Ngechuchuarü ngúexü̃gü ga yamugüxü̃arü puracüchiga 7:6 - Tupanaarü Ore

⁶ Rü Abraáü̃xü̃ ñanagürü ga Tupana: “Ngẽma cutaagü rü to i nachixü̃ane i tama noxrü ixĩxü̃wa tá nangẽxmagü. Rü ngẽma nachixü̃anecüã̱x i duü̃xü̃gü rü norü mugüruxü̃ tá nayaxĩgüxẽxẽ. Rü ngẽma nachixü̃anecüã̱x rü 400 ya taunecü tá chixri namaxã inacua̱x i cutaagü.

Ngechuchuarü ngúexü̃gü ga yamugüxü̃arü puracüchiga 7:6 Referans Kwoze

Naanearü ügüchiga 15:13

Rü yexguma ga Cori ya Tupana rü ñanagürü nüxü̃: —Cumaxã nüxü̃ chixu rü ngẽma cutaagü rü to i nachixü̃anewa tá namaxẽ. Rü ngémacüã̱xgü rü tá norü puracütanüxü̃ nayaxĩgüxẽxẽ. Rü ngẽmaãcü tá chixri namaxã nachopetü i 400 ya taunecü.

Gálatas 3:17

Rü ngẽmaãcü pemaxã chanango̱xẽxẽ nax Tupana rü Abraáü̃maxã namexẽẽãxü̃ rü namaxã inaxunetaxü̃ nax Cristugagu tá yixĩxü̃ i duü̃xü̃güxü̃ nangü̃xẽẽxü̃. Rü ngẽmaca̱x i ñu̱xma rü yema Moiché ümatüxü̃ ga mugü ga 430 ga taunecü yema unetawena ínguxü̃, rü taxucürüwama inayanaxoxẽxẽ ga yema Tupanaarü uneta ga Abraáü̃maxã nüxü̃ yaxuxü̃.

Naanearü ügüchiga 15:16

Rü ngẽxguma 400 ya taunecüguwena rü cutaagü rü tá ñaa naaneca̱x nawoegu. Erü ngẽma duü̃xü̃gü i Amoréutanüxü̃ i ñu̱xma ñaa naanegu ãchiü̃güxü̃ rü taxũta nangupetüxüchi i ngẽma norü chixexü̃ nax chanapoxcuexü̃ca̱x —ñanagürü ga Tupana.

Ínachoxü̃xü̃chiga 3:10

Rü ngẽmaca̱x ¡rü paxa cugü namexẽxẽ! Erü Faraóü̃pe̱xewa tá cuxü̃ chamu nax Equítuanewa ícunamuxü̃xü̃ca̱x i ngẽma chorü duü̃xü̃gü i Iraétanüxü̃ —ñanagürü.