Ngechuchuarü ngúexü̃gü ga yamugüxü̃arü puracüchiga 8:24 - Tupanaarü Ore

²⁴ Rü Chimóü̃ nanangãxü̃, rü ñanagürü: —¡Cha̱u̱xca̱x peyumüxẽgü rü Tupanana cha̱u̱xca̱x peca nax tama choxü̃ nangupetüxü̃ca̱x i ngẽma nüxü̃ pixuxü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 8:24 Referans Kwoze

Iraétanüxü̃arü muxchiga 21:7

Rü nüma ga duü̃xü̃gü rü Moichéca̱x naxĩ rü ñanagürügü nüxü̃: —Aixcüma chixexü̃ taxügü yerü chixri cuchiga rü Corichiga tidexagü. ¡Rü nüxna nachogü ya Cori ya Tupana nax toxna yaxĩgachixẽẽãxü̃ca̱x i ñaa ãxtapegü! —ñanagürügü. Rü nüma ga Moiché rü Cori ya Tupanana naca nax Iraétanüxü̃axü̃́ nüxü̃ nangümaxü̃ca̱x ga norü chixexü̃gü.

Ínachoxü̃xü̃chiga 8:8

Rü yexguma ga nüma ga Faraóü̃ rü Moichéca̱x rü Aróü̃ca̱x nangema, rü ñanagürü nüxü̃: —¡Cori ya Tupanana naxca̱x peca̱xa nax yanaxoxẽẽãxü̃ca̱x i ngẽma cururugü i toxü̃tawa! Rü choma rü tá chayange̱xgü i curü duü̃xü̃gü nax Cori ya Tupanaca̱x nadaiaxü̃ca̱x i naxü̃nagü rü ngẽmamaxã nüxü̃ yanacua̱xüü̃güxü̃ca̱x —ñanagürü.

Popera ga Chantiágu ümatüxü̃ 5:16

Rü ngẽmaca̱x name nixĩ i pegümaxã nüxü̃ pixu i perü pecadugü rü pegüca̱x peyumüxẽgü nax pexca̱x yataanegüxü̃ca̱x. Rü yimá mecü ya yatüarü yumüxẽ rü aixcüma napora rü taxü̃ i mexü̃ nawa ínanguxuchi.

Yox 42:8

¡Rü ẽcü i ñu̱xma rü 7 i woca i iyatüxü̃ piyauxgü rü 7 i carnérugü rü chorü duü̃ ya Yoxü̃tawa penagagü! ¡Rü yimápe̱xewa perü maxü̃ca̱x penadai rü ípeyagu i ngẽma naxü̃nagü! Rü nüma ya yimá chorü duü̃ ya Yox rü tá pexca̱x nayumüxẽ. Rü choma rü tá nüxü̃́ nüxü̃ chaxĩnü i norü yumüxẽ rü taxuxü̃táma chixexü̃ pemaxã chaxü woo nax namexü̃ nax pexü̃ chapoxcuexü̃ nagagu nax tama aixcümaxü̃ pixuxü̃ ga chauchiga yimá chorü duü̃ ga Yox nüxü̃ ixuxü̃rüxü̃ —ñanagürü ga Tupana.

Nüxíraxü̃xü̃ ga popera ga ãẽ̱xgacügüchiga 13:6

Rü yexguma ga nüma ga ãẽ̱xgacü rü yema orearü uruü̃na naca rü ñanagürü: —Cuxü̃ chaca̱a̱xü̃, rü ¡Cori ya curü Tupanana naca nax ngẽmaãcü charümeméxü̃ca̱x! —ñanagürü. Rü nüma ga orearü uruxü̃ rü Cori ya Tupanana naca, rü yemaacü narümeme̱x ga guma ãẽ̱xgacü, rü noxrirüü̃tama nixĩ.

