Ngechuchuarü ngúexü̃gü ga yamugüxü̃arü puracüchiga 7:42 - Tupanaarü Ore

⁴² Rü yemaca̱x ga Tupana rü nüxna nixũgachi ga yema duü̃xü̃gü. Rü ínanawogü nax woramacurixü̃, rü üa̱xcüxü̃ rü tauemacüxü̃ yacua̱xüü̃güxü̃ca̱x. Yerü yemaacü Tupanaarü orearü uruü̃güarü poperagu naxümatü, rü ñanagürü: “Pemax, Pa Iraétanüxü̃, ¿Cha̱u̱xca̱x yixĩxü̃ ga penadaixü̃ ga carnérugü ga yexguma 40 ga taunecü chianexü̃wa peyexmagügu?

Ngechuchuarü ngúexü̃gü ga yamugüxü̃arü puracüchiga 7:42 Referans Kwoze

Echequié 20:39

Pa Iraétanüxü̃x, choma ya Cori ya Tupana rü ñachagürü pexü̃: —Ngẽxguma tama chauga pexĩnüechaü̃gu, ¡rü ẽcü nüxü̃ picua̱xüü̃gü i ngẽma perü naxchicüna̱xãgü i naxchi chaxaixü̃! Natürü nawa tá nangu i ngunexü̃ nax chauga tá pexĩnüexü̃. Rü ngẽxguma rü taxũtáma wena chope̱xewa chixexü̃ pexü namaxã i ngẽma ãmaregü i naxchicüna̱xãgüca̱x ípeguxü̃ nax ngẽmaãcü nüxü̃ picua̱xüü̃güxü̃ca̱x.

Yeremía 19:13

Rü ngẽma doxonexü̃ i Tóperüxü̃ rü chope̱xewa tá nixãũãchi ya yima ĩpatagü ya Yerucharéü̃cüã̱x rü yima Yudáanearü ãẽ̱xgacügüpatagü rü ngẽma ĩã̱xtügü ga nawa woramacurigüca̱x pumarate̱xe yagugüxü̃ rü bínu ga ãmarexü̃ nagu nabagüxü̃ naxca̱x ga yema tupananetagü” —ñanagürü ga Tupana.

Wenaxarü naxümatü ga Tupanaarü mugü 4:19

Rü ngẽxguma daxũ pedaugügu rü nüxü̃ peda̱u̱xgu ya üa̱xcü, rü tauemacü, rü ẽxtagü, rü guxü̃ma i daxũwa naigüxü̃ rü ¡taxṹ i pexü̃́ nangúchaü̃xü̃ nax nüxü̃ picua̱xüü̃güxü̃ca̱x! Erü nüma ya Cori ya perü Tupana rü guxü̃ma i duü̃xü̃gü i ñoma i naanewa maxẽxü̃ca̱x nixĩ i nango̱xẽẽãxü̃ i ngẽma daxũwa naigüxü̃.

Ichaía 63:10

Natürü ga Iraétanüxü̃ rü tama Tupanaga naxĩnüe rü nananuxẽẽgü ga Naãxẽ ya Üünecü. Rü yemaca̱x ga nüma ga Tupana rü yema duü̃xü̃gümaxã narüxuanü rü namaxã nanaxunagü ga nax nadaiaxü̃.

Ngechuchuarü ngúexü̃gü ga yamugüxü̃arü puracüchiga 7:36

Rü nümatama ga Moiché nixĩ ga Equítuarü naanewa ínagaxü̃xü̃ ga nũxcümaü̃güxü̃ ga tórü o̱xigü. Rü Equítuanewa, rü Dauchíüxü̃ ga Márwa, rü chianexü̃wa inanawe̱x ga cua̱xruü̃gü, rü nanaxü ga mexü̃ ga taxü̃gü ga Tupanaarü poramaxã naxüxü̃. Rü nüma ga Moiché rü yemaacü 40 ga taunecü nüxü̃ narüngü̃xẽxẽ ga yema duü̃xü̃gü.

Ochéa 4:17

Ngẽma Iraéanecüã̱xgü rü tama nüxü̃ narüxoechaü̃ nax nüxü̃ yacua̱xüü̃güxü̃ i ngẽma tupananetachicüna̱xãgü. ¡Ngexrüma nax nüxicatama inarüchó! Rü nangãxẽ rü naxca̱x nadaugü i ngẽma ngexü̃gü i ngĩxü̃nemaxã taxegüxü̃ rü namaxã namaxẽ. Rü ngẽma mexü̃arü yexera naxca̱x nadaugü i ngẽma chixexü̃.

Echequié 8:16

Rü ñu̱xũchi Tupanapata ga taxü̃neã̱xtü ga aixepewaama yexmaxü̃wa choxü̃ naga ga Tupanapataca̱x ixücuxü̃wa. Rü yema ãmarearü guruü̃pe̱xewa nüxü̃ chadau ga 25 ga yatügü ga Tupanapata ga taxü̃nena ãca̱xwe̱xgüxü̃ ga ésteguama caxã́pü̱xügüxü̃. Rü waixü̃müanegu nangücuchitanü rü üa̱xcüxü̃ nicua̱xüü̃gü.

Ichaía 66:4

Natürü choma rü tá ta nüxü̃ chaxuneta i ngẽma poxcu i namaxã tá chanapoxcuexü̃. Rü tá naxca̱x íchananguxẽxẽ i ngẽma guxchaxü̃ i poraãcü nüxü̃ namuü̃exü̃. Erü ngéma ichacagü natürü taxúema choxü̃ tangãxü̃, rü ngẽxguma chidexagu rü taxúema choxü̃ taxĩnü. Rü nanaxü i ngẽma tama chanaxwa̱xexü̃, rü nagu namaxẽ i ngẽma tama namaxã chataãẽxü̃ —ñanagürü ga Tupana.

