Ngechuchuarü ngúexü̃gü ga yamugüxü̃arü puracüchiga 8:7 - Tupanaarü Ore

⁷ Rü muxẽma ga duü̃xẽgü ga ngo̱xogü tümawa yexmaxẽ rü tümaca̱x nitaanegü. Rü yema ngo̱xogü rü tagaãcü aita naxüeãcüma tümawa ínachoxü̃. Rü yexgumarüxü̃ ta rü muxẽma ga nawãĩxãchigüxe rü chixeparagüxe rü tümaca̱x nitaanegü.

Ngechuchuarü ngúexü̃gü ga yamugüxü̃arü puracüchiga 8:7 Referans Kwoze

Ore i mexü̃ ga Matéu ümatüxü̃ 10:1

Rü yexguma ga Ngechuchu, rü yema 12 ga norü ngúexü̃güca̱x naca. Rü nüxna naxãga rü nanaporaexẽxẽ nax ínawoxü̃ãxü̃ca̱x ga ngo̱xogü rü nameexẽẽãxü̃ca̱x ga duü̃xü̃gü ga ida̱xaweexü̃ ga woo nañuxraü̃xü̃ ga da̱xawe nüxü̃́ yexmagüxü̃.

Ngechuchuarü ngúexü̃gü ga yamugüxü̃arü puracüchiga 5:16

Rü yexgumarüxü̃ ta ga Yerucharéü̃na ngaicamagüne ga ĩanegüwa ne ĩxü̃ ga duü̃xü̃gü, rü muxü̃ma rü Yerucharéü̃wa nanagagü ga yema ida̱xaweexü̃ rü yema ngo̱xoã̱xgüxü̃. Rü guxü̃ma naxca̱x nitaanegü.

Popera ga Yudíugü ga yaxõgüxü̃ca̱x ümatüxü̃ 2:4

Rü nümatama ga Tupana rü ta taxca̱x nanango̱xẽxẽ nax aixcüma yixĩxü̃ i Cristugagu tüxü̃́ nangẽxmaxü̃ i ngẽma maxü̃. Yerü nüma ga Tupana rü Naãxẽ ya Üünexü̃wa tüxü̃ nanawe̱x ga naguxü̃raü̃xü̃ ga taxü̃ ga mexü̃gü rü cua̱xruxü̃gü ga norü poramaxã naxüxü̃ yema nüma nanaxwa̱xexü̃ãcüma.

Ore i mexü̃ ga Cuáü̃ ümatüxü̃ 14:12

Aixcüma pemaxã nüxü̃ chixu rü yíxema choxü̃́ yaxṍxe rü tá tanaxü i ngẽma choma chaxüxü̃. Rü ngẽma chaxüxü̃arü yexera tá taxü, erü choma rü tá Chaunatüxü̃tawa chaxũ.

Ore i mexü̃ ga Luca ümatüxü̃ 10:17

Rü taãẽãcüma nawoegu ga yema 72 ga norü ngúexü̃gü ga yamugüxü̃. Rü ñanagürügü nüxü̃: —Pa Corix, ngẽxguma cuégagu tidexagügu, rü aixrüxü̃ i ngo̱xogü rü toga naxĩnüe —ñanagürügü.

Ore i mexü̃ ga Márcu ümatüxü̃ 9:26

Rü yexguma ga yema ngo̱xo rü aita naxü, rü wenaxarü gumá bucüxü̃ niyuãchixẽxẽ. Rü ñu̱xũchi nawa ínaxũxũ, rü ñoma nayuxuchixü̃rüxü̃ yéma nanata̱x. Rü yemaca̱x ga muxü̃ma ga duü̃xü̃gü rü ñanagürügü: —Marü nayuxuchi nixĩ —ñanagürügü.

Ore i mexü̃ ga Matéu ümatüxü̃ 11:5

¡Rü Cuáü̃maxã nüxü̃ pixu rü ngẽma ngexetügüxü̃ rü marü nidauchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ngearü diẽruã̱xgüxü̃ rü marü namaxã nüxü̃ tixu i Tupanaarü ore i mexü̃!

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Ichaía 35:6

Rü ngẽma ibüyeparagüxü̃ rü ñoma cowü iyayuxnegüxü̃rüxü̃ tá nayayuxnegü. Rü ngẽma tama idexagüxü̃ rü aita tá naxüe. Rü ngextá taxúema íxãpataxü̃wa i íyapaanexü̃wa rü taxü̃ i dexá tá narüyuxü̃chíxü.

Ngechuchuarü ngúexü̃gü ga yamugüxü̃arü puracüchiga 8:6

Rü yema duü̃xü̃gü ga Chamáriacüã̱x, rü Ferípeca̱x nangutaque̱xegü. Rü guxü̃ma meama inarüxĩnüe ga yema ore ga namaxã nüxü̃ yaxuxü̃, yerü nüxü̃ nadaugü ga yema cua̱xruü̃gü ga Tupanaarü poramaxã naxüxü̃ ga Ferípe.