Ngechuchuarü ngúexü̃gü ga yamugüxü̃arü puracüchiga 8:23 - Tupanaarü Ore

²³ Erü nüxü̃ chacua̱x rü poraãcü quixãũxãchiwa̱xe rü aigu curüxĩnü, rü ngẽma chixexü̃ rü cumaxã inacua̱x rü ñoma cupoxcuxü̃rüxü̃ cuxü̃ nixĩxẽxẽ —ñanagürü.

Ngechuchuarü ngúexü̃gü ga yamugüxü̃arü puracüchiga 8:23 Referans Kwoze

Ichaía 58:6

Natürü tama ngẽmaãcü üxü̃ i aure nixĩ i chanaxwa̱xexü̃. Rü ngẽma aure i namaxã chataãẽxü̃ nixĩ nax tüxü̃ ípinguxü̃xẽẽxü̃ ya yíxema natüca̱xma poxcuexe rü yíxema mugüruxü̃ ixĩgüxe, rü yíxema togü chixri tümamaxã icua̱xgüxe.

Ucu̱xẽgüchiga 5:22

Ngẽma duü̃xü̃ i chixexü̃ üxü̃, rü ngẽma norü chixexü̃ tátama nixĩ i guxchaxü̃gu nanguxẽẽxü̃, rü ngẽma norü chixexü̃tama nixĩ i nagu nachoxü̃ ñoma wüxi i naixnütagu nachoxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

Ore i mexü̃ ga Cuáü̃ ümatüxü̃ 8:34

Rü Ngechuchu ñanagürü nüxü̃: —Aixcüma pemaxã nüxü̃ chixu rü guxãma ya pecaduã́xẽ rü pecadutüü̃wa tangexmagü.

Norü taxre ga popera ga Pedru ümatüxü̃ 2:19

Rü tümamaxã nüxü̃ nixu rü ngẽxguma nawe tarüxĩxgu rü tá tüxü̃ ínanguxü̃xẽxẽ nax tüma tanaxwa̱xexü̃ãcüma tamaxẽxü̃ca̱x. Natürü ngẽma ngu̱xẽẽruü̃netagü i ngẽmaãcü chixri idexagüxü̃, rü nümagütama rü norü chixexü̃tüxü̃wa nangẽxmagü. Erü guxü̃ma i duü̃xü̃gü, rü ngẽma nüxü̃ rüyexeramaexü̃tüü̃wa nügü nangẽxmagüxẽxẽ.

Norü taxre ga popera ga Pedru ümatüxü̃ 2:4

Rü nüma ya Tupana rü tama nüxü̃́ nüxü̃ narüngüma ga norü chixexü̃gü ga yema orearü ngeruü̃gü ga daxũcüã̱x ga pecadu ügüxü̃. Rü yemaca̱x yima üxü ya taguma ixoxü̃newa nanawogü, rü ínaxẽãnexü̃gu nanapoxcue. Rü cadénamaxã nayana̱i̱xgü nax ngéma nangẽxmagüxü̃ca̱x ñu̱xmatáta nawa nangu i ngẽma ngunexü̃ i nagu Tupana nüxna ca̱xaxü̃ i duü̃xü̃gü.

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

Auxexü̃chiga 3:19

Rü chauãẽwa nangu i ngẽma ngechaü̃ rü ngúxü̃ i chingexü̃ rü ñuxãcü chaxica nua nax chatáxü̃ rü taxúema choxü̃ rüngü̃xẽẽxü̃. Rü ngẽxguma ngẽmagu charüxĩnügu rü chorü ngúchaü̃ rü ñaxtüwa naxũ.

Auxexü̃chiga 3:5

Rü guxü̃cüwawa rü choxü̃ ínapoxexü̃ namaxã ga ãũcümaxü̃ rü ngúxü̃gü.

Yeremía 9:15

Rü ngẽmaca̱x i choma ya Cori ya Tupana ya Guxãétüwa Ngẽxmacü ya Iraétanüxü̃arü Tupana rü ñachagürü: “Choma rü tá õna i üxüxü̃ tá nüxü̃ changõ̱xẽxẽ, rü dexá i nawa iyuxü̃wa tá chayaxaxexẽxẽgü.

Yeremía 4:18

Rü ñanagürü: —Ngẽma pecümagagu, rü ñu̱xũchi ngẽma chixexü̃ i pexügüxü̃gagu nixĩ i ngẽma pexü̃ ngupetüxü̃. Rü ngẽma perü chixexü̃ nixĩ i pexca̱x ínanguxẽẽxü̃ i ñaa guxchaxü̃ i poraãcü pexü̃ ngúxü̃ —ñanagürü ya Cori ya Tupana.

Ichaía 28:22

¡Rü ngẽmaca̱x marütama nax Tupanaxü̃ pecugüexü̃ nax tama yexeraãcü pexü̃ napoxcuexü̃ca̱x! Erü marü nüxü̃ chaxĩnü nax Cori ya Tupana ya Guxãétüwa Ngẽxmacü rü tá yanaxoxẽẽãxü̃ i guxü̃ma i ñaa nachixü̃ane.

Wiyaegü 116:16

Pa Cori Pa Tupanax, choma rü curü duü̃xü̃ chixĩ, rü curü duü̃xü̃ tümane chixĩ. Rü cuma nixĩ i choxü̃ ícunguxuchixẽẽxü̃ nawa ga yema guxchaxü̃gü ga choxü̃ ináixü̃.

Yox 20:14

Natürü ngẽxguma naanüwa nanguxgu rü ñoma ãxtapeguchatarüxü̃ tá nixĩ i ngẽma chixexü̃ i naxüxü̃ i ngẽma yatü.

Efesios 4:31

¡Rü nüxü̃ perüxoe nax nagu perüxĩnüexechaxü̃ ega texé ta̱xacürü chixexü̃ pexca̱x uxgux! Rü ngẽxgumarüxü̃ ta name nixĩ nax nüxü̃ perüxoexü̃ nax pegüchi pexaiexü̃, rü pegümaxã penuexü̃, rü pegü nax pengaexü̃, rü pegümaxã peguxchigagüxü̃. Rü ngẽmaãcü name nax nüxü̃ perüxoexü̃ i guxü̃ma i ngẽma chixexü̃ i dexagü.