Aguéu 1:6 - Tupanaarü Ore

⁶ Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.

Aguéu 1:6 Referans Kwoze

Aguéu 1:9

Rü pemax rü poraãcü pepuracüe nax pexü̃́ nangẽxmaxü̃ca̱x i muxü̃ i perü nanetüarü o, natürü noxretama nixĩ i ngẽma pibuxgüxü̃. Rü ngẽma penetüarü o i pechiü̃gu namaxã penguxü̃xü̃ rü wüxi i cue ñaxü̃maxã ichayanatauxẽxẽ. ¿Rü tü̱xcüü̃ ngẽmaãcü nixĩ? Erü yima chopata rü naxtapü̱xica nügüétü nayi nax nachixexü̃ rü pemax rü pepataca̱xica pexoegaãxẽ. Rü choma ya Cori ya Tupana nixĩ i nüxü̃ chixuxü̃ i ngẽma.

Ochéa 4:10

Rü ngẽma chacherdótegü rü marü choxna naxĩgü, rü ngẽmaca̱x rü woo nachibüegu rü tá nataiyaeama. Rü woo ngexü̃gü i ngĩxü̃nemaxã taxegüxü̃maxã namaxẽxü̃gu, rü tagutáma naxãxacügü.

Aguéu 2:16

¿Rü ta̱xacü yixĩxü̃ ga yema pexü̃ ngupetüxü̃? Rü yexguma texé petanüwa nagu rüxĩnügu rü tümaanewa rü 20 pü̱xü ga trigu tá tüxü̃́ ínanguxuchi, natürü yexguma tanabuxugu rü 10 püxü̃xicatama tüxü̃́ ínanguxuchi. Rü yexguma texé petanüwa nagu rüxĩnügu rü tümaanewa rü 50 ga tüxü̃ ga bínu tá tüxü̃́ ínanguxuchi natürü yexguma bínu taxü̱xgu rü 20 ga tüxü̃xicatama tüxü̃́ ínanguxuchi.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Ichaía 5:10

Rü tomaepü̱x i ectárea i úbanecüwa rü wüxi tátama i tü̃xü̃xãcu i bínu nawa ínanguxuchi. Rü 10 i choca i taxü̃xãcu i triguchire itogüxü̃ rü norü owa rü wüxi i chocaxãcu tátama nawa ínanguxuchi —ñanagürü ga Tupana.

Chacaría 8:10

Rü yexguma taxũta inaxügügu ga chopataarü puracü rü nataxuma i perü natanü naxca̱x i perü puracü rü perü wocagüarü puracü. Rü yema perü uanügügagu rü ãũcümaxü̃wa pengẽxmagü. Rü chomatama rü pegümaxã pexü̃ chanuexẽxẽ.

Chacaría 5:4

Rü ngẽma poxcu rü tá ngẽma ngĩta̱xagüxü̃patawa nangu rü ngẽma Tupanaégagu idorata̱xagüxü̃patawa nangu. Rü ngéma poxcu rü napatawa tá nangẽxma ñu̱xmatáta yanaxo ya yima napataarü omütagü rü nutagü. Rü Tupana ya Guxãétüwa Ngẽxmacü nixĩ i naxueguxü̃ i ngẽma —ñanagürü.

Yeremía 44:18

Natürü yexguma ítayachaxãchigu nax ngĩxca̱x tayaguxü̃ ga pumarate̱xe rü ngĩxna tanaxãxü̃ ga bínu ga “Dauxü̃guxü̃ i Naanearü Ãẽ̱xgacümaxã”, inaxugücü rü guxü̃ma toxü̃́ nataxu. Rü torü duü̃xü̃gü rü taiyamaxã nayue rü daigu nayue —ñanagürügü.

Yeremía 14:4

Rü yíxema naanewa puracüexe rü taxoegaãẽgü rü ãnemaxã tügü tidüxchíwegü, erü taguma napu, rü ngẽmaca̱x nipagüane.

Wiyaegü 107:34

Rü ngẽma mairaxü̃ i nanetü nawa baxcaxü̃ rü Tupana rü mairaxü̃ i chixexü̃xü̃ nananguxuchixẽxẽ nagagu i norü chixexü̃ i ngẽma duü̃xü̃gü i nagu ãchiü̃güxü̃.

Yox 20:28

Rü ngẽxguma Tupanaarü nu naétügu nguxgu, rü ngẽxma tá narüxo i guxü̃ma i nüxü̃́ ngẽxmaxü̃.

Yox 20:22

Rü ngẽxguma yexera namuarü ngẽmaxü̃ã̱xgu rü yexera tama nataãxẽ. Rü ngẽmagagu tá düxwa duü̃xü̃gü i chixexü̃arü üruxü̃me̱xẽgu nangu.

