Ngechuchuarü ngúexü̃gü ga yamugüxü̃arü puracüchiga 9:17 - Tupanaarü Ore

¹⁷ Rü gumá ĩpata ga Chauru nawa yexmanewa naxũ ga Ananía. Rü nagu naxücu, rü Chauruétügu naxǘxme̱x, rü ñanagürü nüxü̃: —Pa Chauenexẽ, Pa Chaurux, nüma ya Cori ya Ngechuchu ga gumá namawa cuxca̱x ngócü ga yexguma núma cuxũxgu, rü núma choxü̃ namu nax wenaxarü quidauuchixü̃ca̱x, rü cuxna nanguxü̃ca̱x i Naãxẽ ya Üünecü —ñanagürü.

Ngechuchuarü ngúexü̃gü ga yamugüxü̃arü puracüchiga 9:17 Referans Kwoze

Ngechuchuarü ngúexü̃gü ga yamugüxü̃arü puracüchiga 8:17

Rü yemaca̱x ga Pedru rü Cuáü̃ rü naétügu naxǘxme̱xgü ga yema yaxõgüxü̃, rü yexguma nanayauxgü ga Tupanaãxẽ ya Üünecü.

Ngechuchuarü ngúexü̃gü ga yamugüxü̃arü puracüchiga 6:6

Rü yema ngúexü̃gü ga Ngechuchu imugüxü̃xü̃tawa nanagagü. Rü nümagü rü naxme̱xgümaxã nüxü̃ yangõgüãcüma namaxã nayumüxẽgü.

Ngechuchuarü ngúexü̃gü ga yamugüxü̃arü puracüchiga 2:4

Rü guxü̃ma ga yema yexmagüxü̃ rü Tupanaãxẽ ya Üünecü nüxna nangu. Rü inanaxügüe nax to ga nagawa yadexagüxü̃ yema Naãxẽ ya Üünecü naxwa̱xexü̃ãcüma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:22

Rü ngẽxguma texéxü̃ quingucuchixẽẽchaü̃gu nax ngẽma yaxõgüxü̃arü ãẽ̱xgacü tixĩxü̃ca̱x, ¡rü taxṹ i cuñuxãẽxü̃ nax namaxã cuyumüxẽxü̃ i wüxi i duü̃xü̃ i tama nüxü̃ cucuáxü̃ i norü maxü̃! Natürü name nixĩ i noxri mea nagu curüxĩnü i ngẽma, erü ngürüãchi tá wüxi i duü̃xü̃ i pecadu üechaxü̃ quingucuchixẽxẽ, rü cugagu tá nixĩ, erü tama ícuxuãxẽ. ¡Rü mea cugüna nadau nax tama pecadugu cunguxü̃ca̱x!

Ngechuchuarü ngúexü̃gü ga yamugüxü̃arü puracüchiga 13:52

Natürü yema yaxõgüxü̃ ga guma ĩane ga Antioquíawa yexmagüxü̃ rü poraãcü Tupanamaxã nataãẽgü, rü Naãxẽ ya Üünexü̃ rü aixcüma nawa nayexma.

Popera ga Yudíugü ga yaxõgüxü̃ca̱x ümatüxü̃ 6:2

Rü ngẽxgumarüxü̃ ta taxuca̱xma tü̱xcüü̃ wena pexü̃ tangúexẽxẽ nax ñuxãcü Tupanaca̱x íibaiü̃xü̃ rü ñuxãcü duü̃xü̃güxü̃ ingógüãcüma namaxã iyumüxéxü̃. Rü ngẽxgumarüxü̃ ta taxuca̱xma tü̱xcüü̃ wena pexü̃ tangúexẽxẽ nax ñuxãcü tá wena namaxẽxü̃ i duü̃xü̃gü i yuexü̃ rü ñuxãcü naanearü gu̱xgu rü Tupana tá wüxichigü i duü̃xü̃güna ca̱xaxü̃ i norü maxü̃chiga.

Popera ga Filemúü̃ca̱x naxümatüxü̃ ga Pauru 1:16

Natürü i ñu̱xma rü tama ngexü̃rüüxü̃mare i curü mugüruü̃mare nixĩ, erü wüxi i curü mugüruü̃arü yexera nixĩ i ñu̱xmax, erü taenexẽ i nüxü̃ ingechaü̃xü̃ nixĩ. Rü aixcüma poraãcü nüxü̃ changechaü̃ i chomax, natürü chanaxwae i cuma rü yexeraãcü nüxü̃ cungechaü̃. Erü ñu̱xma rü tama wüxi i curü mugüruü̃mare nixĩ, natürü wüxi i cuenexẽ i tórü Coriaxü̃́ yaxõxü̃ nixĩ i ñu̱xmax.

