Ngechuchuarü ngúexü̃gü ga yamugüxü̃arü puracüchiga 7:51 - Tupanaarü Ore

⁵¹ Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Ngechuchuarü ngúexü̃gü ga yamugüxü̃arü puracüchiga 7:51 Referans Kwoze

Wenaxarü naxümatü ga Tupanaarü mugü 10:16

¡Rü ngẽmaca̱x nüxü̃ perüoe i ngẽma pecüma i chixexü̃ i perü maxü̃wa ngẽxmaxü̃! Rü tama name i duü̃xü̃gü i tama ixĩnüechaü̃xü̃ pixĩgü.

Efesios 4:30

¡Rü pexuãxẽgü nax tama penangechaü̃xẽẽxü̃ca̱x i Tupanaãxẽ ya Üünecü! Erü yimá nixĩ ya Tupana pexna namucü nax nüxü̃ pecuáxü̃ca̱x nax aixcüma norü duü̃xü̃gü pixĩgüxü̃ ñu̱xmatáta ngẽma ngunexü̃ i nagu pexca̱x núma naxũxü̃ ya Cristu.

Yeremía 4:4

Pa Yudáanecüã̱xgüx rü Pa Yerucharéü̃cüã̱xgüx, ngẽma chixexü̃ i perü maxü̃wa ngẽxmaxü̃ ¡rü pegüwa nüxü̃ pexoó nax tama ngẽma perü chixexü̃gagu pexna nanguxü̃ca̱x i chorü nu, ñoma üxüema inaixü̃ i taxucürüwama texe ixoxẽẽxü̃rüxü̃! —ñanagürü.

Ichaía 63:10

Natürü ga Iraétanüxü̃ rü tama Tupanaga naxĩnüe rü nananuxẽẽgü ga Naãxẽ ya Üünecü. Rü yemaca̱x ga nüma ga Tupana rü yema duü̃xü̃gümaxã narüxuanü rü namaxã nanaxunagü ga nax nadaiaxü̃.

Ínachoxü̃xü̃chiga 33:5

Yerü nüma ga Cori ya Tupana rü marü Moichémaxã nüxü̃ nixu rü nüxü̃ ñanagürü: —¡Iraécüa̱xgümaxã nüxü̃ ixu rü: “Pemax rü duü̃xü̃gü i tama ixĩnüechaxü̃xẽ pixĩgü. Rü ngẽxguma chi woo paxaãchi petanüwa changexmagu rü wüxiü̃cüxü chi pexü̃ chadai. Rü ñu̱xmatama pegüwa penade i ngẽma perü ngã̱xãẽruü̃gü, rü ngẽmawena tá nagu charüxĩnü nax ta̱xacü tá pemaxã chaxüxü̃!” —ñanagürü.

Ínachoxü̃xü̃chiga 32:9

Rü ñanagürü ta ga Cori ya Tupana Moichéxü̃: —Rü meama chanangugü i ñaa duü̃xü̃gü rü nüxü̃ chicua̱xãchi nax tama inaxĩnüechaü̃xü̃.

Filipenses 3:3

Natürü yíxema aixcüma Tupanape̱xewa imexe, rü yixema tixĩgü. Rü Tupanaxü̃ ticua̱xüü̃gü i Naãxẽ ya Üünexü̃arü ngü̃xẽẽmaxã. Rü tataãẽgü erü Ngechuchu ya Cristuarü duü̃xü̃gü tixĩgü. Rü tama tayaxõgü nax ngẽma yigü íiwíecha̱xmüxü̃pe̱xechiraü̃xü̃ca̱x Tupanape̱xewa imexü̃.

Ínachoxü̃xü̃chiga 33:3

Rü nawa pexĩ i ngẽma naane i ngextá lechi rü ira rü ñoma dexárüxü̃ taguma ítaxuxü̃wa. Natürü i choma rü taxũtáma petanügu chaxã erü pema rü duü̃xü̃gü i tama ixĩnüechaxü̃xẽ pixĩgü rü ngẽmaca̱x ngürüãchi chi namagu pexü̃ chadai —ñanagürü ga Cori ya Tupana.