Yochué 24:20

Rü ngẽxguma tá nüxna pixĩgachigu rü ta̱xacü i tupananetagüwe perüxĩxgu, rü nüma ya Cori ya Tupana rü tá pemaxã nanu rü tá pexü̃ napoxcue rü tá pexü̃ nayarüxoxẽxẽ woo mucüma ga taunecügu mea pexna nax nadauxü̃ —ñanagürü ga Yochué.

Echequié 20:25

Rü düxwa chanayexrü nax nagu naxĩxü̃ca̱x ga yema tupananetagüarü mugü ga tama imexü̃ rü tama maxü̃ nüxna ãxü̃.

Wiyaegü 95:10

Rü 40 ga taunecü namaxã chanu ga yema duü̃xü̃gü rü ñachagürü: “Ñaa duü̃xü̃gü rü tama choxü̃́ inaxĩnüechaü̃ i chorü ucu̱xẽgü, rü ngẽma nümatama nagu naxĩnüexü̃gu naxĩ”, ñachagürü.

Norü taxre ga popera ga ãẽ̱xgacügüchiga 21:3

Yerü wena nayamexẽẽgü ga yema tupananetagüarü ãmarearü guruü̃gü ga ma̱xpǘnetape̱xewa yexmagüxü̃ ga nanatü ga Echequía nagu pogüexü̃. Rü wena ínanaxüxü̃ ga Baáchicüna̱xãxarü ãmaregüarü guruxü̃. Rü Iraéanearü ãẽ̱xgacü ga Acáxrüxü̃ nanaxü ga wüxi ga Acheráchicüna̱xãxarü ãmaregüarü guruxü̃. Rü ñu̱xũchi nüxü̃ nicua̱xüxü̃ ga üa̱xcü, rü tauemacü rü woramacurigü.

Norü taxre ga popera ga ãẽ̱xgacügüchiga 17:16

Rü nüxü̃ narüxoe ga guxü̃ma ga norü Cori ya Tupanaarü mugü. Rü yemaca̱x nügüca̱x nanaxügü ga taxre ga wocaxacüchicüna̱xãgü ga úirunaxca̱x, rü nanaxügü ta ga tupananeta ga Acheráchicüna̱xãx. Rü naétü nüxü̃ nicua̱xüü̃gü ga üa̱xcü rü tauemacü rü woramacurigü rü ñu̱xũchi Baáchicüna̱xã rü ta.

Ichaía 43:23

Rü pema rü tama cha̱u̱xca̱x ípenagu ga carnérugü rü tama to i ãmaregü choxna pexãgü nax namaxã choxü̃ picua̱xüü̃güxü̃ca̱x. Rü choma rü tama naxca̱x pexü̃ chaca̱a̱xü̃ nax ãmaregü choxna pexãxü̃ rü tama pexü̃ chachixewe nax pumarate̱xe cha̱u̱xca̱x ípeguxü̃.

Popera ga Yudíugü ga yaxõgüxü̃ca̱x ümatüxü̃ 3:9

Rü yemaca̱x ga Tupana rü ñanagürü: “Rü yema naanewa nixĩ ga chixexü̃ naxügüxü̃ ga nũxcümaü̃güxü̃ ga perü o̱xigü yerü choxü̃ naxügü rü tama choxü̃́ nayaxõgüchaü̃ woo 40 ga taunecü nüxü̃ nadaugü ga yema mexü̃gü ga nape̱xewa chaxüxü̃.

Yeremía 8:2

Rü ñu̱xũchi nüma i uanügü rü yima naxchina̱xãgü ga yema duü̃xü̃gü rü ü̱a̱xcüemagu, rü tauemacüemagu, rü guxü̃ma i ẽxtagüemagu tá nayapagü, yerü yema duü̃xü̃gü rü üa̱xcüxü̃ rü tauemacüxü̃ rü ẽxtagüxü̃ nixĩ ga nangechaxü̃güxü̃, rü nüxü̃́ napuracüexü̃, rü nawe naxĩxü̃, rü namaxã yadexagüxü̃, rü ñu̱xũchi nüxü̃ yacua̱xüü̃güxü̃. Rü taxúetama tanade ya yima naxchina̱xãgü nax itanata̱xgüxü̃ca̱x. Rü ngẽmaãcü tá ñoma naü̃rüxü̃ waixü̃müxü̃ nixũ.

Ore i mexü̃ ga Cuáü̃ ümatüxü̃ 6:45

Nũxcümaü̃güxü̃ ga Tupanaarü orearü uruü̃güarü poperawa naxümatü i ore i ñaxü̃: “Tupana tá guxãxü̃ nangúexẽxẽ”, ñaxü̃. Rü ngẽmaca̱x guxãma ya texé ya Chaunatüxü̃ ĩnüxẽ rü naxü̃tawa ngúxe, rü chauxü̃tawa taxĩ.

Ngechuchuarü ngúexü̃gü ga yamugüxü̃arü puracüchiga 13:40

Rü pexuãẽgü nax tama pegu nanguxü̃ca̱x i ngẽma poxcu i Tupanaarü orearü uruü̃gü nüxü̃ ixuchigaxü̃ ga yexguma ñagügu: