Ngechuchuarü ngúexü̃gü ga yamugüxü̃arü puracüchiga 7:8 - Tupanaarü Ore

⁸ Rü nüma ga Tupana rü Abraáü̃maxã wüxi ga cua̱xruxü̃ inaxǘ, rü ñanagürü nüxü̃: “Choma rü tá cuxü̃ charüngü̃xẽxẽxü̃ ega cuma rü guxü̃ma i cutanüxü̃ ípewiü̃cha̱xmüü̃pe̱xechiraü̃gu. Rü ngẽma tá nixĩ i cua̱xruxü̃ i yigümaxã imexẽxẽxü̃”, ñanagürü ga Tupana. Rü yemaca̱x ga yexguma nabuxgu ga nane ga Ichaá, rü yexguma 8 ga norü ngunexü̃wa nanguxgu, rü nüma ga Abraáü̃ rü ínanawíecha̱xmüpe̱xechiraü̃. Rü yexguma marü naya̱xgu ga Ichaá rü nabu ga nane ga Acóbu, rü nüma ga Ichaá rü ínanawíecha̱xmüpe̱xechiraü̃. Rü yixcama marü naya̱xgu ga Acóbu rü nüxü̃́ nayexma ga 12 ga nanegü. Rü nüma ga Acóbu rü ínanawíü̃cha̱xmüü̃pe̱xechiraü̃ ga guxü̃ma ga yema 12 ga nanegü. Rü yema 12 ga nanegü nixĩ ga norü o̱xigü ga yema 12 ga natücumü ga Iraétanüxü̃.

Ngechuchuarü ngúexü̃gü ga yamugüxü̃arü puracüchiga 7:8 Referans Kwoze

Ngechuchuarü ngúexü̃gü ga yamugüxü̃arü puracüchiga 2:29

Rü ñanagürü ga Pedru: —Pa Chauenexẽgüx, aixcüma pemaxã nüxü̃ chixu nax nayuxü̃ ga nũxcümaü̃cü ga tórü ãẽ̱xgacü ga Dabí, rü marü inata̱x, rü ñu̱xma rü ta tatanüwa nangẽxma i naxma̱xü̃.

Naanearü ügüchiga 35:16

Rü yemawena rü Betéwa inaxĩãchi nax ĩane ga Efrátawa naxĩxü̃ca̱x. Natürü yexguma Efrátaxü̃ yangaicagügu rü ga Raqué rü ixíraxacüama. Rü poraãcü guxchaãcü ixíraxacü.

Popera ga Yudíugü ga yaxõgüxü̃ca̱x ümatüxü̃ 7:4

Rü ñu̱xma rü name nixĩ i nagu perüxĩnüe nax ñuxãcü aixcüma ãẽ̱xgacü ya tacü yixĩxü̃ ga Melquichedéx. Yerü nũxcümaü̃cü ga tórü o̱xi ga Abráü̃ rü Melquichedéxna nanaxã ga yema diésmu ga Tupanana üxü̃ natanüwa ga yema yemaxü̃gü ga daigu yema ãẽ̱xgacügüna napuxü̃xü̃. Rü ngẽmawa nüxü̃ tacua̱x nax Tupanape̱xewa tórü o̱xi ga Abraáü̃arü yexeracü yixĩxü̃ ga Melquichedéx.

Gálatas 3:17

Rü ngẽmaãcü pemaxã chanango̱xẽxẽ nax Tupana rü Abraáü̃maxã namexẽẽãxü̃ rü namaxã inaxunetaxü̃ nax Cristugagu tá yixĩxü̃ i duü̃xü̃güxü̃ nangü̃xẽẽxü̃. Rü ngẽmaca̱x i ñu̱xma rü yema Moiché ümatüxü̃ ga mugü ga 430 ga taunecü yema unetawena ínguxü̃, rü taxucürüwama inayanaxoxẽxẽ ga yema Tupanaarü uneta ga Abraáü̃maxã nüxü̃ yaxuxü̃.

Gálatas 3:15

Pa Chauenexẽgüx, ñu̱xma rü tá pemaxã nüxü̃ chixu i wüxi i cua̱xruxü̃. Rü ngẽxguma wüxi ya yatü rü texémaxã ta̱xacüca̱x inaxunetagu, rü wüxi i poperagu nanaxümatü rü ñu̱xũchi naéga nagu naxümatü, rü ngẽmaãcü taxucürüwa texé itayanaxoxẽxẽ rü ẽ̱xna tanaxüchicüü i ngẽma norü uneta.

Romanos 4:10

¿Natürü ñuxgu nixĩ ga Abraáü̃xü̃ nayaxuxü̃? ¿Ẽ̱xna marü ínawíecha̱xmüü̃pe̱xechiraü̃guwena, rüe̱xna naxü̃pa ga nax ínawíecha̱xmüü̃pe̱xechiraü̃xü̃? Rü pemaxã nüxü̃ chixu rü naxü̃pa nixĩ nax Tupana nayaxuxü̃ ga Abráü̃.

Ore i mexü̃ ga Cuáü̃ ümatüxü̃ 7:22

Natürü i pemax, rü tama nagu pexĩ ga Moichéarü mugü, erü ngü̃xchigaarü ngunexü̃gu pepuracüe. Rü Moiché pemaxã nüxü̃ nixu nax tüxü̃ ípewíecha̱xmüü̃pe̱xechiraü̃xü̃ ya guxãma ya yatüxe ya buxe. (Natürü tama Moiché nixĩ ga inaxügücü ga yema, yerü nũxcümaü̃güxü̃ ga perü o̱xigüwa nixĩ ga ne naxũxü̃.) Rü ñu̱xmax i pemax, rü tüxü̃ ípewiecha̱xmüü̃pe̱xechiraü̃ ya guxãma ya buxe ya yatüxe woo ngü̃xchigaarü ngunexü̃ yixĩxgu.

Ore i mexü̃ ga Matéu ümatüxü̃ 1:2

Rü Abraáü̃ rü Ichaánatü nixĩ. Rü Ichaá rü Acóbunatü nixĩ. Rü Acóbu rü Yudánatü rü guxü̃ma ga Yudáenexẽgünatü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:34

Rü Abraáü̃ nane nixĩ ga Ichaá. Rü Ichaá nanegü nixĩ ga Echaú, rü Acóbu ga yixcüra Iraégu ãégacü.

Naanearü ügüchiga 35:18

Natürü ngĩma ga Raqué rü marü ituraxüchi rü yáxna irüngü̃ rü: —Ben-óni nixĩ ya yimá õxchana —ngĩgürügü. Natürü ga nanatü ga Acóbu rü Bẽyamíü̃gu tanaxüéga.

Naanearü ügüchiga 29:31

Rü nüma ga Cori ya Tupana nüxü̃ nadau nax tama Léamaxã nataãẽxü̃ ga Acóbu. Rü yemaca̱x ga Tupana rü nanaxwa̱xe nax Acóbuaxü̃́ naxãxacüxü̃ ga Léa. Natürü ga Raqué rü ngĩxü̃ nangexacüxẽxẽ.