Ngechuchuarü ngúexü̃gü ga yamugüxü̃arü puracüchiga 6:10

Natürü taxuacüma Estébaxü̃xü̃ narüyexeragü, yerü nüma ga Estébaü̃ rü nidexa namaxã ga yema cua̱x ga Tupanaãxẽ ya Üünecü nüxna ãxü̃.

Yeremía 6:10

Rü yexguma ga choma rü chanangãxü̃ rü nüxü̃ ñachagürü: —¿Rü texé tá choxü̃ taxĩnü i ngẽxguma namaxã chidexagu rü namaxã nüxü̃ chixuxgu i ngẽma curü ore? Erü nümagü, Pa Corix, rü nügü narüpoxtamachiẽ̱xgü rü ngẽmaca̱x taxucürüwa nüxü̃ naxĩnüe. Rü nüxü̃ nacugüe i ngẽma curü ore, erü tama norü me nixĩ.

Wiyaegü 78:8

Rü yemaacü nanamu ga Tupana yerü tama nanaxwa̱xe nax yema duü̃xü̃gü norü o̱xigürüxü̃ yixĩgüxü̃ca̱x. Yerü nümagü ga norü o̱xigü rü tama Tupanaga naxĩnüe rü tama naãẽxü̃ nicua̱x rü tama aixcüma Tupanawe narüxĩ rü tama naxca̱x namaxẽ.

Colosenses 2:11

Rü ngẽma Yudíugü rü nügü ínawiecha̱xmüü̃pe̱xechiraü̃gu nax Tupanape̱xewa yamexü̃ca̱x. Natürü ñu̱xma nax Cristuaxü̃́ peyaxõgüxü̃ rü tama ngẽma wiecha̱xmüü̃pe̱xechiraü̃gagu nixĩ nax Tupanape̱xewa pimexü̃. Rü ñu̱xma rü nape̱xewa pime erü Cristu pexü̃ ínanguxü̃xẽxẽ nawa i pexenearü ngúchaü̃gü i chixexü̃.

Romanos 2:25

Pema i Yudíugü rü pegü ípewíecha̱xmüü̃pe̱xechiraü̃güxü̃ nax Tupanaarü duü̃xü̃gü pixĩgüxü̃ca̱x. Rü ngẽma rü name ega aixcüma naga pexĩnüegu i Tupanaarü mugü. Natürü ngẽxguma tama naga pexĩnüegu i Tupanaarü mugü rü natüca̱xmamare nixĩ nax pegü ípewíecha̱xmüü̃pe̱xechiraü̃güxü̃.

Ngechuchuarü ngúexü̃gü ga yamugüxü̃arü puracüchiga 7:39

Natürü ga tórü o̱xigü rü tama naga naxĩnüechaü̃ ga gumá Moiché. Rü nüxü̃ naxoo̱xgüama, rü Equítuaneca̱x nawoeguchaü̃.

Ngechuchuarü ngúexü̃gü ga yamugüxü̃arü puracüchiga 7:27

Rü yexguma ga yema namücüxü̃ icuaxixü̃ rü Moichéxü̃ nata̱xneta, rü ñanagürü nüxü̃: “¿Texé cuxü̃ tamu nax toeru quixĩxü̃ca̱x rü tomaxã icucuáxü̃ca̱x?

Ngechuchuarü ngúexü̃gü ga yamugüxü̃arü puracüchiga 7:9

Rü yema 12 ga Acóbu nanegü ga tórü o̱xigü ixĩgüxü̃tanüwa rü wüxi rü Yúche nixĩ. Natürü naenexẽgü ga gumá Yúche rü nixãũxãchie. Rü yemaca̱x Equítuarü naanewa ĩxü̃ ga taxetanüxü̃xü̃ Yúchemaxã nataxegü nax Equítuarü naanewa nagagüãxü̃ca̱x. Natürü Tupana rü Yúchemaxã nayexma, rü nüxü̃ narüngü̃xẽxẽ ga yexguma guxchaxü̃wa nayexmagu. Rü nüma ga Tupana rü Yúchena nanaxã ga cua̱x, rü yemaca̱x ga Equítuanearü ãẽ̱xgacü ga Faraóü̃ rü Yúchemaxã nataãxẽ. Rü nüma ga Faraóü̃ rü ãẽ̱xgacüxü̃ nayangucuchixẽxẽ nax napatamaxã rü guxü̃ma ga yema nachixü̃anemaxã inacuáxü̃ca̱x.

