Ngechuchuarü ngúexü̃gü ga yamugüxü̃arü puracüchiga 8:27 - Tupanaarü Ore

²⁷ Rü inaxũãchi ga Ferípe rü yema namawa naxũ. Rü yexma nüxü̃ nangau ga wüxi ga yatü ga Etiopíaanecüã̱x ga ĩneacü Yerucharéü̃wa ũxü̃ nax Tupanaxü̃ yanacua̱xüü̃xü̃ca̱x. Rü nüma rü Etiopíaaneanearü ãẽ̱xgacüarü ngü̃xẽẽruxü̃ nixĩ, rü ãẽ̱xgacüarü diẽruarü dauruxü̃ nixĩ.

Ngechuchuarü ngúexü̃gü ga yamugüxü̃arü puracüchiga 8:27 Referans Kwoze

Chofonía 3:10

Rü ngẽma Etiopíaanearü natügüarü tocutügu woonexü̃ i chorü duü̃xü̃gü rü nua tá naxĩ norü ãmaregümaxã. Rü choxna tá nayacagü nax nüxü̃ charüngü̃xẽxẽxü̃ca̱x.

Wiyaegü 68:31

Rü ngẽma Equítuanearü ãẽ̱xgacü rü tá cuxü̃tawa nanamu i norü ngü̃xẽẽruü̃gü. Rü ngẽma Etiopíaanecüã̱xgü rü tá cuxü̃tawa nanana i norü ãmaregü.

Yeremía 38:7

Rü ãẽ̱xgacüpatawa nayexma ga wüxi ga Etiopíaanecüã̱x ga ãẽ̱xgacü nüxü̃ ngechaü̃cü ga Ébe-mérexgu ãégacü. Rü nüma rü nüxü̃ nacuáchiga nax ãxmaxü̃gu Yeremíaxü̃ yata̱xcuchigüxü̃. Rü yema ga ngunexü̃gu rü ãẽ̱xgacü rü Yerucharéü̃arü ĩã̱x ga Bẽyamíü̃gu ãégaxü̃wa duü̃xü̃gümaxã nangutaque̱xe. Rü yemaca̱x nüma ga Ébe-mérex rü yéma naxũ nax ãẽ̱xgacümaxã nüxü̃ nax yanaxuxü̃ca̱x ga yema Yeremíamaxã üpetüxü̃.

Wiyaegü 87:4

Rü natanüwa i ngẽma duü̃xü̃gü i choxü̃ cua̱xgüxü̃ rü nangẽxma i duü̃xü̃gü i Equítuanegu buexü̃, rüe̱xna Babiróniaanegu buexü̃, rüe̱xna Firitéugüanegu buexü̃, rüe̱xna Tíruarü ĩanegu buexü̃ rüe̱xna Etiopíaanegu buexü̃. Rü wüxichigü i ngẽmagü rü poraãcü ngẽma ĩane i nagu nabuxü̃maxã nataãxẽ.

Ore i mexü̃ ga Cuáü̃ ümatüxü̃ 12:20

Rü yema duü̃xü̃gü ga petaca̱x Yerucharéü̃wa ĩxü̃ nax yéma Tupanaxü̃ nax yanacua̱xüü̃güxü̃ca̱x, rü natanüwa nayexma ga ñuxre ga Griégugü.

Ore i mexü̃ ga Matéu ümatüxü̃ 12:42

Rü ngẽxguma Tupana duü̃xü̃güna caxgux i norü pecaduchiga, rü ngĩma ga súr-anewa ãẽ̱xgacü ixĩcü rü tá íirüda, rü tá pexü̃ íixũãxü̃. Yerü ngĩma rü yáxü̃wa ne ĩxü̃ nax ãẽ̱xgacü ga Charomóü̃xü̃ íyadauxü̃ca̱x rü nüxü̃ naxĩnüxü̃ca̱x ga norü ngu̱xẽẽtae ga cua̱xmaxã nüxü̃ yaxuxü̃. Natürü pemaxã nüxü̃ chixu rü nua petanüwa nangẽxma i wüxi ya Charomóü̃arü yexera ixĩcü.

