Ngechuchuarü ngúexü̃gü ga yamugüxü̃arü puracüchiga 9:13 - Tupanaarü Ore

¹³ Rü yexguma yemaxü̃ naxĩnügu ga Ananía, rü ñanagürü: —Pa Corix, muxü̃ma i duü̃xü̃gü chomaxã nüxü̃ nixu i ngẽma yatüchiga nax ñuxre i chixexü̃ i curü duü̃xü̃güca̱x ínanguxẽẽxü̃ i Yerucharéü̃wa.

Ngechuchuarü ngúexü̃gü ga yamugüxü̃arü puracüchiga 9:13 Referans Kwoze

Ngechuchuarü ngúexü̃gü ga yamugüxü̃arü puracüchiga 8:3

Rü nüma ga Chauru rü yoxni guxema yaxõgüxewe ningechigü. Rü tümapatagu nixücuchigü nax tüxü̃ ínayauxü̃xü̃ca̱x. Rü yéma tüxü̃ ínatúxü̃ ga yatügü rü ngexegü, rü ñu̱xũchi poxcupataü̃gu tüxü̃ nawocu.

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Ngechuchuarü ngúexü̃gü ga yamugüxü̃arü puracüchiga 9:1

Rü yoxni ga Chauru rü daimaxã nayaxãxũnegü ga yema duü̃xü̃gü ga Cori ga Ngechuchuaxü̃́ yaxõgüxü̃. Rü yemaca̱x chacherdótegüaru ãẽ̱xgacüxü̃tawa naxũ nax nüxna naca̱xaxü̃ca̱x naxca̱x ga popera ga nüxna ãgaxü̃ nax Damácuwa yexmagüne ga Yudíugüarü ngutaque̱xepataü̃gu yaxǘcuchigüxü̃ca̱x rü yexma tüxü̃ ínayauxü̃xü̃ca̱x ga guxema yaxõgüxe ga yatüxe rü ngexegü nax Yerucharéü̃wa tüxü̃ nagagüxü̃ca̱x rü yexma tüxü̃ yapoxcuexü̃ca̱x.

Romanos 16:15

¡Rü nüxü̃ perümoxẽgü ta i Firórogo, rü Yúria, rü Neréo, rü naeya̱x, rü Orímpa, rü guxü̃ma i taenexẽgü i yaxõgüxü̃ i natanüwa ngẽxmagüxü̃!

Romanos 16:2

Rü chanaxwa̱xe i mea ngĩxü̃ peyaxu, naégagu ya tórü Cori ya Ngechuchu, erü ngẽma nixĩ i mexü̃ nax penaxüxü̃ namaxã i guxü̃ma i yaxõgüxü̃. Rü chanaxwa̱xe i guxü̃ma i ta̱xacü i ngĩxü̃́ taxuxü̃wa rü ngĩxü̃ perüngü̃xẽxẽ, erü ngĩma rü poraãcü togüxü̃ irüngüxẽxẽ, rü choxü̃ rü ta irüngüxẽxẽ.

Romanos 15:31

¡Rü Tupanana peca nax choxü̃ ínapoxü̃xü̃ca̱x nüxna i ngẽma Yudíugü i Yudéaanewa ngẽxmagüxü̃ i tama yaxõgüxü̃! ¡Rü nüxna peca naxca̱x i ngẽma taenexẽgü i yaxõgüxü̃ i Yerucharéü̃wa ngẽxmagüxü̃, nax taãxẽãcü nayauxgüãxü̃ca̱x i ngẽma diẽru i ngéma naxca̱x changexü̃!

Ngechuchuarü ngúexü̃gü ga yamugüxü̃arü puracüchiga 22:4

Rü choma ga ü̃pa rü poraãcü nawe chingẽchigü ga yema Ngechuchuaxü̃́ yaxõgüxü̃ nax chanadaixü̃ca̱x. Rü íchanayauxü̃, rü chanapoxcue ga muxü̃ma ga yema yaxõgüxü̃ ga yatüxü̃gü rü ngexü̃gü.

Ngechuchuarü ngúexü̃gü ga yamugüxü̃arü puracüchiga 9:32

Rü Pedru rü yema yaxõgüxü̃tanügu nixũgüchigü. Rü yema ĩane ga Lidágu ãchiü̃güxü̃ ga yaxõgüxü̃tanüwa rü ta nangu.

Ore i mexü̃ ga Matéu ümatüxü̃ 10:16

Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!

1 Chamué 16:2

Natürü nüma ga Chamué rü ñanagürü: —Pa Chorü Tupanax ¿ñuxãcü tá ngéma chaxũ? Erü ngẽxguma tá Chaú nüxü̃ cua̱xgu rü tá choxü̃ nima̱x —ñanagürü. Natürü Cori ya Tupana rü Chamuéxü̃ nangãxü̃ rü ñanagürü: —Ẽcü ngéma naga i wüxi i wocaxacü rü namaxã nüxü̃ ixu nax cha̱u̱xca̱x tá cuyamáxü̃ rü cuyaguxü̃ i ngẽma naxü̃na.

Ngechuchuarü ngúexü̃gü ga yamugüxü̃arü puracüchiga 9:21

Rü guxü̃ma ga yema nüxü̃ ĩnüexü̃ rü poraãcü naba̱i̱xãchie, rü ñanagürügü: —¿Tama ẽ̱xna ñaa yatü yixĩxü̃ ga Yerucharéü̃wa íyayauxü̃güxü̃ ga guxü̃ma ga duü̃xü̃gü ga Ngechuchuaxü̃́ yaxõgüxü̃? ¿Rü tama ẽ̱xna ñaatama yixĩxü̃ i ngẽma nua ũxü̃ nax ínayauxü̃xãxü̃ca̱x rü ñu̱xũchi chacherdótegüarü ãẽ̱xgacüxü̃tawa nagagüãxü̃ca̱x i duü̃xü̃gü i yaxõgüxü̃? —ñanagürügü.

