Ngechuchuarü ngúexü̃gü ga yamugüxü̃arü puracüchiga 9:4 - Tupanaarü Ore

⁴ Rü ñaxtüanegu nayangu ga Chauru, rü nüxü̃ naxĩnü ga wüxi ga naga ga nüxna cagüxü̃ ga ñaxü̃: —Pa Chaurux, Pa Chaurux, ¿tü̱xcüü̃ chowe quingẽchigü? —ñaxü̃.

Ngechuchuarü ngúexü̃gü ga yamugüxü̃arü puracüchiga 9:4 Referans Kwoze

Chacaría 2:8

Rü Tupana ya Guxãétüwa Ngẽxmacü nixĩ ya nua choxü̃ mucü nax nüxü̃ chixuxü̃ca̱x i norü ore nachiga i ngẽma nachixü̃anegü ga pexü̃ ígagüxü̃ perü yemaxü̃gümaxã. Rü Tupana rü ñanagürü: —Yíxema texé chorü duü̃xü̃güxü̃ dauxe, rü ñoma chauxetügu tarüxuxü̃rüxü̃ tixĩ. Rü ngẽmaca̱x i choma rü tá chanapoxcue i guxü̃ma i ngẽma nachixü̃anegü. Rü choma rü tá ngẽma norü mugüruü̃xü̃ chamu nax naxca̱x nangĩ̱xgüxü̃ca̱x i ngẽma nachixü̃anegüarü ngẽmaxü̃gü —ñanagürü ya Tupana. Rü ngẽmaãcü ya Tupana ya Guxãétüwa Ngẽxmacü rü tá inanawe̱x i norü pora. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

1 Corintios 12:12

Rü duü̃xü̃xü̃ne rü woo muxü̃gu nixüye, natürü wüxitama i naxü̃ne nixĩ. Rü ngẽxgumarüxü̃ ta i ngẽma Cristuaxü̃́ yaxõgüxü̃ rü woo namu, natürü wüxitama i naxü̃newa naxügü.

Romanos 11:22

Dücax, aixcüma namecüma ya Tupana. Natürü tama tüxü̃ naxüpetümare ya yíxema tama naga ĩnüxe. Rü nanapoxcue ga yema chixexü̃gu yixü̃, natürü pemaxã namecüma i pema ega naga pexĩnüegu rü aixcüma nüxü̃́ peyaxõgügu. Natürü ngẽxguma tama peyaxõgüechagu rü tama nüma naxwa̱xexü̃ãcüma pemaxẽgu, rü nüma rü pexü̃ rü tá ta naxo.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Naanearü ügüchiga 16:8

Rü ngĩxna naca rü ngĩxü̃ ñanagürü: —¿Pa Agá i Charáixü̃taxü̃x, ngextá ne cuxũ rü ngextá cuxũ i ñu̱xmax? —ñanagürü. Rü ngĩma rü inangãxü̃ rü ngĩgürügü: —Chixũ ngĩxna i chorü chiũra i Charái —ngĩgürügü.

Efesios 5:30

Rü guxãma i yixema nax yaxõgüxü̃ rü Cristuxü̃ne tixĩgü rü wüxigu naxü̃newa taxügü.

1 Corintios 4:7

Rü ñu̱xma rü cuxna chaca, ¿rü texé tixĩ ya yíxema togüarü yexera cuxü̃ ixĩxexẽ́xẽ? Rü guxü̃ma i ngẽma cuxü̃́ ngẽxmaxü̃ rü Tupana nixĩ ya cuxna naxãcü. Rü ñu̱xma nax Tupana cuxna naxãxü̃ i ngẽma cuxü̃́ ngẽxmaxü̃ ¿rü tü̱xcüü̃ cugü quicua̱xüxü̃ ñoma cumatama cugüna cunaxãxü̃rüxü̃?

