü̃aneca̱x natáeguxẽẽxü̃ nax ngẽxma yama̱xgüãxü̃ca̱x!” —ñanagürü ga Ichaía.

2 Chamué 22:16

Rü Cori ya Tupana rü naga ga ãũcümaxü̃gagu rü yema poraãcü cue ñaxü̃gagu rü nangótama ga már rü nango̱x ga yema ñoma i naanearü aixepewa ngẽxmaxü̃.

2 Chamué 21:1

Yexguma Dabí ãẽ̱xgacü ixĩxgu rü 3 ga taunecü taiya nangu̱x. Rü nüma ga Dabí rü Cori ya Tupanamaxã nidexa. Rü nüma ga Cori ya Tupana rü Dabíxü̃ nangãxü̃ rü ñanagürü nüxü̃: —Ngẽma nax taiya ngúxü̃ rü nüma ga Chaú rü natanüxü̃ máetagüxü̃gagu nixĩ, yerü nanadai ga muxü̃ma ga Gabaóü̃cüã̱xgü —ñanagürü nüxü̃.

Ucu̱xẽgüchiga 27:20

Ngẽma yu rü ngẽma naxma̱xü̃, rü taguma nüxü̃́ tingu ega woo ñuxre ya duü̃xẽ yuegu. Rü ngẽxgumarüxü̃ ta nixĩ ya yima yatüxetü nax taguma nüxü̃́ yanguxü̃ nax nüxü̃́ nangúchaü̃xü̃ ega ta̱xacüxü̃ nada̱u̱xgu.

Ngu̱xẽẽtaeruü̃arü ore 1:8

Rü guxü̃ma i ta̱xacü i ñoma i naanewa ngẽxmaxü̃ rü duü̃xü̃gü rü nüxü̃ narüchau. Rü ngẽmaca̱x düxwa tama nachiga nidexagüchaü̃. Rü ngẽma duü̃xü̃gü nüxü̃ daugüxü̃, rü tama nüxü̃́ ningu nax namaxã nataãẽxü̃, rü yexera nüxü̃ nadaugüchaü̃ i to. Rü ngẽma duü̃xü̃gü nüxü̃ ĩnüexü̃, rü tama nüxü̃́ ningu nax namaxã nataãẽxü̃, rü yexera nüxü̃ naxĩnüechaü̃ i to.

Echequié 21:31

Rü ngẽma chorü nu rü tá cugu chananguxẽxẽ ñoma wüxi i üxüema i ãũcümaxü̃rüxü̃. Rü ngẽma duü̃xü̃gü i taxúema ngechaü̃güxü̃ rü máxwa̱xegüxü̃me̱xẽgu tá cuxü̃ changuxẽxẽ.

Lebítanüxü̃arü puracüchiga 19:25

Rü yimá norü wüxime̱e̱xpü̱x ya taunecügu tá nixĩ i marü namexü̃ nax penangṍxü̃ i ngẽma norü o. Rü ngẽmaãcü i ngẽma nanetü rü yexeraxacü tá namu i norü o. Erü choma nixĩ i perü Cori ya Tupana chixĩxü̃.

Wenaxarü naxümatü ga Tupanaarü mugü 28:38

Rü muxü̃ne ya nanetüchire tá ipetogü, natürü ngẽxguma naxügügu rü munü tá pexü̃́ nayawa. Rü ngẽmaca̱x noxretama i norü o tá peyaxu.

Ucu̱xẽgüchiga 11:24

Nangexma i duü̃xü̃gü i mecümaxü̃ i toguxemaxã ngauxü̃ i ngẽma nüxü̃́ ngẽxmaxü̃, rü ngẽma inaxãxü̃arü yexera tá nayauxgü. Rü nangẽxma i duü̃xü̃gü i aüexü̃, rü nümagü rü düxwa tá nangearü diẽruã̱xgü.

Ichaía 5:10

Rü tomaepü̱x i ectárea i úbanecüwa rü wüxi tátama i tü̃xü̃xãcu i bínu nawa ínanguxuchi. Rü 10 i choca i taxü̃xãcu i triguchire itogüxü̃ rü norü owa rü wüxi i chocaxãcu tátama nawa ínanguxuchi —ñanagürü ga Tupana.

Yeremía 12:13

Rü yema chorü duü̃xü̃gü rü trigu inatogü, natürü tuxumare nüxü̃́ narüxügü. Rü guxü̃ma ga norü puracügü rü natüca̱xmamare nixĩ. Rü taxuxü̃ma ga trigu nabuxgü nagagu ga yema chorü nu ga taxü̃ —ñanagürü.