Echequié 44:9

Rü ngẽmaca̱x i choma i Cori ya Tupana rü ñachagürü: Rü taxuxü̃táma to i nachixü̃anecüã̱x i duü̃xü̃ i tama íwiecha̱xmüü̃pe̱xechiraü̃xü̃ rü tama chorü mugügu maxü̃xü̃ tá chopatagu naxücu, woo Iraétanügu naxãpatagu.

Echequié 44:7

Rü pemax rü penaxãũãchixẽxẽ ya chopata ya taxü̃ne erü nagu penachocuxẽxẽ i duü̃xü̃gü i to i nachixü̃anecüã̱xgü i tama íwiü̃cha̱xmüü̃pe̱xechiraü̃güxü̃ rü tama chorü mugügu maxẽxü̃. Rü naétü ga pema rü chorü õnaca̱x choxna penaxã ga paũ rü chíxü̃ rü nagü. Rü yemaacü yema taxü̃ ga ãũãchixü̃ ga pexügüxü̃maxã peyanaxoxẽxẽ i ngẽma uneta ga pemaxã chaxüxü̃.

Neemía 9:30

Rü mucüma ga taunecü rü yáxna namaxã cuxĩnü ga yema torü o̱xigü. Rü Cuãxẽ ya Üünecüwa rü curü orearü uruü̃güwa cuyaxucu̱xẽgüchire̱x, natürü ga nümagü rü tama cuga naxĩnüechaü̃. Rü yemaca̱x nixĩ ga ñoma ga naanewa yexmagüxü̃ ga nachixü̃anegüme̱xẽwa cunayexmagüxẽẽxü̃.

Wenaxarü naxümatü ga Tupanaarü mugü 31:27

Erü choma rü marü nüxü̃ chacua̱x nax pema rü wüxi i duü̃xü̃gü i taierugüxe rü tama ĩnüwa̱xegüxe nax pixĩgüxü̃. Rü ñu̱xma nax petanüwa chamaxü̃xü̃ rü nüxü̃ chadauxü̃ nax tama Cori ya Tupanaga pexĩnüexü̃, ¿rü ngẽxguma chayuxguwena rü ta̱xacürü chixexü̃ tá yixĩxü̃ i pexügüxü̃?

Echequié 2:4

Rü nümagü i ngẽma duü̃xü̃gü rü tama chauga naxĩnüechaü̃ rü tama choxü̃ nacua̱xgüchaü̃. Rü ngẽmatanüwa tá nixĩ i cuxü̃ chamuxü̃ nax namaxã nüxü̃ cuyarüxuxü̃ca̱x i ñaa chorü ore —ñanagürü ga Cori ya Tupana.

Yeremía 17:23

Natürü ga nümagü rü tama chauga naxĩnüe rü tama nayanguxẽxẽ ga yema namaxã nüxü̃ chixuxü̃. Erü duü̃xü̃gü i tama ixĩnüechaü̃xü̃ nixĩgü rü tama naga ĩnüechaü̃ ga yema chorü ucu̱xẽgü.

Ichaía 48:4

Rü choma rü nüxü̃ chacua̱x nax tama nüxü̃ pecua̱xégaxü̃ rü pitaieruxü̃ rü ñoma fieru rü bróũche i tama irüwe̱xãchixü̃rüxü̃ pixĩgü.

Wiyaegü 75:5

¡Rü taxṹ i perü porachiga pidexagüxü̃! Rü ngẽxguma pidexagügu ¡rü taxṹ i choxü̃ perüyexeragüchaxü̃xü̃ namaxã i perü cua̱x! —ñachagürü.

Neemía 9:16

Natürü ga nümagü ga tórü o̱xigü rü nügü nicua̱xüü̃gümare rü taxúega naxĩnüechaü̃ rü tama naga naxĩnüechaü̃ ga yema curü mugü.

