Ngechuchuarü ngúexü̃gü ga yamugüxü̃arü puracüchiga 7:55 - Tupanaarü Ore

⁵⁵ Natürü ga Estébaü̃ rü aixcüma Tupanaãxẽ ya Üünecü nawa nayexma. Rü daxũ nadawenü, rü nüxü̃ nadau ga Tupanaarü üüne. Rü nüxü̃ nadau ga Ngechuchu ga Tupanaarü tügünecüwagu chicü.

Ngechuchuarü ngúexü̃gü ga yamugüxü̃arü puracüchiga 7:55 Referans Kwoze

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Ngechuchuarü ngúexü̃gü ga yamugüxü̃arü puracüchiga 6:10

Natürü taxuacüma Estébaxü̃xü̃ narüyexeragü, yerü nüma ga Estébaü̃ rü nidexa namaxã ga yema cua̱x ga Tupanaãxẽ ya Üünecü nüxna ãxü̃.

Ngechuchuarü ngúexü̃gü ga yamugüxü̃arü puracüchiga 6:8

Rü Estébaü̃ nixĩ ga wüxi ga yatü ga Tupana poraãcü nüxü̃ rüngü̃xẽxẽcü rü naporaxẽẽcü nax duü̃xü̃gütanüwa naxüaxü̃ca̱x ga mexü̃gü ga taxü̃gü rü cua̱xruü̃gü ga Tupanaarü poramaxã naxüxü̃.

Ngechuchuarü ngúexü̃gü ga yamugüxü̃arü puracüchiga 6:5

Rü yexguma ga guxü̃ma ga yema duü̃xü̃gü rü: —Ngü̃ —ñanagürügü naxca̱x ga yema ore. Rü nüxü̃ naxunetagü ga Estébaü̃ ga mea yaxõcü rü aixcüma Tupanaãxẽ ya Üünecü nawa yexmacü, rü Ferípe, rü Pócoro, rü Nicanúru, rü Timóü̃ rü Pármenax, rü Nicuráchi ga Antioquíacüã̱x ga yexguma taxũta Ngechuchuaxü̃́ yaxõõgu rü Yudíugücümagu ixũcü.

Popera ga Yudíugü ga yaxõgüxü̃ca̱x ümatüxü̃ 8:1

Rü ngẽma pemaxã nüxü̃ tixuxchaü̃xü̃ i ñu̱xma nixĩ nax Tupanape̱xewa tüxü̃́ nangẽxmaxü̃ ya tórü ngü̃xẽẽruxü̃ ya chacherdóte ya Guxü̃étüwa Ngẽxmacü. Rü nüma rü daxũguxü̃ i naanewa i Tupanaarü tochicaxü̃arü tügünecüwawa narüto.

Ngechuchuarü ngúexü̃gü ga yamugüxü̃arü puracüchiga 2:4

Rü guxü̃ma ga yema yexmagüxü̃ rü Tupanaãxẽ ya Üünecü nüxna nangu. Rü inanaxügüe nax to ga nagawa yadexagüxü̃ yema Naãxẽ ya Üünecü naxwa̱xexü̃ãcüma.

Ore i mexü̃ ga Cuáü̃ ümatüxü̃ 12:41

Rü yema ñanagürü ga Ichaía yerü yexguma nango̱xetügu marü nüxü̃ nadau nax aixcüma ãẽ̱xgacü ya poracü yixĩxü̃ ya Ngechuchu ya Cristu. Rü yemaca̱x yemaacü nachiga nidexa.

Wiyaegü 109:31

Erü nüma ya Tupana rü tümaétüwa nachogü ya yíxema ngearü ngẽmaxü̃ã̱xgüxe. Rü naxme̱xwa tüxü̃ ínapoxü̃ i ngẽma tüxü̃ íxuaxü̃güxü̃.

Ngechuchuarü ngúexü̃gü ga yamugüxü̃arü puracüchiga 6:3

Rü ngẽmaca̱x, Pa Tomücügüx, rü ¡Naxca̱x peda̱u̱x i petanüwa ya 7 ya yatügü ya guxãma nüxü̃ ngechaü̃güxü̃, rü mea naãxẽxü̃ cuáxü̃, rü aixcüma Tupanaãxẽ ya Üünecü nawa ngẽxmagüxü̃! Rü toma tá nüxna tanaxã i ngẽma puracü nax nümagü õnamaxã inacua̱xgüxü̃ca̱x.