1 Chamué 12:23

Rü ñu̱xma i choma rü tama chanaxwa̱xe i pecadu chaxü, rü ngẽmaca̱x taxũtáma nüxü̃ charüchau nax pexca̱x chayumüxẽxü̃. Rü tá pexü̃ changúexẽxẽama nax mea Cori ya Tupanaca̱x pemaxẽxü̃ rü mea nawe perüxĩxü̃ca̱x.

Ínachoxü̃xü̃chiga 12:32

¡Rü ẽcü peyagagü i perü carnérugü rü perü wocagü ngẽma penaxwa̱xerüxü̃! ¡Rü ípechoxü̃ i nua! ¡Rü perü Tupanana cha̱u̱xca̱x pecagüe! —ñanagürü.

Ínachoxü̃xü̃chiga 10:17

Rü ngẽmaca̱x pexna naxca̱x chaca nax ñu̱xmaica choxü̃́ nüxü̃ perüngümaxü̃ca̱x i chorü chixexü̃ rü ñu̱xũchi cha̱u̱xca̱x peyumüxẽgüxü̃ nax Cori ya perü Tupana choxna yaxũgachixẽẽxü̃ca̱x i ñaa guxchaxü̃ i yuwa tüxü̃ gaxü̃ —ñanagürü.

Naanearü ügüchiga 20:7

Natürü i ñu̱xma rü ¡naxca̱x ngĩxü̃ namuegu i naxma̱x ya yimá yatü, erü nüma rü chorü orearü ngeruxü̃ nixĩ! Rü nüma rü cuxca̱x tá nayumüxẽ nax ngẽmaãcü tama cuyuxü̃ca̱x. Natürü ngẽxguma taxũtáma ngĩxü̃ cumueguxgu rü aixcüma tá cuyu wüxigu namaxã i cutanüxü̃ —ñanagürü.

Édra 8:23

Rü yemaca̱x aureãcüma tayumüxẽgü rü Tupanana tacagüe nax toxna nadauxü̃ca̱x. Rü nüma rü aixcüma toxü̃ nangãxü̃.

Édra 6:10

Rü ngẽmaãcü tá nüxü̃́ natauxcha nax yimá daxũgucü ya Tupanaca̱x yagugüãxü̃ i ta̱xacü i namaxã nataãẽxü̃. Rü ñu̱xũchi chanaxwa̱xe i cha̱u̱xca̱x rü chauxacügüca̱x nayumüxẽgü.

1 Chamué 12:19

Rü yemaca̱x guxü̃ma ga yema duü̃xü̃gü rü Chamuéxü̃ ñanagürügü: —¡Cori ya curü Tupanana toxca̱x naca nax tama tayuexü̃ca̱x! Erü ñu̱xma rü tanayexeraxẽxẽ i guxü̃ma i torü chixexü̃gü nagagu nax wüxi ya torü ãẽ̱xgacü i réica̱x nax ítaca̱xaxü̃ —ñanagürügü.

Naanearü ügüchiga 20:17

Rü yexguma ga Abraáü̃ rü yumüxẽwa Tupanana naca. Rü Tupana rü Abimeréxca̱x, rü ñu̱xũchi naxma̱xca̱x nayataanexẽxẽ. Rü yexgumarüxü̃ ta ngĩxca̱x nayataanexẽẽgü ga yema norü ngü̃xẽẽruü̃gü nax yemaacü wenaxarü yaxãxacüxü̃ca̱x.

Yeremía 37:3

Rü nüma ga ãẽ̱xgacü ga Chedequía rü nanamu ga Cheremía nane ga Yucá rü chacherdóte ga Chofonía ga Maachía nane nax Yeremíaxü̃tawa naxĩxü̃ca̱x nax namaxã nüxü̃ yaxugüexü̃ca̱x: —¡Toxca̱x nayumüxẽ, Pa Yeremíax, nax Cori ya torü Tupana toxü̃ rüngü̃xẽẽxü̃ca̱x! —ñanagürü.