Ngechuchuarü ngúexü̃gü ga yamugüxü̃arü puracüchiga 7:60 - Tupanaarü Ore

⁶⁰ Rü yemawena rü inacaxã́pü̱xü, rü tagaãcü aixta naxü, rü ñanagürü: —Pa Cori Pa Tupanax, ¡Taxṹ i ñaa pecaduca̱x cunapoxcuexü̃ i ñaa duü̃xü̃gü! —ñanagürü. Rü yexguma yema ñaxguwena rü nayu.

Ngechuchuarü ngúexü̃gü ga yamugüxü̃arü puracüchiga 7:60 Referans Kwoze

Ore i mexü̃ ga Matéu ümatüxü̃ 5:44

Natürü i choma rü pemaxã nüxü̃ chixu rü: ¡Nüxü̃ pengechaü̃ i perü uanügü! ¡Rü naxca̱x peyumüxẽ i ngẽma duü̃xü̃gü i chixexü̃maxã pewe ingẽxü̃tanüxü̃!

Ore i mexü̃ ga Luca ümatüxü̃ 23:34

Rü yexguma Ngechuchuxü̃ curuchawa íyapotagüyane, rü ñanagürü ga Ngechuchu: —Pa Chaunatüx, ¡nüxü̃ nangechaü̃ i ñaa duü̃xü̃gü, erü tama nüxü̃ nacua̱xgü nax ta̱xacürü chixexü̃ naxüexü̃! —ñanagürü. Rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax texéarü tá yixĩxü̃ ga yema Ngechuchuchiru.

1 Corintios 15:20

Natürü aixcümaxü̃chi nixĩ ga Cristu ga yuwa nax ínadaxü̃. Rü natanüwa i guxü̃ma i ngẽma yuexü̃ i yixcüra tá írüdagüxü̃, rü Cristu nixĩ ga namaxã inaxügücü nax ínadaxü̃, yerü nüma nixĩ ga nüxíra wena namaxü̃xü̃.

Ngechuchuarü ngúexü̃gü ga yamugüxü̃arü puracüchiga 20:36

Rü yexguma yema ñaxguwena ga Pauru, rü inacaxã́pü̱xü rü wüxigu guxü̃maxã nayumüxẽ.

Ngechuchuarü ngúexü̃gü ga yamugüxü̃arü puracüchiga 9:40

Rü Pedru rü düxétüwa nanamugü ga guxü̃ma ga yema duü̃xü̃gü. Rü inacaxã́pü̱xü, rü nayumüxẽ. Rü ñu̱xũchi ngĩxca̱x nadauegu ga yema yuxcü, rü ñanagürü: —Pa Tabitáx, ¡Írüda! —ñanagürü. Rü yexguma ga ngĩma rü iyadauuchixetü. Rü yexguma Pedruxü̃ nada̱u̱xgu, rü íirüto.

Ore i mexü̃ ga Luca ümatüxü̃ 6:28

¡Rü naxca̱x ípeca i Tupanaarü ngü̃xẽxẽ naxca̱x i ngẽma pemaxã guxchigagüxü̃! ¡Rü naxca̱x peyumüxẽgü i ngẽma chixri pechiga idexagüxü̃!

1 Corintios 15:18

Rü chi aixcüma yixĩxgu nax tama wena namaxẽxü̃ i duü̃xü̃gü, rü ngẽma duü̃xü̃gü i Cristuaxü̃́ yaxõgüxü̃ i marü yuexü̃, rü chi ta taxũchima nüxü̃́ nangẽxma i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 21:5

Natürü yexguma nangupetügu ga yema 7 ga ngunexü̃gü, rü itaxĩãchi. Rü yema yaxõgüxü̃ rü towe narüxĩ. Rü naxma̱xmaxãchigü rü naxacügümaxãchigü toxü̃ ínixümücügü ga guxü̃ma ñu̱xmata guma ĩanearü türewa tangugü. Rü yexma naxnecügu tacaxgüápü̱xü, rü tayumüxẽgü.

Ngechuchuarü ngúexü̃gü ga yamugüxü̃arü puracüchiga 13:36

Rü yexguma namaxü̃xgu ga Dabí, rü nüxü̃ narüngü̃xẽxẽ ga norü duü̃xü̃gü, yexgumarüxü̃ ga Tupana namuxü̃. Natürü nayu, rü nanatüxü̃tagu rü naéxü̃tagu nata̱x ga naxü̃ne, rü niyixi.

Ore i mexü̃ ga Luca ümatüxü̃ 22:41

Rü yexguma ga Ngechuchu rü yéamaxü̃ra norü ngúexü̃güna naxũ. Rü yexma nacaxã́pü̱xü rü nayumüxẽ.

1 Tesalonicenses 5:10

Rü Ngechuchu ya Cristu rü taxca̱x nayu nax wüxigu namaxã imaxẽxü̃ca̱x i daxũguxü̃ i naanewa. Rü woo marü iyueyane ínanguxgu rüẽ̱xna imaxẽyane ínanguxgu, rü wüxiwa tá namaxã tamaxẽ.

1 Corintios 15:6

Rü yemawena ga Cristu rü 500 arü yexera ga duü̃xü̃gü ga yaxõgüxü̃ca̱x nango̱x. Rü muxü̃ma i ngẽma duü̃xü̃gü rü ñu̱xma rü ta namaxẽ, natürü nümaxü̃ rü marü nayue.

Ore i mexü̃ ga Matéu ümatüxü̃ 27:52

Rü yuetamaü̃gü rü ningẽnagü. Rü wena namaxẽ ga muxü̃ma ga duü̃xü̃gü ga yuechiréxü̃ ga Tupanaaxü̃́ yaxõgüxü̃.

Danié 6:10

Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.

1 Corintios 11:30

Rü ngẽmaca̱x nixĩ i muxũchixe i petanüwa rü pida̱xaweexü̃ rü peturaexü̃, rü ñuxre i togü rü marü nayuexü̃.

Édra 9:5

Rü yexguma yema orawa nanguxgu rü marü choxü̃ nangupetüxüra ga nax changechaü̃xü̃. Rü charügáuxchiruãcüma ichanaxügü nax chayumüxẽxü̃. Rü Cori ya Tupanamaxã chidexa.

1 Corintios 15:51

Natürü chanaxwa̱xe nax nüxü̃ pecuáxü̃ i Tupanaarü ĩnü i ẽxü̃guxü̃ ga noxri nüxicatama nüxü̃ nacuáxü̃. Rü dücax, taxũtáma guxã tayue, natürü guxãxü̃ne rü tá naxüchicüü.

Danié 12:2

Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.

Ore i mexü̃ ga Cuáü̃ ümatüxü̃ 11:11

Rü yemawena ga Ngechuchu rü ñanagürü nüxü̃: —Tamücü ya Lácharo rü napemare. Natürü i ñu̱xma rü tá chayabaixãchixẽxẽ —ñanagürü.

Norü taxre ga popera ga Timutéuca̱x naxümatüxü̃ ga Pauru 4:16

Yexguma noxrixüchima ãẽ̱xgacügüpe̱xewa chaugüétüwa chidexagu rü taxúema choxü̃ tarüngü̃xẽxẽ. Guxü̃ma choxna nibuxmü. Natürü tama chanaxwa̱xe ya Tupana rü nagu narüxĩnü i ngẽma.