Miquéa 3:8

Natürü Cori ya Tupanaãxẽ ya Üünecü rü cua̱x choxna naxã rü mexü̃ i nacüma choxna naxã rü pora choxna naxã nax tama chamuü̃xü̃ca̱x ega Iraétanüxü̃maxã nüxü̃ chixuxgu nax nataxü̃ i ngẽma norü chixexü̃gü i Tupanape̱xewa naxügüxü̃ rü naétü nax namaxã nanuexü̃.

Echequié 10:4

Rü yexguma ga yema Tupanaarü üüne rü yema querubíü̃güétüwa nayachü̱xüxãchi rü guma Tupanapata ga taxü̃neca̱x íxücuxü̃waama naxũ. Rü yema caixanexü̃maxã nayapa ga guma Tupanapata. Rü yema naa̱xtü ga guma Tupanapata ga taxü̃ne rü Cori ya Tupanaarü üünemaxã nangóone.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:11

Rü guma ĩane rü Tupanaarü ya̱u̱xracüüxü̃maxã nangóone. Rü yema norü ya̱u̱xracüüxü̃ ga guma ĩane rü ñoma wüxi ya nuta ya nga̱xãẽruxü̃ ya diamánte nixĩ. Rü ñoma nuta ya nga̱xãẽruxü̃ ya yásperüxü̃ nixĩ nax yachipetüxü̃.

Norü taxre ga popera ga Pedru ümatüxü̃ 1:17

Rü nüxü̃ tadau ga yexguma Tanatü ya Tupana nüxü̃ icua̱xüxü̃gu. Rü nüxü̃ taxĩnüe ga yexguma gumátama Tanatü ya Tupana ya Üünecü ñaxgu: “Daa nixĩ ya Chaune ya nüxü̃ changechaü̃xü̃chicü. Rü choma rü poraãcü namaxã chataãẽxü̃chi”, ñaxgu.

Ngechuchuarü ngúexü̃gü ga yamugüxü̃arü puracüchiga 4:8

Rü Pedruwa nayexma ga Tupanaãxẽ ga Üünecü, rü yemaca̱x ga Pedru rü nanangãxü̃, rü ñanagürü: —Pa Yudíuarü Ãẽ̱xgacügüx, rü Pa Chacherdótegüarü Ãẽ̱xgacügüx, rü ñu̱xma toxna peca naxca̱x nax ñuxãcü namexü̃ i ñaa chixeparachiréxü̃ erü nüxü̃ pecuáxchaü̃ nax texé naxca̱x yataanexẽxẽxü̃.

Ore i mexü̃ ga Cuáü̃ ümatüxü̃ 14:3

Rü ngẽxguma ngéma chaxũxgu rü choxü̃́ namexgu i wüxi i pechica, rü wena táxarü núma chaxũ. Rü pexü̃ tá chayagagü nax ngẽma íchangexmaxü̃wa pengẽxmagüxü̃ca̱x.

Echequié 10:18

Rü yexguma yema Cori ya Tupanaarü üüne rü guma Tupanapata ga taxü̃neétüna nayachü̱xüxãchi. Rü yema querubíü̃güétügu nayachü̱xüxü.

Echequié 3:23

Rü ichachi ga choma rü ínadoxonexü̃wa chaxũ. Rü yéma nüxü̃ chadau ga Cori ya Tupanaarü üüne, yema natü ga Quebáxpechinüwa nüxü̃ chada̱u̱xgurüxü̃. Rü chacaxã́püxü rü chanangücuchi ñu̱xmata waixü̃müanewa yaxũ ga chaucatü.

Ore i mexü̃ ga Cuáü̃ ümatüxü̃ 11:41

Rü yexguma ínananguxgachigü ga gumá nuta. Rü Ngechuchu daxũgu nadawenüãcüma ñanagürü: —Pa Chaunatü, moxẽ cuxna chaxã erü marü choxü̃ cuxĩnü.