Norü taxre ga popera ga Timutéuca̱x naxümatüxü̃ ga Pauru 1:6

Rü ngẽmaca̱x cumaxã nüxü̃ chixu nax cugü cuporaxẽẽxü̃ nax yexeraãcü cunaxüamaxü̃ca̱x i ngẽma Tupanaarü puracü ga naxca̱x cuxna naxããxü̃ ga cua̱x ga yexguma noxri cuétü chaxǘxme̱xãcüma cumaxã chayumüxẽgu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:14

Rü tama name i nüxü̃ curüngü̃ma i ngẽma cua̱x ga Tupana cuxna ãxü̃ ga yexguma yema yaxõgüxü̃arü ãẽ̱xgacügü cuétü üxme̱xgüãcüma cumaxã nüxü̃ yaxugügu nax Tupana cuxna naxãxü̃ ga yema cua̱x.

1 Corintios 15:47

Gumá nüxíraü̃cü ga yatü ga waixü̃müwa ücü, rü ñoma ga naanecüã̱x nixĩ. Natürü tórü Cori ya Cristu rü daxũguxü̃ i naanecüã̱x nixĩ.

1 Corintios 15:8

Rü düxwa chowa inayacua̱x ga cha̱u̱xca̱x rü ta nax nangóxü̃, woo ngürüãchimare nixĩ ga yema, ngẽxgumarüxü̃ i wüxi i buxü̃ i taxũtáma norü ngunexü̃wa nanguyane buxü̃rüxü̃.

Romanos 15:7

Rü ngẽmaca̱x, yema Cristu pexü̃ nax dexü̃rüxü̃ rü name nixĩ i wüxichigü mea pegü peyaxu nax ngẽmaãcü Tupanaxü̃ yacua̱xüü̃güxü̃ca̱x i duü̃xü̃gü.

Ngechuchuarü ngúexü̃gü ga yamugüxü̃arü puracüchiga 26:15

Rü choma chanangãxü̃, rü ñacharügü: “¿Texé quixĩ, Pa Corix?” ñacharügü. Rü nüma ga Cori rü ñanagürü choxü̃: “Choma nixĩ ya Ngechuchu rü chorü duü̃xü̃gü nixĩ i ngẽma nawe quingẽchigüxü̃.

Ngechuchuarü ngúexü̃gü ga yamugüxü̃arü puracüchiga 21:20

Rü yexguma Pauruarü orexü̃ naxĩnüegu ga yema yaxõgüxü̃arü ãẽ̱xgacügü, rü Tupanaxü̃ nicua̱xüü̃gü. Rü ñanagürügü Pauruxü̃: —Dücax, Pa Toenexẽx, cuma nüxü̃ cucua̱x rü nangẽxma i muxũchixü̃ i Yudíugü i yaxõgüxü̃. Rü guxü̃ma i nümagü rü nanaxwa̱xegü nax nagu naxĩxü̃ i ngẽma mugü ga Moiché ümatüxü̃.

Ngechuchuarü ngúexü̃gü ga yamugüxü̃arü puracüchiga 19:6

Rü yexguma Pauru rü yema yaxõgüxü̃étügu naxǘxme̱xgu, rü nüxna nangu ga Tupanaãxẽ ya Üünecü, rü to ga nagawachigü nidexagü, rü nüxü̃ nixugüe ga Tupanaarü ore.

Ngechuchuarü ngúexü̃gü ga yamugüxü̃arü puracüchiga 13:3

Rü yexguma nüxü̃ nachauegu nax tama nachibüeãcüma nayumüxẽgüxü̃, rü Chauru rü Bernabéétügu naxǘxme̱xgü ga yema yaxõgüxü̃, rü ñu̱xũchi inanamuãchitanü nax naxügüã̱xü̃ca̱x ga Tupanaarü puracü.

Ngechuchuarü ngúexü̃gü ga yamugüxü̃arü puracüchiga 10:36

Rü nüma ga Tupana rü Iraétanüxü̃tanüwaxíra nanamu ga norü ore rü nüxü̃ nixu ga yema ore ga mexü̃ nax nüma rü duü̃xü̃gümaxã nangüxmüxü̃ i ngẽxguma Ngechuchu ya Cristu ya guxãarü Cori ixĩcüaxü̃́ yaxõgüãgu.

Ngechuchuarü ngúexü̃gü ga yamugüxü̃arü puracüchiga 4:31

Rü yexguma yumüxẽwa nüxü̃ nachauegu, rü gumá ĩpata ga nawa nangutaque̱xegüne rü naxĩã̱xãchi. Rü Tupanaãxẽ ya Üünecü rü nüxna nangu ga guxü̃ma. Rü tama namuü̃eãcüma nüxü̃ nixugüe ga Tupanaarü ore.

Ore i mexü̃ ga Luca ümatüxü̃ 15:32

Natürü ñu̱xma rü name nixĩ nax ipetaãxẽgüxü̃ rü itaãẽgüxü̃ erü cuenexẽ ga gumá cha̱u̱xca̱x rü marü yucü, rü maxü̃cü taxca̱x ínangu. Rü woo tüxna inayarütaxu, rü wenaxarü taxca̱x nango̱x” —ñatarügü.