Yeremía 13:23

¿Rü nüxü̃́ natauxchaxü̃ i wüxi i waxüxü̃ i duü̃xü̃ nax nügü nacho̱xẽxẽxü̃? ¿Rü nüxü̃́ natauxchaxü̃ i wüxi i ai nax iyanaxoxẽẽãxü̃ i namatü? Rü ngẽxgumarüxü̃ ta i pema nax chixexü̃gu pemaxẽxü̃, rü taxucürüwama mexü̃ pexü.

Ichaía 66:19

Rü wüxi i cua̱xruxü̃ tá nüxü̃ chawe̱x i ngẽma duü̃xü̃gü i maxẽxü̃. Rü togü i nachixü̃anegüwa tá chanamugü i Tárchixwa rü Líbiawa rü Lídiawa i ngextá mea würaarü maxü̃xü̃ ínacua̱xgüxü̃wa. Rü tá nawa chanamugü i Tubáxwa rü Gréchiawa rü ngẽma nachixü̃anegü i yáxü̃wa ngẽxmagüxü̃ i márpechinüwa i ngextá taguma chauchigaxü̃ ínaxĩnüexü̃wa rü taguma chorü poraxü̃ ínadaugüxü̃wa. Rü nümagü rü tá ngẽma nachixü̃anegüwa nüxü̃ nixugüe i chorü porachiga.

Ichaía 60:6

Rü muxü̃tama i duü̃xü̃gü i togü i nachixü̃anegücüã̱x rü tá caméyugügu Yerucharéü̃wa naxĩ. Rü tá ínangugü i Madiáü̃cüã̱xgü rü Efácüã̱xgü. Rü guxü̃ma i Chabáanecüã̱xgü rü núma tá naxĩ namaxã i norü úirugü rü pumaragü. Rü tá choxü̃ nicua̱xüü̃gü naxca̱x i ngẽma mexü̃ i chorü poramaxã chaxüxü̃.

Ichaía 60:3

Rü guxü̃ma i nachixü̃anegü rü tá naxca̱x naxĩ i ngẽma ngóonexü̃ i pewa ngẽxmaxü̃. Rü ngẽma nachixü̃anegüarü ãẽ̱xgacügü rü pexü̃tawa tá naxĩ nax pexü̃ íyadaugüxü̃ca̱x nax wena nachixü̃ane i poraxü̃ pixĩgüxü̃.

Ichaía 45:14

Rü nüma ya Tupana rü Iraétanüxü̃xü̃ ñanagürü ta: —Ngẽma Equítuanecüã̱xgü i naanewa puracüexü̃, rü ngẽma Etiopíaanecüã̱xgü i taxetanüxü̃, rü ngẽma Chabácüã̱xgü i imáchanexü̃chixü̃ rü tá cuxme̱xwa nangẽxmagü. Rü cadénamaxã íchotachacüüãcü tá cuwe narüxĩ. Rü cupe̱xegu tá nacaxã́pü̱xügü rü ñanagürügü tá: “Aixcümaxü̃chi nixĩ i cutanüwa nangẽxmaxü̃ ya Tupana rü nataxuma i to ya Tupana”, ñanagürügü tá —ñanagürü ga Tupana.

Ichaía 43:6

Rü ngẽma nachixü̃anegü i Nórtewa ngẽxmagüxü̃xü̃ rü ngẽma nachixü̃anegü i Súrwa ngẽxmagüxü̃xü̃ tá ñacharügü: “¡Penamuegutanü i ngẽma chorü duü̃xü̃gü! Rü guxü̃ma i chorü duü̃xü̃gü i guxü̃wama i ñoma i naanewa ngẽxmagüxü̃ rü chauéga ingegüxü̃ rü tá penawoeguxẽxẽ. Yerü choma nixĩ ga chanangóexẽxẽxü̃ nax choxü̃ yacua̱xüü̃güxü̃ca̱x” ñachagürü tá.