Nüxíraxü̃xü̃ ga popera ga ãẽ̱xgacügüchiga 17:12

Natürü ga ngĩma rü inangãxü̃ rü ngĩgürügü: —Cori ya Tupanaégagu cumaxã nüxü̃ chixu rü choxü̃́ nataxuma i paũ. Rü wüxime̱xẽãcu i trigute̱xexicatama choxü̃́ nangẽxma ya wüxi ya tü̃xü̃wa, rü íxraxü̃ i chíxü̃ i nachiü̃wa. Rü ngẽmaca̱x nixĩ i üxüta chayayaxuxü̃ nax íxraxü̃ i paũ chaxüxü̃ca̱x nüxü̃́ ya chaune rü chaugüca̱x rü ngẽmawena rü taiyamaxã tá tayue —ngĩgürügü.

2 Chamué 21:1

Yexguma Dabí ãẽ̱xgacü ixĩxgu rü 3 ga taunecü taiya nangu̱x. Rü nüma ga Dabí rü Cori ya Tupanamaxã nidexa. Rü nüma ga Cori ya Tupana rü Dabíxü̃ nangãxü̃ rü ñanagürü nüxü̃: —Ngẽma nax taiya ngúxü̃ rü nüma ga Chaú rü natanüxü̃ máetagüxü̃gagu nixĩ, yerü nanadai ga muxü̃ma ga Gabaóü̃cüã̱xgü —ñanagürü nüxü̃.

Lebítanüxü̃arü puracüchiga 26:26

Rü ngẽxguma guxchaxü̃ naxca̱x íchanguxẽẽgu i penetügü, rü tá nanoxretama i perü paũ. Rü 10 i ngexü̃gü rü wüxitama i paũarü guruü̃wa tá nayagugü i perü paũ. Rü ngẽma nax nanoxrexü̃ i perü paũ rü tá pexü̃ nixírachigü, rü ngẽmaca̱x taxũtáma pengãxpütüwegü.

Lebítanüxü̃arü puracüchiga 26:20

Rü natüca̱xmamare tá peanewa pepuracüe, erü taxũtáma ngẽma waixü̃müwa narüxü i penetügü. Rü ngẽma ori̱xgü i peanewa rüxügüxü̃ rü taxũtáma nixo.

Neemía 5:2

Yerü nümaxü̃ ga yema duü̃xü̃gü rü nügü nixu nax namuxacüxǘchixü̃ rü trigu nanaxwa̱xegüxü̃ nax tama taiyamaxã tayuexü̃ca̱x ga naxacügü.

Yeremía 12:13

Rü yema chorü duü̃xü̃gü rü trigu inatogü, natürü tuxumare nüxü̃́ narüxügü. Rü guxü̃ma ga norü puracügü rü natüca̱xmamare nixĩ. Rü taxuxü̃ma ga trigu nabuxgü nagagu ga yema chorü nu ga taxü̃ —ñanagürü.

Aguéu 1:5

Rü chomax ya Cori ya Tupana ya Guxãétüwa Ngẽxmacü rü pemaxã nüxü̃ chixu: “¡Mea nagu perüxĩnüe i pecümagü!”

Aguéu 1:7

Rü choma ya Cori ya Tupana ya Guxãétüwa Ngẽxmaxe, rü pemaxã nüxü̃ chixu: “¡Mea nagu perüxĩnüe i pecümagü!”

Aguéu 1:10

Rü ngẽmaca̱x nixĩ i tama pexca̱x chanapuxẽẽxü̃ rü ngẽma waixü̃mü rü tama mea pexü̃́ nayaxẽẽxü̃ i penetügü.

Aguéu 2:17

Rü yemaacü pexü̃ nangupetü yerü choma rü da̱xaweanegümaxã rü gáuxü̃pü̱xümaxã chanadai ga yema perü nanetügüarü o ga poraãcü naxca̱x pepuracüexü̃. Natürü ga pemax rü tama cha̱u̱xca̱x pewoegu ga yexguma. Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

Wenaxarü naxümatü ga Tupanaarü mugü 28:17

Rü perü pexchi rü tá nangeãcu, rü ngẽma curü mecha i trigu nawa cuñucharaxü̃wa rü tá nataxuma i trigute̱xe naxca̱x i perü paũ.

Ucu̱xẽgüchiga 11:24

Nangexma i duü̃xü̃gü i mecümaxü̃ i toguxemaxã ngauxü̃ i ngẽma nüxü̃́ ngẽxmaxü̃, rü ngẽma inaxãxü̃arü yexera tá nayauxgü. Rü nangẽxma i duü̃xü̃gü i aüexü̃, rü nümagü rü düxwa tá nangearü diẽruã̱xgü.