Ngechuchuarü ngúexü̃gü ga yamugüxü̃arü puracüchiga 9:32 - Tupanaarü Ore

³² Rü Pedru rü yema yaxõgüxü̃tanügu nixũgüchigü. Rü yema ĩane ga Lidágu ãchiü̃güxü̃ ga yaxõgüxü̃tanüwa rü ta nangu.

Ngechuchuarü ngúexü̃gü ga yamugüxü̃arü puracüchiga 9:32 Referans Kwoze

Ngechuchuarü ngúexü̃gü ga yamugüxü̃arü puracüchiga 9:13

Rü yexguma yemaxü̃ naxĩnügu ga Ananía, rü ñanagürü: —Pa Corix, muxü̃ma i duü̃xü̃gü chomaxã nüxü̃ nixu i ngẽma yatüchiga nax ñuxre i chixexü̃ i curü duü̃xü̃güca̱x ínanguxẽẽxü̃ i Yerucharéü̃wa.

Ngechuchuarü ngúexü̃gü ga yamugüxü̃arü puracüchiga 8:25

Rü Pedru rü Cuáü̃ rü yema Chamáriaanecüã̱x ga duü̃xü̃gümaxã nüxü̃ nixugüe ga Cori ga Ngechuchuchiga, rü namaxã nüxü̃ nixugüe ga Tupanaarü ore. Rü yemawena rü Yerucharéü̃ca̱x nawoegu. Rü namawa rü muxü̃ne ga Chamáriaanewa yexmane ga ĩanexacügüwa rü nüxü̃ nixuetanü ga Tupanaarü ore i mexü̃.

Filipenses 1:1

Pa Toenexẽgü ya Pirípuwa Ngẽxmagüxex, choma i Pauru rü namaxã i taenexẽ i Timutéu nixĩ i pexca̱x tanaxümatüxü̃ i ñaa popera. Rü toma rü Ngechuchu ya Cristuarü puracütanüxü̃ tixĩgü. Rü pexca̱x tanaxümatü i pema i yaxõgüxü̃arü ãẽ̱xgacügü nax pixĩgüxü̃, rü pema i Tupanapatawa ngü̃xẽẽruü̃gü nax pixĩgüxü̃, rü guxãma i pema ya Ngechuchu ya Cristuaxü̃́ yaxõgüxe.

Efesios 1:1

Pa Chauenexẽgü ya Epéchiuwa Ngẽxmagüxe, choma i Pauru pexca̱x chanaxümatü i ñaa popera. Rü choma nixĩ ya Tupana choxü̃ yaxuxü̃ nax Ngechuchu ya Cristu choxü̃ muxü̃ca̱x nax nüxü̃ chixuxü̃ca̱x i norü ore. Rü pexca̱x chanaxümatü i guxãma i pema ya Epéchiuarü ĩanewa ngẽxmagüxe ya Tupanaarü duü̃xü̃gü ixĩgüxe ya Ngechuchu ya Cristuaxü̃́ yaxõgüxe.

Ngechuchuarü ngúexü̃gü ga yamugüxü̃arü puracüchiga 26:10

Rü yemaca̱x nawe chingẽchigü ga yema yaxõgüxü̃ ga Yerucharéü̃wa yexmagüxü̃. Rü chacherdótegüarü ãẽ̱xgacügü choxna naxãgagü nax chanapoxcuexü̃ca̱x ga yema yaxõgüxü̃. Rü yexma chanapoxcue ga muxü̃ma. Rü yexguma chautanüxü̃ ga Yudíugü nadaixgu ga yema yaxõgüxü̃, rü choma rü chorü me nixĩ.

Ngechuchuarü ngúexü̃gü ga yamugüxü̃arü puracüchiga 9:41

Rü yexguma ngĩxme̱xgu nayayauxãchi, rü ngĩxü̃ inachixẽxẽ. Rü ñu̱xũchi naxca̱x naca ga yema yaxõgüxü̃ rü yema yutegüxü̃, rü maxü̃cü nüxü̃ ngĩxü̃ nawe̱x.

Ngechuchuarü ngúexü̃gü ga yamugüxü̃arü puracüchiga 8:14

Rü yema Ngechuchuarü ngúexü̃gü ga Yerucharéü̃wa yexmagüxü̃ rü yexguma nüxü̃ naxĩnüegu nax mea nayauxgüãxü̃ ga Tupanaarü ore ga Chamáriawa, rü yemaca̱x yéma nanamugü ga Pedru rü Cuáü̃.

Ngechuchuarü ngúexü̃gü ga yamugüxü̃arü puracüchiga 1:8

Natürü ngẽxguma pexna nanguxgu i Tupanaãxẽ ya Üünecü, rü tá pexü̃ naporaexẽxẽ. Rü tá ípechoxü̃ nax nüxü̃ peyarüxugüexü̃ca̱x i chauchiga i Yerucharéü̃wa, rü guxü̃ma i Yudéaanewa, rü Chamáriaanewa, rü ñu̱xmatáta guxü̃ i naanewa nangu —ñanagürü.

Ore i mexü̃ ga Matéu ümatüxü̃ 27:52

Rü yuetamaü̃gü rü ningẽnagü. Rü wena namaxẽ ga muxü̃ma ga duü̃xü̃gü ga yuechiréxü̃ ga Tupanaaxü̃́ yaxõgüxü̃.

Ucu̱xẽgüchiga 2:8

Rü tüxna nadau ya yíxema mexü̃ i nacümagu ĩxẽ, rü tüxü̃ ínapoxü̃ ya yíxema aixcüma naga ĩnüexe.

Wiyaegü 16:3

Rü ngẽma duü̃xü̃gü i cuxü̃́ yaxõgüxü̃ rü naporae, rü choma rü aixcüma namaxã chataãxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:12

Rü Epáa nanegü nixĩ ga Ébe rü Micháü̃ rü Chémex. Rü nüma ga Chémex nixĩ ga naxüaxü̃ ga ĩanegü ga Onó rü Lox namaxã ga norü ĩanexacügü.

Édra 2:33

Rü Loxcüã̱x rü Adíxcüã̱x rü Onócüã̱x rü 725 nixĩgü.

Neemía 7:37

Rü ĩanegü ga Loxcüã̱xgü rü Adíxcüã̱xgü rü Onócüã̱xgü rü 721 nixĩ.

Neemía 11:35

rü Loxgu, rü Onógu, rü yema doxonexü̃ ga Ngẽmaxü̃arü Üruü̃gügu ãégaxü̃gu naxãchiü̃gü ga yema Bẽyamíü̃tanüxü̃.

Ngechuchuarü ngúexü̃gü ga yamugüxü̃arü puracüchiga 9:33

Rü yexma nüxü̃ nayangau ga wüxi ga yatü ga Eneãgu ãégacü ga 8 ga taunecü norü pechicagu cacü, yerü nanawãĩxãchi.