Ngechuchuarü ngúexü̃gü ga yamugüxü̃arü puracüchiga 7:47 - Tupanaarü Ore

⁴⁷ Natürü Dabí nane ga Charomóü̃ nixĩ ga naxücü ga gumá Tupanapata ga taxü̃ne ga Tupanaca̱x ixĩxü̃ne.

Ngechuchuarü ngúexü̃gü ga yamugüxü̃arü puracüchiga 7:47 Referans Kwoze

Nüxíraxü̃xü̃ ga popera ga ãẽ̱xgacügüchiga 8:20

Rü nüma ya Cori ya Tupana rü nayanguxẽxẽ i ngẽma norü uneta. Rü yema nüxü̃ yaxuxü̃rüxü̃ rü ñu̱xmax rü chaunatü ga Dabíchicüxü Iraétanüxü̃arü ãẽ̱xgacü chixĩ rü namaxã ichacua̱x. Rü ñu̱xmax, rü chanaxü ya wüxi ya napata ya taxü̃ne naxca̱x ya tórü Cori ya Iraétanüxü̃arü Tupana.

2 Chamué 7:13

Rü nüma tá nixĩ i wüxi ya chopata ya taxü̃ne naxüxü̃. Rü choma rü guxü̃gutáma nüxü̃ charüngü̃xẽẽxü̃ nax duü̃xü̃gümaxã inacuáxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 3:1

Rü nüma ga Charomóü̃ rü inanaxügü nax naxüaxü̃ ya Cori ya Tupanapata ga taxü̃ne ga Yerucharéü̃wa nagu ga nachica ga Yebuchéutanüxü̃ ga Onáü̃ trigu nawa púxü̃ ga ma̱xpǘne ga Moríawa. Rü guma ma̱xpǘnewa nixĩ ga Charomóü̃ nanatü ga Dabíca̱x nangóxü̃ ga Cori ya Tupana. Rü yema nixĩ ga nachica ga Dabí nüxü̃ unetaxü̃ nax nagu tá naxüxü̃ ya Tupanapata ya taxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:1

Rü yexguma marü napatawa nayexmagu ga Dabí rü Tupanaarü orearü uruxü̃ ga Natáü̃maxã nidexa rü ñanagürü nüxü̃: —Dücax, choma rü wüxi ya ĩpata ya ocayiwanaxca̱x ixĩxü̃newa changexma. Natürü ngẽma baú i Tupanaarü mugü nawa ngẽxmane rü wüxi ya ĩpata ya naxchirumarenaxca̱x ixĩxü̃newa nangẽxma —ñanagürü.

Nüxíraxü̃xü̃ ga popera ga ãẽ̱xgacügüchiga 5:1

Rü yexguma Iráü̃ ga ĩane ga Tíruarü ãẽ̱xgacü nüxü̃ cua̱xgux ga Charomóü̃ rü nanatü ga Dabíchicüxü ãẽ̱xgacü nax yixĩxü̃, rü nüma ga Iráü̃ rü yéma Charomóü̃xü̃tawa nanamugü ga norü ngü̃xẽẽruü̃gü nax nüxü̃ namoxẽxü̃ca̱x, yerü guxü̃guma Dabíxü̃ nangechaü̃.

Nüxíraxü̃xü̃ ga popera ga ãẽ̱xgacügüchiga 6:1

Rü yexguma ãgümücü ga taunecü ãẽ̱xgacü yixĩxgu ga Iraéanewa, rü nüma ga Charomóü̃ inanaxügü ga nax naxüaxü̃ ga guma Tupanapata ga taxü̃ne. Rü gumá taunecügu ga norü taxre ga tauemacü ga Chíxgu nixĩ ga inaxügüãxü̃. Rü yexguma guma Tupanapata ga taxü̃ne ixügügu, rü marü 480 ga taunecü ningu ga nax Equítuanewa ínachoxü̃xü̃ ga Iraétanüxü̃.