Norü taxre ga to ga popera ga ãẽ̱xgacügüchiga ümatüxü̃ 30:8

¡Rü ngẽmaca̱x i ñu̱xma rü taxṹ i ngẽma perü o̱xigürüxü̃ Tupanaxü̃ pexoexü̃! ¡Rü Cori ya Tupanaca̱x pedaugü rü naga pexĩnüe nax ngẽmaãcü wena pexü̃ nangü̃xẽẽxü̃ca̱x ngẽma pemaxã inaxunetaxü̃rüxü̃! ¡Rü nua pexĩ nawa ya yima napata ya nüma tá guxü̃guma nawa nangẽxmane! Rü ngẽxguma i nüma rü tá pemaxã inarüngü̃xmü.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

Wenaxarü naxümatü ga Tupanaarü mugü 9:13

Rü nüma ya Cori ya Tupana rü ñanagürü ta choxü̃: “Marü nüxü̃ chadau i ñaa duü̃xü̃gü nax duü̃xü̃gü i tama ixĩnüechaxü̃xü̃ nax yaxĩgüxü̃.

Wenaxarü naxümatü ga Tupanaarü mugü 9:6

Rü penaxwa̱xe nax nüxü̃ pecuáxü̃ nax Cori ya Tupana rü tama perü mexü̃gagu yixĩxü̃ i pexna naxããxü̃ i ngẽma naane i mexü̃, erü pema rü duü̃xü̃gü i tama ixĩnüechaxü̃xü̃ pixĩxgü —ñanagürü ga Moiché.

Ínachoxü̃xü̃chiga 34:9

Rü ñanagürü: —¡Pa Corix, Pa Corix, rü ngẽxguma aixcüma yixĩxgu nax chomaxã cutaãẽxü̃ rü ẽcü toxü̃ íixümücü! Rü aixcüma nixĩ i tama inaxĩnüechaxü̃xü̃ i ñaa duü̃xü̃gü. ¡Natürü toxü̃́ nüxü̃ irüngüma i torü pecadugü rü chixexü̃gü, rü toxü̃ nade nax curü duü̃xü̃gü tixĩgüxü̃ca̱x! —ñanagürü.

Ngechuchuarü ngúexü̃gü ga yamugüxü̃arü puracüchiga 7:35

Rü woo ga noxri ga nümagü ga natanüxü̃ rü gumá Moichéxü̃ naxoe ga yexguma ñagügu: “¿Rü texé cuxü̃ tamu nax toeru quixĩxü̃ca̱x rü tomaxã icucuáxü̃ca̱x?” ñagügu. Natürü ga Tupana rü yéma nanamuama nax yema duü̃xü̃güxü̃ ínanguxü̃xẽxẽxü̃ca̱x rü norü ãẽ̱xgacü nax yixĩxü̃ca̱x. Rü yemaacü Moichéxü̃ namu ga Tupana ga yexguma naxü̃tawa namuãgu ga yema norü orearü ngeruxü̃ ga yema naixeta ga iya̱u̱xraxü̃wa naxca̱x nango̱xgu.

Iraétanüxü̃arü muxchiga 27:14

Yerü yexguma chianexü̃ ga Chíü̃wa duü̃xü̃gü pemaxã nuegu rü dexáca̱x ínacagügu, rü pema i taxre rü tama chauga pexĩnüe. Rü yexguma nutawa peyagoxü̃chiüxẽẽgu ga dexá, rü tama duü̃xü̃güpe̱xewa choxü̃ picua̱xüü̃gü i choma nax chaxüünexü̃. Rü yema nixĩ ga Meribáarü dexá ga Cadéwa yexmaxü̃ ga chianexü̃ ga Chíü̃wa —ñanagürü ga Tupana.

Norü taxre ga popera ga ãẽ̱xgacügüchiga 17:14

Natürü woo Tupana rü norü orearü uruü̃güwa nayaxucu̱xẽgü, natürü ga nüma ga Iraéanecüã̱xgü rü tama inaxĩnüechaü̃ naxrüxü̃ ga norü o̱xigü ga tama aixcüma Cori ya Tupanaaxü̃́ yaxõgüxü̃.