Wiyaegü 68:29

Rü yima cupata ya ma̱xpǘnewa ngẽxmane i Yerucharéü̃wa rü ngẽma togü i nachixü̃anegüarü ãẽ̱xgacügü rü cuxca̱x ngéma nanana i ãmaregü.

Nüxíraxü̃xü̃ ga popera ga ãẽ̱xgacügüchiga 10:1

Rü ngĩma ga Chabáanearü ãẽ̱xgacü rü yexguma nüxü̃ naxĩnügu ga nachiga ga Charomóü̃ rü ñuxãcü Tupana mexü̃maxã rü cua̱xmaxã poraãcü nüxü̃ nax nangü̃xẽẽxü̃, rü yemaca̱x yéma ixũ nax guxchagüxü̃ ga oremaxã nüxna yacaxü̃ca̱x nax yemaacü nüxü̃ yaxüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:8

Rü gumá tórü o̱xi ga Abraáü̃, rü Tupanaaxü̃́ nayaxõ. Rü yexguma Tupana naxca̱x caxgux rü naga naxĩnü rü ínaxũxü̃ nawa ga yema naane ga nawa nayexmaxü̃ nax nawa naxũxü̃ca̱x ga yema naane ga Tupana nüxna ãxü̃ nax noxrü yixĩxü̃ca̱x. Rü yemaacü ga Abraáü̃ rü ínaxũxü̃ ga yema naane ga nawa nayexmaxü̃ woo tama nüxü̃ nax nacuáxü̃ ga ngextá tá nax naxũxü̃.

Yeremía 39:16

—Ngẽma Etiopíaanecüã̱x i Ébe-mérexü̃tawa naxũ rü ñanagürü nüxü̃: “Nüma ya Cori ya Tupana ya Guxãétüwa Ngẽxmacü rü ñanagürü: ‘Choma rü tá chayanguxẽxẽ ga yema poxcu ga daa ĩanemaxã chaxueguxü̃. Rü choma rü tá íchananguxẽxẽ i guxchaxü̃gü rü tama taãxẽ. Rü cuma rü tá nüxü̃ cudau i ngẽma tá chaxüxü̃

Ichaía 18:7

Rü ngẽma ngunexü̃gügu rü Cori ya Tupana ya Guxãétüwa ngẽxmacüxü̃tawa tá nanana i norü ãmaregü i ngẽma duü̃xü̃gü i máxchanexü̃ rü ingoracha̱xmüxü̃güxü̃ rü iporaxüchixü̃ rü nügü írütagüxü̃ rü guxãma ya to i nachixü̃anecüã̱xgü nüxü̃ muü̃xexü̃ i naane i natügü nawa muxũchixü̃gu ãpatagüxü̃. Rü ngẽma duü̃xü̃gü rü yima ma̱xpǘne ya Chióü̃ i Cori ya Guxãétüwa Ngẽxmacüxü̃ iyacua̱xüü̃guxü̃wa tá nanana i norü ãmaregü.

Ngechuchuarü ngúexü̃gü ga yamugüxü̃arü puracüchiga 8:28

Rü nüma rü nachixü̃aneca̱x nataegu, rü norü caru ga cowaru itúchigünewa narüto. Rü nawa ningúchigü ga yema ore ga Tupanaarü orearü uruxü̃ ga Ichaía ümatüxü̃.

Wenaxarü naxümatü ga Tupanaarü mugü 30:13

Rü ngẽma mugü rü tama nixĩ i már arü tocutüwa nangẽxmaxü̃, nax ngẽmaca̱x ñapegügüxü̃ca̱x: “¿Texé tá tixãẽ i ngẽma már nax taxca̱x nua tanangexü̃ca̱x i ngẽma mugü rü tüxü̃ nüxü̃ tacua̱xẽxẽxü̃ca̱x, nax ngẽmaãcü nagu imaxẽxü̃ca̱x?” ñapegürügü.