Ore i mexü̃ ga Luca ümatüxü̃ 15:30

Natürü ñu̱xma nax ínanguxü̃ i ngẽma cune i chixri curü diẽru ngĩxü̃ gu̱xẽẽxü̃ nagu i ngexü̃gü i naxü̃nemaxã taxexü̃, rü naxca̱x cuyama̱x i ngẽma wocaxacü i rüngü̃maexü̃”, ñanagürü.

Ore i mexü̃ ga Luca ümatüxü̃ 2:11

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.

Ore i mexü̃ ga Luca ümatüxü̃ 1:76

Rü ñanagürü ta: “Cumax, Pa Chaunex, rü Tupana ya guxü̃étüwa ngẽxmacüarü orearü uruxü̃maxã tá cuxü̃ naxugü. Erü cuma rü tá nape̱xe quixũ ya Cori nax yoxni duü̃xü̃gümaxã nüxü̃ quixuxü̃ca̱x i nachiga naxü̃pa nax ínanguxü̃.

Ore i mexü̃ ga Márcu ümatüxü̃ 6:5

Rü yemaca̱x taxuacüma yéma nanaxü ga muxü̃ma ga mexü̃gü ga Tupanaarü poramaxã naxüxü̃. Rü noxretama ga duü̃xü̃gü ga ida̱xaweexü̃xü̃xicatama ningõgü nax naxca̱x yataanegüxü̃ca̱x.

Ore i mexü̃ ga Matéu ümatüxü̃ 19:13

Rü duü̃xü̃gü rü Ngechuchuxü̃tawa nanagagü ga ñuxre ga buxü̃gü nax Ngechuchu naétügu numéxü̃ca̱x rü naxca̱x nayumüxẽxü̃ca̱x. Natürü Ngechuchuarü ngúexü̃gü rü inanaxügüe nax yangagüãxü̃ ga yema duü̃xü̃gü ga Ngechuchuxü̃tawa buxü̃güxü̃ gagüxü̃.

Naanearü ügüchiga 45:4

Natürü ga Yúche rü naenexẽgüxü̃ ñanagürü: —¡Ẽcü nua chauxü̃tawa pexĩ! —ñanagürü. Rü yexguma ga yema naenexẽgü rü naxü̃tawaama naxĩ. Rü nüma rü ñanagürü nüxü̃: —Choma nixĩ i peenexẽ ya Yúche chixĩxü̃ ga pema Equítuanegu chomaxã petaxegüxü̃.

Ore i mexü̃ ga Márcu ümatüxü̃ 5:23

Rü poraãcü nüxü̃ naca̱a̱xü̃, rü ñanagürü nüxü̃: —Chauxacü rü ituraxüchi. Rü chanaxwa̱xe i ngéma cuxũ nax ngĩxü̃ cuyarüngõgüxü̃ca̱x nax ngĩxca̱x yataanexü̃ca̱x rü namaxü̃xü̃ca̱x —ñanagürü.

Ore i mexü̃ ga Luca ümatüxü̃ 1:41

Rü yexguma Erichabé nüxü̃ ĩnügu ga Maríaarü moxẽ, rü ngĩrü õxchana ga ngĩãnüwa yexmaxü̃ rü nixĩã̱xcüxü. Rü Tupanaãxẽ ya Üünecü rü Erichabéna nangu.

Ore i mexü̃ ga Luca ümatüxü̃ 1:67

Rü nanatü ga Chacaríana nangu ga Tupanaãxẽ ya Üünecü. Rü nüxü̃ nixu ga yema ore ga Tupana namaxã nüxü̃ ixuxü̃.

Ngechuchuarü ngúexü̃gü ga yamugüxü̃arü puracüchiga 9:18

Rü yexgumatama rü ñoma nachoxnichipa̱xraxü̃xü̃ naxetüwa ínayi, rü yexgumatama wenaxarü mea nidauuchixetü. Rü yexguma inachi ga Chauru, rü Ananía ínanabaiexẽxẽ.

1 Corintios 9:1

Pemaxã nüxü̃ chixu rü tórü Coritama nixĩ ya choxü̃ yaxucü rü choxü̃ mucü nax norü puracü chaxüxü̃ca̱x, rü ngẽmaca̱x taxuxü̃ma i duü̃xü̃güme̱xẽwa changexma i ñu̱xmax. Rü chomatama chauxetümaxã tórü Cori ya Ngechuchuxü̃ chadau, rü ngẽma puracü i nüxü̃́ chaxüxü̃gagu nixĩ i peyaxõgüxü̃ i pemax.

Norü taxre ga popera ga Pedru ümatüxü̃ 3:15

Rü name nixĩ i nüxna pecua̱xãchie nax yáxna tamaxã naxĩnüxü̃ ya tórü Cori, erü nanaxwa̱xe nax tüxü̃́ nangẽxmaxü̃ i maxü̃ i taguma gúxü̃. Rü ngẽmatama ucu̱xẽ i pexca̱x chaxümatüxü̃rüxü̃ nixĩ ga pexca̱x naxümatüaxü̃ ga taenexẽ ya nüxü̃ ingechaü̃gücü ya Pauru ga yexguma Tupana cua̱x nüxna ãxgu nax pexca̱x naxümatüaxü̃ca̱x.