Ngechuchuarü ngúexü̃gü ga yamugüxü̃arü puracüchiga 9:41

Rü yexguma ngĩxme̱xgu nayayauxãchi, rü ngĩxü̃ inachixẽxẽ. Rü ñu̱xũchi naxca̱x naca ga yema yaxõgüxü̃ rü yema yutegüxü̃, rü maxü̃cü nüxü̃ ngĩxü̃ nawe̱x.

1 Corintios 6:5

Rü pemaxã nüxü̃ chixu i ngẽma ore nax pexãneexü̃ca̱x. ¿Ẽ̱xna tataxuma i petanüwa ya wüxíe ya nüxü̃ cuáxe nax tanamexẽẽxü̃ i ngẽma guxchaxü̃ i petanüwa ngẽxmaxü̃?

1 Corintios 14:33

Erü perü ngutaque̱xegüwa rü Tupana nanaxwa̱xe nax mea penaxüxü̃ i guxü̃ma, rü tama nanaxwa̱xe nax ngéma pexãũgatanüxü̃ rü pegü ípetüexẽẽxü̃. Rü guxü̃ma i ngẽma togü i yaxõgüxü̃arü ngutaque̱xegüwa rü marü nüxü̃ nayapue nax tama yadexagüxü̃ i ngexü̃gü. Rü name nixĩ i pema rü ta ngẽmaãcü penaxü, erü nachu̱xu nax yadexagüxü̃ i ngexü̃gü i ngutaque̱xegüwa. Rü name nixĩ nax yatügüga naxĩnüexü̃ i ngexü̃gü, ngẽma Tupanaarü ore tüxü̃ muxü̃rüxü̃.

1 Corintios 16:1

Rü ñu̱xma tá pemaxã nüxü̃ chixu ngĩchiga i ngẽma diẽru i penutaque̱xexü̃ nax ngĩmaxã nüxü̃ perüngü̃xẽẽgüxü̃ca̱x i taenexẽgü i yaxõgüxü̃ i Yudéaanewa ngẽxmagüxü̃. Rü ngẽma yaxõgüxü̃ i Gárataanewa ngẽxmagüxü̃ rü marü namaxã nüxü̃ chixu nax ngĩxü̃ nanutaque̱xegüxü̃ i ngẽma diẽru. Rü chanaxwa̱xe i pema rü ta ngẽxgumarüxü̃ penaxü.

Efesios 1:1

Pa Chauenexẽgü ya Epéchiuwa Ngẽxmagüxe, choma i Pauru pexca̱x chanaxümatü i ñaa popera. Rü choma nixĩ ya Tupana choxü̃ yaxuxü̃ nax Ngechuchu ya Cristu choxü̃ muxü̃ca̱x nax nüxü̃ chixuxü̃ca̱x i norü ore. Rü pexca̱x chanaxümatü i guxãma i pema ya Epéchiuarü ĩanewa ngẽxmagüxe ya Tupanaarü duü̃xü̃gü ixĩgüxe ya Ngechuchu ya Cristuaxü̃́ yaxõgüxe.

Filipenses 1:1

Pa Toenexẽgü ya Pirípuwa Ngẽxmagüxex, choma i Pauru rü namaxã i taenexẽ i Timutéu nixĩ i pexca̱x tanaxümatüxü̃ i ñaa popera. Rü toma rü Ngechuchu ya Cristuarü puracütanüxü̃ tixĩgü. Rü pexca̱x tanaxümatü i pema i yaxõgüxü̃arü ãẽ̱xgacügü nax pixĩgüxü̃, rü pema i Tupanapatawa ngü̃xẽẽruü̃gü nax pixĩgüxü̃, rü guxãma i pema ya Ngechuchu ya Cristuaxü̃́ yaxõgüxe.

Filipenses 4:22

Rü ngẽxgumarüxü̃ ta pexü̃ narümoxẽgü i guxü̃ma i ngẽma yaxõgüxü̃ i núma ngẽxmagüxü̃. Rü ngẽma yexera pexü̃ rümoxẽgüxü̃ nixĩ i taenexẽgü i Rómaarü ãẽ̱xgacüpatawa puracüexü̃.

Popera ga Yudíugü ga yaxõgüxü̃ca̱x ümatüxü̃ 13:24

¡Rü nüxü̃ perümoxẽgü i guxü̃ma i ngẽma perü dauruü̃gü i pemaxã icuáxü̃! ¡Rü ngẽxgumarüxü̃ ta nüxü̃ perümoxẽgü i guxü̃ma i togü i taenexẽgü i yaxõgüxü̃! Rü ngẽma taenexẽgü i nua Itáriaanewa ngẽxmagüxü̃ rü ta pexü̃ narümoxẽgü.

Popera ga Yúda ümatüxü̃ 1:3

Pa Chauenexẽgü ya Pexü̃ Changechaü̃güxex, noxri rü poraãcü choxü̃́ nangúchaü̃ nax pexca̱x chanaxümatüxü̃ nachiga i ngẽma maxü̃ i taguma gúxü̃ i pema rü choma tüxü̃́ ngẽxmaxü̃. Natürü ñu̱xma rü chauãẽwa ínangu nax namexü̃ nax pexca̱x chanaxümatüxü̃ nax pexü̃ chaxucu̱xẽxü̃ca̱x rü ípenapoxü̃xü̃ca̱x i ngẽma ore i aixcüma ixĩxü̃ ga nũxcüma wüxicanatama Tupana norü duü̃xü̃güna ãxü̃.