Ngechuchuarü ngúexü̃gü ga yamugüxü̃arü puracüchiga 7:46 - Tupanaarü Ore

⁴⁶ Rü gumá ãẽ̱xgacü ga Dabí rü Tupana rü poraãcü namaxã nataãxẽ. Rü nüma ga Dabí rü nüxna naxca̱x naca nax naxüaxü̃ca̱x ga wüxi ga napata naxca̱x ga gumá Acóbuarü Tupana.

Ngechuchuarü ngúexü̃gü ga yamugüxü̃arü puracüchiga 7:46 Referans Kwoze

Ngechuchuarü ngúexü̃gü ga yamugüxü̃arü puracüchiga 13:22

Rü yemawena ga Tupana rü ínanata̱xüchi ga Chaú, rü Dabíxü̃ naxuneta nax gumá Iraétanüxü̃arü ãẽ̱xgacü yixĩxü̃ca̱x. Rü Dabíxü̃ nixuchiga ga Tupana, rü ñanagürü: “Nüxü̃ chadau rü Dabí ya Ichaxí nane rü wüxi ya yatü ya poraãcü choxü̃́ ngúchaü̃cü nixĩ. Rü nüma tá nanaxü i guxü̃ma i ngẽma choma chanaxwa̱xexü̃”, ñanagürü ga Tupana.

2 Chamué 6:21

Nüma ga Dabí rü ngĩxü̃ nangãxü̃ga rü ñanagürü: —Aixcüma nixĩ i ngẽma, nax íchiyüxüxü̃, natürü ngẽma chaxüxü̃ rü naxca̱x nixĩ ya Cori ya Tupana ya choxü̃ yaxucü cunatü rü cutanüxü̃chicüxü nax Iraétanüxü̃maxã ichacuáxü̃ca̱x. Rü ngẽmaca̱x nixĩ i Tupanape̱xewa íchiyüxüxü̃.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

Wiyaegü 132:11

Yerü cumax, Pa Corix, rü chaunatü ga Dabímaxã icuxuneta namaxã i wüxi i uneta i taxucürüwama cuxüchicüüxü̃.

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

1 Chamué 13:14

Natürü i ñu̱xma rü taxũtáma guxü̃gu Iraétanüxü̃maxã icucua̱x. Rü nüma ya Cori ya Tupana rü tá naxca̱x nadau i wüxi i yatü i nüma namaxã nataãẽxü̃. Rü tá nüxü̃ naxuneta nax norü duü̃xü̃güarü ãẽ̱xgacü yixĩxü̃ca̱x, erü cuma rü tama naga cuxĩnü i ngẽma cumaxã nüxü̃ yaxuxü̃ —ñanagürü.