Ore i mexü̃ ga Cuáü̃ ümatüxü̃ 21:15

Rü yexguma chibüewa yangugüguwena rü Ngechuchu rü Chimóü̃ ga Pedruna naca, rü ñanagürü: —Pa Chimóü̃ Pa Cuáü̃ Nanex, ¿aixcüma choxü̃ cungechaü̃xü̃ i ñaa cumücügüxü̃ nax cungechaü̃xü̃arü yexera? —ñanagürü. Rü Pedru nanangãxü̃, rü ñanagürü: —Ngü̃, Pa Corix, cuma nüxü̃ cucua̱x nax cuxü̃ changechaü̃xü̃ —ñanagürü. Rü Ngechuchu rü ñanagürü nüxü̃: —¡Nüxna nadau i chorü duü̃xü̃gü i ñoma carnéruxacügürüxü̃ ixĩgüxü̃! —ñanagürü.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Naanearü ügüchiga 3:9

Natürü nüma ga Cori ya Tupana rü gumá yatüca̱x naca. Rü nüxna naca rü ñanagürü: —¿Ngextá cungexma? —ñanagürü.

Ore i mexü̃ ga Cuáü̃ ümatüxü̃ 20:16

Rü yexguma ga Ngechuchu rü ñanagürü ngĩxü̃: —Pa Maríax —ñanagürü. Rü ngĩma rü naxca̱x idaueguãchi, rü Yudíugügawa ngĩgürügü nüxü̃: —Pa Rabúnix —ngĩgürügü. Rü ngẽma rü “Pa Ngúexẽẽruxü̃”, ñaxü̃chiga nixĩ.

Ore i mexü̃ ga Cuáü̃ ümatüxü̃ 18:6

Rü yexguma yema ñaxgu ga Ngechuchu: “Choma chixĩ”, ñaxgu, rü nügüweama nacaixü̃tanü ga yema churaragü, rü yexma nayayi.

Ore i mexü̃ ga Luca ümatüxü̃ 10:41

Natürü Ngechuchu rü ngĩxü̃ nangãxü̃, rü ñanagürü ngĩxü̃: —Pa Mártax, Pa Mártax, cuma rü poraãcü curü puracügu curüxĩnü, rü naxca̱x cuxoegaãxẽ.

Iraétanüxü̃arü muxchiga 16:45

—¡Pixĩgachi natanüwa i ngẽma duü̃xü̃gü, erü ñu̱xma tátama chanadai! —ñanagürü. Rü nüma ga Moiché rü Aróü̃ rü yexgumatama ñaxtüanegu nayangücuchitanü.

Ínachoxü̃xü̃chiga 3:4

Rü yexguma Cori ya Tupana nüxü̃ da̱u̱xgu ga yema chuchuxü̃eta ga iya̱u̱xraxü̃ca̱x nax yaxũxü̃ ga Moiché, rü nüma ga Cori ya Tupana rü yema chuchuxü̃etawa Moichéna naca, rü ñanagürü: —Pa Moichéx, Pa Moichéx —ñanagürü. Rü nüma ga Moiché rü nanangãxü̃, rü: —Daxe chixĩ —ñanagürü.

Ngechuchuarü ngúexü̃gü ga yamugüxü̃arü puracüchiga 5:10

Rü yexgumatama yu̱xcüma Pedrupe̱xegu iyangu. Rü yexguma nachocuxgu ga yema ngextü̱xüxü̃gü, rü yu̱xcüma ngĩxü̃ inayangaugü. Rü ngĩxü̃ nayauxgü, rü ngĩtexü̃tagutama ngĩxü̃ nayata̱xgü.

Ichaía 6:8

Rü yexguma rü nüxü̃ chaxĩnü ga naga ga Cori ya Tupana ga ñaxü̃: —¿Texéxü̃ tá ichamuãchixü̃ i ñu̱xmax? ¿Rü texé tá tixĩ ya yíxema tórü orearü ngeruxü̃ ixĩxẽ? —ñanagürü. Rü yexguma ga chomax rü chanangãxü̃ rü ñachagürü: —Daxe chixĩ, Pa Corix. Ẽcü, ¡choxü̃ inamuãchi! —ñachagürü.

Ngechuchuarü ngúexü̃gü ga yamugüxü̃arü puracüchiga 9:5

Rü Chauru nanangãxü̃, rü ñanagürü: —¿Rü texé quixĩ, Pa Corix? —ñanagürü. Rü nüma ga Cori rü nanangãxü̃ rü ñanagürü: —Choma nixĩ ya Ngechuchu, rü chowe nixĩ i quingẽchigüxü̃.